15P 7H 6SM | ⟨⟨Myanmar Translation⟩⟩ ✓

အခန်း (၂၆) | အခန္း (၂၆)

Unicode

[၅] တူညီသောအစားအစာ

ကြယ်ပွင့်လေး၏ စိတ်ထဲတွင်-

ငါ့ရဲ့အသက် ၃၀ ပြည့်မွေးနေ့ ရောက်လာခဲ့ပြီ။ ငါတို့က ဟောင်ကောင်မှရောက်နေတာကြောင့် ကုမ္ပဏီက ဖန်တွေအားလုံးကို ဖိတ်လိုက်ပြီး ငါနဲ့အတူပါဝင်ဆင်နွှဲကြစေတယ်။

အဲ့ဒါက ကလေးလိုပဲ။ ငါအနောက်တိုင်းအစားအစာကို မကြိုက်ဘူး။ ငါ့မျက်လုံးထဲမှာတော့ စတိခ်ကောင်းကောင်းနဲ့ ပြင်သစ်ရှန်ပိန်ဝိုင်က ဘီယာနဲ့ ပဲနို့ခေါက်ဆွဲလောက် အရသာရှိမယ့်ပုံမပေါ်ဘူး။

ငါခရင်မ်ကိတ်မုန့်စားပြီးတော့ ဝိုင်သောက်တယ်၊ အဲ့ဒါကလည်း အတော်လေးဈေးကြီးမဲ့ပုံပဲ။ ငါလက်ဆောင်တွေ အပုံလိုက်ကြီးရပြီးတော့ ကောင်မလေးငယ်လေးတွေရဲ့စူးရှတဲ့သီချင်းဆိုသံကို နားထောင်ပြီး နောက်ဆုံးတော့ မင်းနဲ့အတူ ဟိုတယ်ကို ပြန်လာနိုင်ခဲ့ပြီ။ တကယ်တော့ မွေးနေ့ကို မင်းနဲ့အတူကုန်ဆုံးချင်ခဲ့တာ၊ မင်းနဲ့အတူပေါ့။ ဒါပေမယ့် ဘာမှမလုပ်ရသေးဘူး။ ဘယ်သူက ငါဆယ်လီတစ်ယောက်ဖြစ်ရမယ်လို့ ပြောထားတာလဲ?

ဟိုတယ်ကို ပြန်တော့ ငါမင်းကို ဆန်းကြယ်လှတဲအိတ်ကြီးကိုကြည့်ဖို့အတွက် အနီရောင်လမ်းခင်းပေါ်ကို ဆွဲချပြီး ထိုင်ခိုင်းလိုက်တယ်။ မင်းရဲ့ထူးဆန်းနေတဲ့အကြည့်တွေကို ကြည့်ပြီး အထဲ,ထဲကအရာတွေကို ဆွဲထုတ်လိုက်တော့ မင်းရဲ့မျက်လုံးတွေက ပိုပြီးတော့တောင်ပြူးကျယ်လာတယ်။

အာလူးအကြီးကြီးနှစ်လုံး

အသင့်စားခေါက်ဆွဲထုပ်ကြီးနှစ်ပါကင်

လောင်စာမီးဖိုတစ်လုံး

မင်းရုတ်တရက်ထရယ်လာတော့တယ်။ ငါ့လိုပဲ ပျော်ပျော်ရွှင်ရွှင်ရယ်လာတယ်။

"ဘာလို့လဲ? မင်းလိုမျိုး ဆယ်လီကြီးကြီးတစ်ယောက်က မင်းမွေးနေ့မှာ ဒါကိုစားမလို့လား?"

"ဟုတ်တယ်.......အင်း....ဟုတ်တယ်၊ မင်း ငါ့ကိုပထမဆုံးလုပ်ပေးခဲ့တဲ့အစားအစာလိုမျိုး အခုစားချင်တယ်"

မင်းမှာ 'မင်းနဲ့တော့ခက်ရချည်ရဲ့' ပုံစံမျိုးနဲ့ မင်းလက်နှစ်ဖက်ကို မြှောက်လိုက်ပြီး အာလူးကြီးကြီးနှစ်လုံးကို ဆားနဲ့ ထည့်ပေါင်းပြီး နှစ်ယောက်စာအတွက် အသင့်စားခေါက်ဆွဲနှစ်ထုပ်ပြုတ်လိုက်တယ်။