Precious. ........
(Unicode)
မနက်ဖြန်ကျောင်းပိတ်ရက်ဖြစ်သောကြောင့် ထက်တို့နှစ်ယောက်လျှောက်လည်ရန်တိုင်ပင်နေကြသည်။ လည်စရာမယ်မယ်ရရမရှိသော်လည်း ထက်တို့နှစ်ယောက်က ကျောင်းမှာတွေ့နေရတာပင်မလုံလောက်၍ ပိတ်ရက်တွေပါလျှောက်သွားတတ်သည့်ခြေရှည်သည့်အတွဲပါလေ။
နေ့လည်ပိုင်းအတန်းမတက်သေးသောကြောင့် ဝသုန်လည်း စာရေးခုံပေါ်လက်တင်၍ ပျင်းတိပျင်းရွဲဖြင့်သူတို့နှစ်ယောက်စကားဝိုင်းထဲ နားထောင်နေလိုက်သည်။
နေ့လည်ပိုင်းနေပူသောကြောင့် ရှပ်အက်ျီကြယ်သီးတစ်လုံးကိုဖြုတ်ထားလိုက်သည်။ခုံပေါ်တွင်ဒူးတစ်ဖက်ထောင်၍ သူတို့နှစ်ယောက်၏ခပ်ကြိတ်ကြိတ်စကားသံကိုနားစွင့်နေသည်။ ဝသုန့်နားထင်စပ်နားတွင်လည်း ချွေးသီနေ၏။
" ကို ထက်တို့icon မှာပဲရုပ်ရှင်ကြည့်ကြမယ်လေ နေပူတော့ဘယ်မှမသွားချင်ဘူး ဝသုန်နင်လည်းလိုက်ခဲ့ရမယ်နော်"
ဖုန်းကြည့်နေသော ဝသုန်ထံသို့မေးငေါ့မေးလိုက်သောအခါ ဝသုန်က
" ဟင့် ငါကနင်တို့နှစ်ယောက်ကြားထဲ ရှုပ်နေမှာပေါ့ အိမ်မှာပဲနေမှာ အပျင်းမထွက်ဘူး "
ပြောပြီးဖုန်းပြန်ကြည့်နေသောကြောင့် အလယ်တွင်ထိုင်နေသောအံ့မှူးက ဝသုန်ဖုန်းအား အကဲခတ်လိုက်၏။ စာပို့နေဟန်တူသောဝသုန်ကြောင့် အံ့မှူးက စချင်လာသဖြင့်
"မင်း ဘယ်သူနဲ့ပြောနေပြန်ပြီလဲ မင်းမှာလည်းတော်တော်ဇယားရှုပ်တယ် "
ဝသုန့်၏ဆံပင်ကောက်ကောက်လေးများကို တစ်ချက်ဘေးနားသပ်လိုက်၍ ပြောလာသည်။ ထိုအခါစပ်ဖြဲဖြဲဝသုန်က ဘာမှမပြောဘဲ ရယ်နေလျက်။
ထက်ကတော့ သူ့သူငယ်ချင်းအားကြည့်၍ ခေါင်းခါလိုက်ကာ ကြည်လင်သောအသံလေးဖြင့်
" ဝသုန် နင်ရည်းစားထားမယ်ဆိုလဲ ထားလိုက် အဲ့လိုလျှောက်မအီနဲ့ နောင်တစ်ချိန်ကျရင် အဲ့ဇယားတွေကအတော်ဖြေရှင်းရမှာနော် အချစ်ကိုမကစားနဲ့ "
ထက်ထက်အပြောကြောင့် ဝသုန်စဥ်းစားလိုက်မိသည်။
သူ့အတွက်က ပြည့်စုံပြီးသားဖြစ်၍ အချစ်ဆိုတာ မရှိသလိုတောင်ဖြစ်နေပြီဖြစ်၏။ တစ်ခါတစ်ရံ တီတီတာတာပြောချင်သည်ဖြစ်သည်မှအပ ရည်းစားမထားချင်သေးပါ။ ဝသုန့်ကို ချုပ်ချယ်မှာအသေကြောက်၏။
ယခုလို စကားလာပြောလျှင်စိတ်ပါလျှင်ပြန်ပြောလိုက်၊ စိတ်မပါလျှင်မပြောပါ။ ထိုသို့သာသူနေသားကျနေ၏။
ထက်တို့အတွဲကို တစ်ခါတလေ သူသဘောကျသော်လည်း သူတို့နှစ်ယောက်ရန်ဖြစ်စကားများကြသည့်အခါများတွင်သူစိတ်ပျက်မိ၍ ပြောသည့်အခါများတွင် ထက်ကတော့
"နင် မချစ်တတ်သေးလို့ပါ"တဲ့။ သည်စကားကိုမှားတယ်ဟုဆိုလိုချင်သည်။ အဘယ်ကြောင့်ဆိုသော် ဝသုန်က အရမ်းချစ်တတ်၏။ အကယ်၍များ ရည်းစားရရင် ကိုယ့်ချစ်သူလေးကိုလိုချင်တာဝယ်ပေးမည်။ စိတ်တိုင်းကျထားမည်။ မျက်နှာတစ်ချက်မညိုးစေရ။ သူဟာကိုယ့်ကမ္ဘာဟူ၍ ခပ်ကြောင်ကြောင်အတွေးတွေးခဲ့ဖူးသည်။ သို့သော်လက်တွေ့တွင် သူရည်းစားမထားချင်ပါ။
KAMU SEDANG MEMBACA
Precious (Completed)
Romanceလူကြီးဆန်ဆန်နှင့် အရာရာကို တည်ငြိမ်ပြတ်သားစွာဆုံးဖြတ်တတ်တဲ့ ကောင်လေးရဲ့ ဘဝထဲကို လွတ်လပ်ပေါ့ပါးပြီး သွက်လပ်ချက်ချာတဲ့ ကောင်ဆိုးလေးတစ်ယောက် မသိမသာရော သိသိသာသာပါ လွှမ်းမိုးခံလာရတဲ့အခါ................. ။ ဝသုန်က စကားပြောရင် တစ်ခါတလေ အထက်စီးဆန်တယ်။ သို့သ...
