غزالتي النازحة

البارت السابع

الكاتبة 🦋زمرد🦋(البارت قصيرر🖤)
.
.
.
.
.
.
.
.
.
.
.
.
روحُها كالغيمِ طاهرةٌ ‏وقلبُها مُورِقٌ بالحُبِ رَيانَ .🖤💙
.
.

غزالة:مشة قسور سريع وعاف السيطرة بدوا يرمون علينة حسيت عبالك مي حار نزل من جتفي على ايدي خليت ايدي واشوف دم كلت دم

قسور:باوعتلهة بقلق وخوف وتوتر خفت عليهة كتلهة بالله واعاين(اباوع )للطريق شفتهة مضروبة طلقة ب جتفهة كتلهة لزمي حيل ولتعاينيلة(لتباوعيلة)لتخافين ماكو شي

غزالة:دخت والدنيا بدت تسود بعيوني واني لازمة جتفي سمعت قسور يحكي وياية مااكدر ارد عليه وبعد ماحسيت

قسور:شفتهة تريد تغمض كتلة لا غزالة لتغمضين غزالة مابيج شي لتغمضين وذولة بعدهم يلحكوني مشيت سريع لكيت طريقين والسيارة تريد تخلص بانزين خليت السيارة على جهة طريق ونزلت من السيارة شلت غزالة وطبيت بين الاشجار اكو وصلة بالسيارة خليتهة على جتفهة علمود يوكف النزيف وشلتهة وطلعت بقيت شايلهة وامشي بالبساتين متت من التعب شفت من بعيد قرية بقيت بلكوات كدرت اوصل استقبلوني رجال شايب ومرة عجوز عاينوا(باوعوا) علينة الغزالة كالت المرة شبيهة كتلهة انضربت كالت تعال وياية رحت طبينة البيت رحت يم الرجال جابلي مي عرفت اسمهم ام قصي وابو قصي عدهم بس ولد واحد عسكري ومستشهد

ابو قصي: انتظر هسة الحجية تعالجهة لتخاف شوية بس ماحجيتلي ليش هيج صار بيكم

قسور:حرمتي(زوجتي) هاي وردنة نطلع البغداد والسيطرة رموا علينة

ابو قصي:ها يول لتخافون انتوا ب امانتي اموت اني وانتوا التعيشون خوش

قسور:تسلم حجي زحمناكم هواية

ابو قصي:وليدي ماكو زحمة رحمة هساعين(هسة)تجي ام قصي تسويلكم اكل واكل ونام والصباح رباح

قسور:لا حجي مااشتهي

ابو قصي:متشتهي شنو اليدخل البيتي اضيفة احسن ضيافة وانت اجيت البيتي

قسور:ممنون حجي والله ماوافيك حكك .طبت ام قصي

ام قصي:عالجتهة البنية لتخاف عليهة بس مصخنة هي وانت اسمك قسور؟

قسور:اي ليش

ام قصي:البنية واني اعالجهة وهي تهذي ب اسمك

قسور:ابتسمت كتلهة زين هسة هي شلونهة

ام قصي:اطمن وليدي عالجتهة والطلقة بس شاخطتهة وعابرة بس هواية نازفة ومصخنة هساعين(هسة)اسويلهة اعشاب وتكوم كُلشي مابيهة اءا تريد تشوفهة كوم وياية

قسور:اي اريد اشوفهة كمت شفت غزالتي نايمة وتون من الالم والوجه اصفر لزمت راسهة حار جابتلي ام قصي طاسة بيهة وصلة وماي خليتهن على راسهة شوية وصاحولي حته اكوم اكل

ام قصي:وليدي تعال اكل سويتلك اكل والبنية لتخاف عليهة ان شاء الله كم يوم وتصحة

قسور(بصدمة):جم يوم وتصحة ليش؟خو مابيهة شي حجية

ام قصي:لا وليدي لتخاف عليهة بس مثل متعرف خسرت دم هواية هي واني اعالجهة بالاعشاب هو اليعوض دمهة ف مو هسة تصحة يومين ٣ تكوم كُلشي مابيهة

قسور:قلقت اكثر من ماجنت قلق كتلهة زين حجية ماكو هنا مستشفى شي اوديهة

ام قصي:يول شنو متصدك بية عجل عالجت كومة اهل القرية كُلهم اني عالجتهم

قسور:لا حجية ونعم منج بس مو تكولين خسرت دم هواية

ام قصي:يول مو كتلج عندي اعشاب تخلي دمهة يرجع اكثر من قبل

قسور:ابتسمت على حجيهة كتلهة ممنون انه منج حجية

ام قصي:يول هي زوجتك موو

قسور:اي حجية

ام قصي:تبقى يمهة تريد افرشلك

قسور:لاحجية ميحتاج انتي ابقي

ام قصي:عجل منين تستحي غير زوجتك

قسور:لاحجية منين مستحي بس اخذي راحتج

ام قصي:لا لعد افرشلك يمهة

قسور:سلمت امري لله كتلهة بكيفج حجية التردي سوي راحت فرشتلي يمهة واني صارلي ٣ ايام منايم جريت فراشي ونمت بعيد عنهة كعدت الصبح رحت الغزالة بعدهي ماصحت بس وجهة شوية صار بي دم ورد مو مثل قبل طلعت لكيت ام قصي وابو قصي كاعدين كتلهم صباح الخير

ام قصي وابو قصي:صباح النور وليدي

ام قصي:عجل شلونهة مريتك

قسور:شوية احسن

ام قصي:ان شاء الله تكوم بالسلامة

قسور:ان شاء الله حجية

ام قصي:تعال وليدي اكعد هنا خلي اسويلك الريوك

قسور:خاف زحمة حجية

ام قصي:رحمة وليدي

قسور:سوتلي ريوك تريكت وكملت سمعت صوت رمي قوي باوعت الابو قصي حجي شكو

ابو قصي:والله ياوليدي ماادري هساعين(هسة)اطلع اشوف شكو

قسور:خوش حجي كلت تكيد جايين علينة اني وغزالة يردون يكتلونة طب ابو قصي

ابو قصي:وليدي يدورون على واحد عسكري وشايفينة السيطرة عابر

قسور:عاينت الابو قصي يعاينلي(يباوعلي)بنضرة شك كتلة حجي انه

ابو قصي:كوم وليدي وياية

قسور:تفاجأت وين حجي؟

ابو قصي:كوم وليدي شيل مريتك وتعال وياية

قسور:خفت كلت يسلمنة الداعش رحت الغزالة شلتهة
وحجيت وياهة وهي بعدهي مصاحية كتلهة اسف ماكدرت احميج ماكدرت اصون امانة اخوج انه مو كد الامانة وهاي هسة راح ياخذونة يكتلونة اعتذر منج ومن اخوج غزالتي طلعت من الغرفة وبحضني غزالة كال تعال فتح الباب وطلعنة ب بستان مشة واني ورا وصلنة وشفت ....وووو

حبيبي شلون حالك وصفي اليه
عوف الناس كلهه وصفه اليه
مريضة وصرت انتَ وصفه اليه
من اشوفك كل مرض مايبقه بيه🤎🖤