غزالتي النازحة

البارت الثامن

الكاتبة🦋زمرد🦋
.
.
.
.
.
.
.
.
.
.
.
روحُها كالغيمِ طاهرةٌ ‏وقلبُها مُورِقٌ بالحُبِ رَيانَ .🖤

قسور:خفت كلت يسلمنة الداعش رحت الغزالة شلتهة
وحجيت وياهة وهي بعدهي مصاحية كتلهة اسف ماكدرت احميج ماكدرت اصون امانة اخوج انه مو كد الامانة وهاي هسة راح ياخذونة يكتلونة اعتذر منج ومن اخوج غزالتي طلعت من الغرفة وبحضني غزالة كال تعال فتح الباب وطلعنة ب بستان مشة واني ورا وصلنة وشفت وخر الزرع واكو باب بالكاع باوعتلة بدهشة

ابو قصي:اسمعني وليدي ترى اني مو صغير وعبالك مااعرف ترى اني بيوم الاجيت عرفتك مو من هين وهسة تأكدت من اجوي يدورون عليك واني كتلك اني اموت وانتو تعيشون ادخلوا هنا هذا سرداب

قسور:ابتسمت وكتلة انه اعتذر حجي بس ماجان عندي خيار غير هذا

ابو قصي:يول هسة ادخل ومن يرحون نتفاهم

قسور:دخلت شكد مااوصف هذولة الناس يبقى الوصف عاجز غن التعبير عنهم ضحوا بنفسهم في سبيل ينقذونة بقيت وية غزالة بالسرداب طبعاً السرداب جان مثل الغرفة كامل بي جرباية مال نفر ومفروشة خليت غزالة عليه وكعدت يم راسهة شوية واجوي ابو قصي وام قصي

ابو قصي:عجل يلا جيب زوجتك وتعال راحوا

ام قصي:يول خليهة وتعال احجيلنة ليش يدورون عليك وانت ب امان يمنة

قسور:اخذت غزالة ورجعتهة للغرفة طلعت

ابو قصي:عجل احجيلي الحقيقة انت مو هين لهجتك غير عنة واطمن انت ب امان يمي

قسور:عاينتلة وحجيتلة كُلشي كال

ابو قصي:دحكلي انت والبنية تبقون هين يمنة احنة متفقين اهل القرية بعد يومين عكب باجر تجي شاحنات تاخذنة البغداد وانتو ويانة

قسور:والله حجي شكول عنكم يبقى الوصف قليل بحقكم

ابو قصي:عجل انت مثل ابني هم عسكري واستسهد كتلو ذولة الميخافون الله تريدني انطيكك الهم لا والله على كص ركبتي

قسور:الله يرحمة حجي وكلشش ممنون منك انت والحجية ام قصي

ابو قصي:يول هساعين(هسة)روح نام ارتاح

قسور:رحت يم غزالتي لزمت ايدهة ونمت وانه ماادري بنفسي كعدت الصبح على واحد يحرك بأيدي فتحت عيوني ولكيتهة غزالة ابتسمت كتلهة كعدتي واخيرا

غزالة:كعدت بمكان مااعرفة اخر شي اتذكر من قسور يحجي وياية دحكت(باوعت)لكيت قسور غافي وهو كاعد ولازم ايدي وخرت ايدي خليتهة فوك ايدة كعد ابتسملي وابتسمتلة كتلة احنة وين شصار شوصلني هنا شجابني

قسور:علكيفج بوية وحدة وحدة خلي الحك اجاوب هسة احجيلج وحجيتلهة كلشي

غزالة:هذا كُلة صار واني ماادري