غزالتي النازحة

البارت التاسع

الكاتبة🦋زمر🦋
.
.
.
.
.
.
.
.
أهيَّ الوجوهُ كلها تشبهه؟
‏أم أن الروح من فرط شوقها ،
‏في كل وجههٍ عابرٍ تراه !
.
.
.
مشت الشاحنة واني كلي امل هسة قسور يحجي يكول اوكفوا بس تبقى الامال امال بجيت ورفعت راسي ودموعي تصب على خدي مثل الجمر وادحك للسما الزركا وريحة الحرب الشمس تريد تغيب والسما مختلطة وية الدخان ادحك اني بين ناس ماعرفهم وين ماخذيني مصيري اهلي دراستي راح من ايدي كُلشي بين ليلة ويوم
بسبب ناس او وحوش اطلقوا على نفسهم اسم(الدولة الاسلامية)داعش الي همَ ميمثلون الاسلام
انتهى كُلشي اي شخص يبقى وياية يروح ابوية نوب امي نوب احمد وعلي نوب مصطفى وهسة قسور بقيت صافنة على السما فزيت على صوت بنية باوعتلهة نفسهة التعرفت عليهة بالكلية اسمهة مينا

مينا:انتي مو غزالة الي شفتج بالكلية؟

غزالة:باوعتلهة ميناا

مينا:اي مينا شبيج صافنة وتبجين صارلي ساعة ادحكلج(اباوعلج) ردت اتأكد انتي نفسج شصاير بحالج ولج

غزالة:ابتسمتلهة بحزن كتلهة هاي شوفي حالي تنزحت وبقيت بلا اهل

مينا:ابتسمت وكتلهة هم مثل حالتج اني بلا اهل بقيت وحدي بس ماحجيتلي امج ابوج اخوانج وين؟

غزالة:بجيت كتلهة انكتلوا كُلهم وانتي ليش هم وحدج

مينا:هم بجيت كتلهة اني يتيمة الابوين وجان عندي بس عمي هو رباني ف مرة دخلوا داعش للبيوت ورادو ياخذوني عمي ختلني من عدهم ومن عرفوا عبالهم مشردني كتلوا

غزالة:الله يرحمهم كُلهم مثل حالتي حضنتهة وبجينة اثنينة بقينة سوية وام قصي وابو قصي بنص الطريق نزلوا يم كرايبهم وراحو ودعتهم ومشت الشاحنة بقيت اني ومينا تذكرت وصية قسور انو اتلثم قبل لا انزل تلثمت وكلت المينا همين تلثمت حته عيونة مطلعناهن نمت على جتفهة ونامت عي على راسي وكفت السيارة كالوا يلا انزلو اول شي للمركز اسمائكم تتسجل ونوب للمخيمات نزلنة بمكان مااعرف وين داخل بغداد لزمت ايد مينا حيل وهي لزمتني وحدة تباوع للثانية بخوف بنات عمرنة ١٨ سنة وحدنة لا اهل لا شي لا شخص كبير ويانة مشينة وية الناس شفت واحد ضابط رجال كبير حجة ويانة طمنة كال انتو هسة بحمايتنة لتخافون شتردون تعالوا كلولي ف اني هنا كلت خلي اسأل عن قسور عسى ولعل يعرف عنة او بلكت قسور راجع كمت كتلة سيدي

الضابط:تفضلي بنتي محتاجة شي

غزالة:سيدي عندي شي اني اخت النقيب مصطفى استشهد قبل اسبوعين ب تكريت

الضابط:الى رحمة الله بنتي انتي اخت احد الابطال واعتبريني ابوج شتردين تعالي كليلي اذا شي اكدر عليه عيوني انطيجياهن

غزالة:تسلم عيونك بس اكو ضابط اعتقد ملازم اول اسمة قسور اجة التكريت وجانوا داعش يدورون عليه ورجع وبعد مااجة متعرفون عنة اخبار هو من البصرة