عند شعاع -
صحى من نومته الطويلة على صوت عصافير، وبدأ يناظر حوله ويتمغط بسبب نومته على الكنبه ..
واول شي سواه حط عينه على ريان الي نايم بهدوء على السرير.
ابتسم وطلع بشويش من الغرفة وسكر الباب وراه بكل هدوء.
ابراهيم: ليش نايم على سرير المريض
حط شعاع يده على قلبه وقال: قلبي الخفيف كان بيوقف
ابراهيم: ما جاوبتني
شعاع: ياخي اتشمس .. يعني بظنك ليش نايم
ابراهيم: ريان هو الي لازم يرتاح وما يجهد نفسه
شعاع: وانا من حقي انام
ابراهيم: على سرير المريض؟
شعاع: انا تعبان
ابراهيم: ما شاء الله.
...
عند غنام -
صحى من النوم وهو يشم ريحة عطر رياض ..
ما ينكر ذوق رياض بالعطور الي ينافس اي شخص بالدنيا فيها، مو بس عطر ريحته فخمه ولا يكون ثابت بملابسه لفترة اطول.. كلما دخل غرفة امتلى المكان بريحته وكأنه يتعمد يكون هو الطاغي بكل شي.
تحرك على السرير ياخذ رجله الاصطناعيه ويلبسها قبل ما يقوم للحمام ويغسل وجهه ويفرش اسنانه بعدين يروح للدولاب ولبس ثوبه ورتب شكله وتعطر.
طلع اخيراً وشاف رياض يشرب قهوته بكل هدوء قدام التلفزيون، ساعته الجديدة تزين يده ولابس ثوب.
وواضح باله سرحان بشيء.
تكلم غنام: صباح الخير حبيبي
التفت رياض لـ صوت غنام ورد بعد ما شافه: صباح النور حياتي، توني جايب القهوة باقي ما بردت
قرب غنام واخذ قهوته وجلس جنب رياض يشربها.
غنام: صاحي بدري؟
مد غنام يده وقعد يلعب بشعر رياض الي جاوب: من ساعتين تقريباً
غنام: وليه ما صحيتني ناخذ شور ونفطر؟
رياض: ما حبيت ازعجك، كنت نايم بعمق
قرب غنام وباس خد رياض وهو يقول: انت ما تتقاوم ابد
