تـنـاثـرو ونـدثـرت

البارت (1)

#تناثرو_وندثرت

#بقلمي_بتول_حسين

البارت(1)

نبدي اول بارت بلصلاة على محمد وال محمد

_________________________________

عيـونك وطن محـد يگدر يصدك
أعوف النـاس كلها وأختـل بسدك

__________________________________

سنة 75. في محافظة الديوانية

ريحانة : سمعت صوت شباب يحجون صوتهم قريب على بابنا اكيد هو هذا يومية هيج وقت يگعد بمكانة المعتاد ركضت غسلت وجهي اذكر بوقتها چان الجو بارد اعتقد شهر الثاني چان بوقتها عمري 15 سنة
غسلت وجهي ونشفته وركضت للباب مديت راسي شافني خزرني مقبل ههههه لان جوارينا كلهم گاعدين ابتسمت وضليت قريبة على الباب منتظره يروحون حتى اشوفة براحتي طلعت امي گعدت يمي ودخل ابوي للبيت باوعلي وگالي كومي سويلنا چاي ورجع طلع مثل كل يوم سويت چاي اني ناعمة كلش وعادي دائما اگعد ويا صديقاتي بلباب وجوارينا يگعدن ويا امي بس من يطلعون زلمهن يدخلن لبيوتهن سويت الچاي ومديت راسي اشوف منو بلباب بس اخوي الجبير گاعد ويا عادل وابو عادل وابوي اخذت الاستكاين والچاي وگعدت اصبلهم چاي وعادل كل شوية يباوعلي يبتسم وعيونه يلمعن ياربي شگد اعشگ هاي العيون عادل عمره چان 19
گملو جاي اخوي صاح اخذي الصينيه وروحي اني شفت صديقاتي گاعدات غلست وديت الصينيه وطلعت يمهن وكل شوية اكحل عيوني بشوفتة بس ماضليت هواي عيوني تفضحني وهو هم شوية ورجعت للبيت يوم عن يوم حبي لعادل يزيد حبنا نظيف حب نظرات فقط كم مره بس صار حجي بينا بس محد يجاوز حدوده
طبعاً بينا وبين عادل بيت واحد بس اني البنية الوحيدة لاهلي وعندي اخوي اكبر مني صار سنة او اكثر احب عادل ابوي مو كلش يرتاح لعادل بس صديق ابوه بس دائماً يصير خلاف بينهم لان عادل وابوي يشتغلون خلفة بناء وهيج شغلات ومن بدت ايام الصيف بيوم منهن جنت اغسل السطح علمود انام هناك لان بلصيف كله نومنا هناك غسلت السطح وفرشت جان وقت مغرب وما احس غير شخص يبسبس هههه درت وجهي

عادل : بسس ريحانة هنا هنا باوعي

ريحانة : يا عزا شجابك على بيت ابو عمار راح ننفضح روح عادل فدوه

عادل : يمعوده مو تدرين ينامون بلحوش ولج والله متحملت يومية اشوفج من تصعدين ههههه فدوه لهذا الطول

ريحانة : عادل عيب هيج تحجي روح روح لا يجي ‏اخوي

عادل : شگد احبج من تخجلين وبعدين اني جنت گاعد يم اخوج من شفت المي عرفت انتي هنا

ريحانة : ميخالف روح تدري كهرباء ماكو هسه يصعدون يتعشون هنا والله گلبي راح يوكع من الخوف

عادل : ولج ريحانة بعد ما اتحمل بعدج عني والله اريد اجي اخطبج بس البارحة ابوج تعارك وياي

ريحانة : عادل شلون تخطبني انت دوم تتعارك ويا ابوي متبطل من هاي سوالفك اتحمل علمودي اسكت لا تحجي وياه من يعاركك