تـنـاثـرو ونـدثـرت

البارت(2)

#تــنــاثــرو_ونــدثــرت

#بقلمي_بـتـول_حـسـيــن

البارت (2)

________________________________

دعيني ابهرك باشياء اخرى سوى الغزل
انا اجيد المراقبة من بعيد
وقلة التحدث
انا اقدس الملامح وابحر بعيداً كلما نظرت بعينيك ....!

#abodi ✒
________________________________

ريحانة: شنو بيدك ومسويتة اني تعبتك واذيتك واذيت نفسي

عادل: بيدي معليج انتي بس اريدج تهتمين بنفسج زين خوش واني باجر اگلج شنو راح اسوي وراح ننجمع اثنينة انشالله وغصب عن الكل تصيرين أليه وحلالي

ريحانة: ما انكر خفت كلش من كلامة بس قويت روحي وگلت شيصير خلي يصير ولا اتزوج غير عادل

گتلة شراح تسوي عادل

عادل: ريحانة شنو متثقين بيه ؟؟

ريحانة: لا شي اكيد اثق بس غير اعرف علمود اساندك

عادل: راح اگلج بس صدكي هذا اخر حل عدنا وانتي بكيفج اذا توافقين انتظرج بلباب الساعة ب 2 بليل نروح لبغداد محضر كلشي هناك لا تخافين

ريحانة: انصدمت من گلامة وتراجعت كم خطوة ونزلن دموعي .. يعني شنو عادل تريدني اشرد وياك

عادل: گتلج اخر حل هذا والله صار سنتين اتوسل بيهم بعد شسوي لا تخافين اني اتحمل گلشي وصدكي مراح يلكونه وخلي تمر سنه او اكثر وارجع اني اصالحهم وعد مني

ريحانة: بس شلون اعوفهم هيج واذا صار ألهم شي بسببي

عادل: ضحكتيني ريحانة لج باعوووووج تفهمين شنو باعوج لا تضوجين من كلامي ولا تنقهرين ‏ امسحي دموعج ولا تفكرين بشي ثقي بيه وبس
فكري زين ما اجبرج بس اذكري اني احبج ومستحيل بيوم راح تدخل گلبي غيرج ومستعد گلشي اسوي علمود تصيرين حلالي ووعد مني راح اخليج اسعد وحده وما خليج تحتاجين لاي شخص ريحانة لا تكسريني

ريحانة: كمل كلامة وراح واني كعدت بلگاع ابجي شسوي شلون ياربي ساعدني اني احبه وما اريد اتزوج غيره مسحت دموعي ونزلت بعدني بلدرج واسمع ابوي وامي يحجون امي چانت تريد من فلوس النيشان مالتي تشتريلي حلقة بس وابوي ميقبل ينطيها يريد يبني غرفة بلفلوس لاخوي وامي تتعارك وياه تگلة عمتها گالت تشترولها حلقة وتراجي
شنكول للناس وراح يضلون يحجون على بنتك وهو ممهتم ويكلها طبها مرض ماعليها تتحمل علمود اخوها ... صدك انقهرت بوقتها ورجعت مددت بفراشي ضليت افكر اكثر شي انقهرت على امي شلون اذا عفتها بس قررت اروح ويا عادل وشيصير خلي يصير صعدو نامو اهلي بليل واني وياهم صعدت من شفت الكل نام نزلت ولميت الملابس المشتريتهن امي والخيطتهن أليه ورجعت صعدت جنت كلش خايفة وگلبي يدك سريع وألف فكرة وفكرة اجتي بعقلي ومن اريد اتراجع اذكر نظرت عادل أليه وگلمتة لا تكسريني شلون سويت هيج ما اعرف بس جنت اريد اخلص من شخص مشايفته ولا اعرفة ماردت غيرة يگون وياي واذا اموت خلي اموت واني وياه اعرف غلط السويته بس هما ما اهتمو أليه وباعوني محد حس بيه حتى امي ماحجت وياي ولا گلمة ولا حتى كالت اسمه أليه وماسئلتني شنو اريد وما نصحتني مثل باقي الامهات وعلمتني بلمجهول اليريدون يودوني اله نزلت اشوف الساعة ب 12 بعد وقت رجعت لفراشي اريد انام ما اگدر جنت گاعدة وصافنة وشفت عادل اعتقد هو هم ميگدر ينام هيج خطوة صعبة كلش شافني گاعدة اشرتلة يروح راح نزلت باوعت للساعة بعدها مصارت ب 2 بس قبل ميوگف بلباب راد يتأكد مني اخذت علاگة الملابس ولبست العباية الخيطتها امي أليه لان راح ازوج اخذت نفس احاول امنع دموعي ينزلن بس فشلت بهذا الشي ضليت ابجي واباوع للبيت قريت ايات ودعيت الله يسهلي امري ويحفظهم وميصيرلهم شي بعدي اعرف السويته صعب عليهم وشنو راح يكون رد فعلهم وشراح يكولون للناس نفضت هاي الافكار وطلعت فتحت الباب بهدوء ومديت بس راسي لگيته واكف باب بيتهم من شافني بسرعة اجه