أنوي ان اقول لنفسي حتى لو فشلت ومت
صفراً ضئيلاً على اقصى شمال العالم ،
أني فعلت مل ما امكنني فعله ..
أني عشت حياتي كما اريد ، و أني لا احمل
أحداً مسؤولية حياتي ،
ولا احمل ضغينة تجاه أحد ..
البارت الثاني عشر
ليلى محمد
نيران غياهب الانتقام 💚
رفع راسه من الكتاب اللي بايدي على صوت دگ الباب
الشيخ : اتفضل
غيث وهو يدخل للمكتب
- ردتني
الشيخ: اي تعال اگعد
اتقدم گعد عالكرسي مقابيل المكتب
مد ايدة انطاه ملف
غيث باستغراب : شنو هذا
الشيخ : هاي حسابات تخص المولات الي ببغداد صاير خربطة و شاك اكو اختلاس وتزوير بيهم اريدك تطلع الهناك وتدقق على كلشي بنفسك
غيث: بس اني ما اعرف بهاي الامور
الشيخ : مو صعبة عليك يالدكتور راح ادز وياك ولد يفتهم بهالسوالف يعلمك
غيث: وليش اني ماكو غيري مو المفروض عمار مسؤول عن هالسوالف
الشيخ : عمار وكلته بغير شغلة وبعدين مو انت اللي تعلمني منو ادز والمن اگول امرتك تنفذ يالدكتور
غيث : بس
الفهد : لا بس ولا شي الشيخ دينطيك شغلة نفذها بدون جدال
قاطع كلامه دخول الفهد للمكتب
غيث: انت شدخلك الحچي مو وياك
طلع جگارة وخلاها بحلگه وهو يحچي : احترم نفسك غيث وسوي اللي گالك علي الشيخ
راد يحچي بس الشيخ ما خلاه وهو يگوله بحده
الشيخ : غيث كلامي يتنفذ اني مدا استشيرك السيارة برا تنتظرك تلم هدومك وتطلع البغداد هذا اخر حچي عندي والا ما راح يصير خير
غيث : هالمرة راح اعديها و اروح بس لا تتأملون هواي بيه لان صبري بدا ينفذ
الفهد وهو ينفخ دخان جگارتة لي فوگ حچى باستهزاء وهو يبتسم : لا يابوية خوفتنا
غيث وهو يباوعلة بكره : خافوا الخوف انخلق الكم
الشيخ بعصبية : غيثث
دار وجهة وطلع بدون ما يجاوبه
الفهد : عوفه شيخ ما يگدر يسوي شي هذا بس حچي
الشيخ : لسانه طويل يالفهد
الفهد : خل نخلص شغلنا على خير ونگصلياه
الشيخ : عقله مو براسه اني صوچي انطيته الفرصة انو يتمرد چان المفروض اتعض من سواية ابوك
الفهد بحدة :شيخ
الشيخ : لا تباوعلي هيچ ابوك لو ما حب هالبغدادية ما چان صرت يتيم هيچ
گام من مكانه بعصبية : شيخ كلامك على راسي بس امي وابوية خط احمر لا تجي يمه
الشيخ : ترا ابوك ولدي اللي راح بعز شبابه وما شبعت منه كلها من وراه هو السبب بموت وليدي
الفهد : اتعاقب عاللي سواه
الشيخ وهو يهز راسة بالنفي : ما كفاني دمه ولا راح يكفيني دمهم كلهم
الفهد بغموض : خلي انسد الموضوع كلشي بوگته حلو
هز راسه رجع سأله وكأنه اتذكر شي : لعد مازن وين
الفهد : حابسة يم داغر
الشيخ باستغراب : شنو السبب
الفهد بابتسامة استهزاء : انچلب خلي يتربى
الشيخ : ماشي بس لا تطولها علي
اخذ نفس من جگارتة وهو يگوم
متجاهل نصيحة الشيخ: اني گايم للمخزن اشوف شصار بالشغل
الشيخ : اتأكدتو من الموعد مو
الفهد : كلشي تمام اليوم بالليل الشحنة راح تكون جاهزة والتسليم بالمنطقة القريبة من النهر
الشيخ : اتصلت بالعقيد اتفقت ويا بس مگلتلة عالوگن بالضبط هسة اخابره واگوله ساعة 3:00 مو
الفهد : اي
الشيخ : كلشي راح يكون جاهز والطريق مفتوح گدامك بس هم دير بالك تره مو سهلة السالفة لا تتهاون بيها يالفهد
الفهد : اكيد شيخ گدها
الشيخ : والنعم
الفهد : عن اذنك
طلع من المكتب وهو يبتسم بغموض كلشي ديصير مثل ما مخططيلة ....
YOU ARE READING
نيران غياهب الانتقام
Actionانا تلك هي... انا تلك المحاربة التي مهما واجهت ستستمر لن تتوقف ولن تستسلم لن تحني رأسها ، انا تلك هي الأنثى التي تخشى الحب وتبحث عنه انا تلك التي تبحث عن سفينة النجاة في منتصف بحر أحلامها العميق والواسع وتؤمن أنها ستجد تلك السفينة مهما طال الزمن...
