ساعة الندم ♤•باللهجة الجزائرية•

لنجمع شملنا

خرجت حتى نلقها شيراز واش جابها هادي

شيراز: أهلا تسنيم إن شاء منكونش ديرونجيتك والا

تسنيم: هاي فطرتي والا مزال

شيراز: مزال تحبي نفطروا كيف كيف

تسنيم " راني نشم لقروصية منها لكلبة تع إيمان وين تروح تبعها واش تسحق مني" هاي نهبطوا لريسطرون راه قدام شريكة

شيراز: شفتي نتي شحال مزهورة تخدمي في شركة الله الله مع ناس يقدروك و يحترموك

تسنيم: راكي حابة تقولي صبتها خابزة كيما يقوالوا

شيراز: ماشي قصدي هكا مي نظن فهمتيني مع مانك و حتوالي ليك حاجة مليحة

تسنيم "أممم غلقت المنيو و شفت فيها بغزرة إزدراء": شيراز مام  أنا حياتي مكانتش على طبسي تع فضة تتفكري وفاة بابا الله يرحموا

شيراز: اح احححح اعتعغ( سعلة)

تسنيم" تبسمت و راحت مورها مسحتالها ظهرها على لخفيف و قربت لوذنها" تفكرتيه مال مي دوك خلاص راهي ملباصي لالا

شيراز: ربي يرحموا إيه واش قولتي فيها نتلقوا مع لجماعة 

تسنيم " وليت بلاصتي" إيه نتلقوا علاه لالا قولتي راه جاي خوك تان

شيراز: إيه لوكان تشوفي شحال توحشتوا و شحال شباب

تسنيم: عندي شحال ماشفتوش صو مانقدرش نقولك عليه شباب و لا نن

شيراز: يا ودي غير أسكتي برك كانت واحدة فلالمان سكنتلوا في رأسو محبتش تخطيه و زيد كانت صغيرة عليه

تسنيم: أممم زيدي أحكيلي عليها

شيراز: قالي كنت نكرهها و كانت سامطة عاونها خطرة حصل فيها

تسنيم: دار خير لقى شر اوبب دوك لازملي نروح

شيراز: أسمحيلي ديرونجيتك على شغلك

تسنيم: معليش تسما غدوة وين قولتالي

شيراز: عند يانيس و إيمان

تسنيم: معليش تكتبيلي لادراس هنا مغسي إن شاء الله نجي

وواليت للبيرو دخلت نتنهد لقيت نور الدين عينيه والو حمورة

نور الدين: تعرفيها هذيك لافوكة

تسنيم: مع الأسف وي و نتا كيفاه تعرفها

نور الدين" خبطت يدي على لبيرو" لازم نخرج نشم شوية هواء

تسنيم: درت يديا تحت رقبتي

ميليسا: ماديريش عليه خطرات يترتقوالوا لخيوط

تسنيم: تعرفي حكايتو

ميليسا: ابيبري نوالوا للخدمة خير

تسنيم: وي دقيقة دوك نولي" راحت نجري للبيرو تع ماني" ماني