ساعة الندم ♤•باللهجة الجزائرية•

المحامية المخادعة

تسنيم" نضت صباح كي لعادة شربت كأس ماء صليت و دوشت مزية مسحت لبارح لمكياج بدلت حوايجي ليوم ماعنديش خدمة فلبيرو مالا نروح نفري شغلي و نشوفها"

خرجت من دار مزالها هنا طونوبيل ركبت و قلعت لوين تخدم راني جايتك إن شاء الله نتي تان توحشتيني

جاريت قدام لمحكمة وودخلت للجالسة 4 قعدت فلوسط و سنيت يدخل لقاضي كي شفتو و قفت أنا و ناس و عودت قعدت

شفت لمحامين يدخلوا و لمتهم و ضحية على حساب شوفة قضية سرقة

شيراز: سيدي القاضي موكيلي باريء من هذه التهمة ماكاين حتى أدلة ثتبت الإدنة تاعو و مع هكاك إعتقلتوه

القاضي: الضحية يتكلم

.....: سيدي القاضي كيما قلت سابقا بيني و بين سيد عداوة من بكري و هو حيكون المشتبه بيه الأساسي

القاضي: شكرا لأقوالك

كملت نسمع هذي لجلسة و نسجل شوية ملاحظات نسحقهم حتى سمعت زوج رجال قبلي يهدروا

رجل1: شفتها شحال شابة تقول نقتل واحد و نخليها تحامي عليا

رجل2: بلاك هذي تاعي ليك زين و زيد خدامة ليك لاطاي

عيفوني هذا واش يعرفوا يهدروا قربت شوية ليهم و قلت : نساكم مساكن في ديور هالكين روحهم بالتسياق و الطياب و نتوما تجو تجروا مور نسا

رجل2: كيفاش عرفتي بلي مزوج

تسنيم: شوف يدك تعرف و غمزتلو نمعني على لخاتم

سنيت تخلاص الجلسة وخرجوا نص الناس شفتها تلم في دوزانها راحت ليها

تسنيم: مبروك عليك ربحتي لجلسة

شيراز: يبارك فيك و طلعت رأسي نشوف شكون هذي

تسنيم: شيغاز كيغاكي عمغي

شيراز: تسنيم نو مكاش منها و سوطيت نعنقها هذي غيبة يا شموتية ملي راحتي لللمان موليتيش

تسنيم: و دوك وليت تسما حققت واش راكي حابة واليتي افوكا

شيراز: إيه درتها و نتي واش وليتي تالمو عندي شحال ماسمعتش خبارك

تسنيم: وليت مديرة لشركة تع روايح إذا معندك حتى شغول نروحوا نتغدو مع بعضنا

شيراز: بون إيدي و منها نتفكروا يمات زمان

راحنا لواحد ريسطورون شيك و باينة من قعدة شيراز و من هدرتها موالفة تجي ليه ديموندينا واش نأكلوا و قعدنا نهدرو مابيت ماتجي لماكلة

شيراز: إيهي سمعتي لبارح عرس تع يانيس و إيمان

تسنيم: وي راحتلو ربي يهنيهم

شيراز: أمين حب طفولة كبر مابينتهم شحال كانو كيوت لبارح صح مشفتكش لبارح بلاك جيتي مع تالي مي نسقسيك مزالكي تحبيه