تسنيم" راحت للبولونجي شريت كروصون ووليت للدار جزت لسوبيرات شريت حليب وراحت للدار ليوم ماعنديش خدمة في شريكة
مليح و مرانيش حابة نقعد في دار جاع ليوم سقهويت في عقلي وراحت قاعدة فوق البونك حكمت لبيسي دخلت لأخبار مالقيت والو
زدت حوست مكان والو شفت في تليفزيون ماكاين والو زمر مانقدرش نزيد نسنا رحت لبسة و خرجت
مراحش نروح بطونوبيل خطرش لجبانة قريبة منا قاعدت نتمشى فلحومة راهي قريب فارغة في هذا لوقت مع دراري لي يقروا جزت على سيام لي قريت فيه
ماتبدل منو والو زعما مزالها حياة تخدم هنا ولا دات لاغوتغات قبل مانكمل هدرتي جاتني ضربة على رأسي حكمتوا و ضرت مورايا
حياة: هذا وين تجي نتيا ماتقولي نتوحشك ماتقولي نجي نشوفها
تسنيم: مدام حياة باغدون ماقدرتش نجي و سلمت عليها
حياة: واش راكي واش درتي فيها قولي يابنتي
تسنيم: كملت قرايتي وراني نخدم و نتيا مدام
حياة: ماقدرتش نخرج من هذا سيام حبيت نكمل فيه حياتي و نربي لأجيال دوك نخليك واش راهي لجماعة
تسنيم: ماشفتهمش عندي شحال ماتلقيتش بيهم
حياة: راكي تكذبي
تسنيم: صح " نحب حياة غير هيا لي تعرفني مليح و تفهمني صحبة يما كيما خالتي " وي تلاقيت بيهم جاع يانيس و إيمان امين و شيراز
حياة: مليح علابالي بلي راكي تخمي في حاجات بزاف دوك روحي لجبانة مانعطلكش
تسنيم: يعطيك صحة و تهلاي في لولاد باي
كملت نتمشى كل مانقرب لباب المقبرة قلبي يتزير دخلت راحت حكمت شوية قراعي عمرتهم بالماء باش نسقي لقبور وتوجهت لقبرهم
كان معمر بالورد و باين ماشي ذابل مسيت تراب لقيتو رطب مالا راهوم يسقيوهم دايمن سور هذي ماني قريت لفاتحة و فرغت لقرع
تسنيم: واش ماما واش بابا بنتكم كبرت وولت راهي واقفة قدامكم علابالكم شحال توحشتكم في هذو سنين بزاف
راحتوا وراحت لفرحة معكم علابالكم علاه واليت على جالكم باش نردالكم حقكم راح يندمو جاع لي كانو سبة في جروحي
"ماما بابا أنا تبدلت ماقعدتش هذيك ضعيفة واليت قوية كنت متمنية لوكان نقدر نعنقكم و نخبيكم عندي مانخلي حتى مخلوق يقرب ليكم ولا يأذيكم"
قعدت نلعب بالحشيش و نهدر هكذا برك نقدر نخفف لحزن لي فيا نضت متراب و نفضت روحي ديت معيا قرع تع لماء حطيتهم في بلاصتهم و دوك الوقت الصح حيبدأ
أنت تقرأ
ساعة الندم ♤•باللهجة الجزائرية•
Actionحكيتي مارحش تحكي على البطلة لي يحبوها جاع ناس ولا على لبطلة لي ما فيه حتى عيب حكيتي لبطلة هي لبنادم لي ماشي مليح و مراحش تحكي على لبطل لي يسلكها ويردها للخير لبطل مكاش في هذي لحكاية كل حاجة بدأت من مسيد مي كيفاش حتكمل فهل راح تقرها و تتحمل والا حت...
