(8)
ايمن :ياسمين انتبهي من عماد
ياسمين:اوك استاذ بس ليش
ايمن:لان ماادري انتبهي وبس
ياسمين استغربت من كلامه وراحت لمكتبها اخذت اغراضها وشنطتها ورجعت للبيت لان خلص وقت الدوام
مرت ايام وصار عماد يجي هواية للشركه بحجه الشغل بس هو علمود يشوف ياسمين حاول بكل الطرق ياخذ رقمها بس ياسمين كانت تصده دائما
مرة اجه للشركه وكعد بمكتب ايمن يحجي وياه
عماد:اكولك متعرف اذا ياسمين مخطوبة او اكو احد بحياتها تحبه ؟
ايمن ضاج من كلامه بس سكت يريد يعرف ليوين يوصل:ماادري شايفني اكعد احجي وياها يومية وسوالف
عماد:عبالي تعرف شبيك عصبت
ايمن:شعجب تسآل هيج سؤال
عماد:بصراحه اول مشفتها عجبتني وانت تعرف من احط شي براسي اسوي حاولت اتقرب منها اخذ رقم تليفونهاتصدني وهالشي خلاني اعاند اكثر
ايمن عصب من كلامه :اي يعني متريدتحجي وياك تجبرها قابل
عماد:اني اريد اتزوجها
ايمن انصدم من كلامه معرف شيكوله هو مكان يحب ياسمين بس كلامه هذا حرك شي بداخله
عماد:اني راح احجي وياها واشوف ردة فعلها مااتوقع ترفضني اصلا ماكوبنية ترفضني يلا اني رايح مع سلامة
ايمن:الله وياك
طلع عماد من مكتب ايمن شاف ياسمين كاعدة تشتغل ع لاب توب احتار شوكت يحجي وياها وفكر مادام فتحت الموضوع وية ايمن خلي اكوللها
وكعد ع الكرسي كبالها ياسمين شافته وغلست
عماد تردد شلون يبدي بالموضوع
عماد:اريد احجي وياج بموضوع
ياسمين:تفضل استاذ
عماد سكت شوية وكمل:بصراحة اني اول مشفتج عجبتيني كل مااجي هنا واريد اتقرب منج تصديني وهالشي خلاني انعجب بيج وبآخلاقج اكثر مااريد اطول بالموضوع اني بصراحه اريد اخطبج
ياسمين انصدمت من كلامه هي كانت حاسة بنظراته بس متوقعت يخطبها اوحتى يفكر بهالشي
عماد من شافها سكتت كمل بسرعه:اخذي وقتج وفكري ورجاءا انطيني فرصه
أنت تقرأ
سحر الياسمين
Romanceقصه حزينة ورومانسيه عن فتاة تعيش وحدها بعد ان تركها والديها تواجه صعوبات في حياتها.
