سحر الياسمين

مشاعر متضاربه

ايمن استغرب شنوقصدها بعد ميجي راح تستقيل لو شنو لازم اعرف وراح عليها
ايمن بعصبية:شنوقصدج خلص الشغل وبعد ميجي شسويتي انتي
ياسمين تضحك بداخلها على شكله وهو معصب وكالت: لا استاذ مااقصد ع شغلك وياه
ايمن:لعد شنوقصدج
ياسمين:استاذ هذا موضوع خاص بيه
ايمن :واني اريد اعرفه
ياسمين:بس هذا شي شخصي
ايمن تنرفز وموته الفضول وسوه نفسه معصب:كولي تره اني اخابره واسآله
ياسمين خافت ليسويها صدوك وتنحط بموقف محلو:اوك هو تقدملي قبل فتره وافقت عليه بس هسه انتهى كولشي
ايمن باستغراب:شلون يعني انتهى كولشي
ياسمين:يعني كل واحد بطريق
ايمن طار من الفرح وحس نفسه يريد يحضنها لوبيده بس لزم نفسه وسوه نفسه جدي:اها اوك الله يوفقكم ورجع لمكتبه
حمدلله انتهى كولشي صح هي متستاهل هالشي بس عماد ميستاهلها واحد ملعب يمكن حبها بس مراح يقدرها ويعوضها .
ياسمين هذا شبي شكله جن بس طالع حلو اليوم وابتسمت بخجل وكملت شغلها.

العصر ريم اتصلت ع ياسمين وطلبت منها تجي صارلها فتره ممتشاوفين جتي ياسمين وظلو يسولفون ويضحكون دك تليفون ريم كانت خالتها واكفه ع باب كالت لامها وراحت تفتح الها
ياسمين:لعد اني اروح عيب جتي خالتج اخذي راحتج وياها
ريم:اوك حبي من تروح اخابرج
ياسمين:اوك
ياسمين شافت خالتها وسلمت عليها مبين عليها حبابة طلعت من باب وتمشي بالكراج شافت رجال وانصدمت ظلت واكفه شافته وهو يدخل من الباب الثانية معقوله لا مستحيل بعد هاي السنين ظلت واكفه تستوعب الموقف وراحت بسرعه بسيارتها وظلت كاعده فتره تستوعب الي شافته هذا هو متآكده مستحيل انسه شكله شغلت سيارتها وراحت لبيتها
ظلت ياسمين تفكربآلي شافته اني لازم اسآل ريم واتآكد منها خابرت عليها
ياسمين:ريم اكولج اليوم منو اجه وية خالتج
ريم:اجه زوجها
ياسمين :شكد صارلهم متزوجين؟

ريم بدت تستغرب من اسآلتها:تقريبا صارلهم 7سنوات اكثر بس ليش هالاسئلة
ياسمين وبدت تتآكد اكثر واكثر يعني صدوك كان هو شفته بعد هالفتره كولها شكد صعب هالموقف
ياسمين:لاحبي بس حبيت اسآلج
ريم مقتنعت بكلامها بس عبرتها بعد مخلصو حجي
ظلت ياسمين تفكر طلع هو شفته لآبويــة شفته صارلي 8سنين وهسه رجع شفته ويكون زوج خالة صديقتي ليش عافني وحدي ومسآل عليه موبنته اني فضل مصلحته عليه لازم اواجه واحاسبه على كولشي راح ادمر حياته مثل مدمر حياتي .وبدت ياسمين تفكر بالانتقام وادمر حياة والدها

بعد ايام كامت ياسمين تسحب كلام من ريم عن خالتها وزوجها وعنوان بيتهم عرفت خالتها كانت مريضه عدها فشل كلوي وابوها تبرع بكليته الها وحبها وتزوجها صار عنده ولد عمره 6سنوات وبنيه 4سنوات

ياسمين صرت حنين على غيرك وتفكر بي واني بنتك ولامرة فكرت تتصل وتطمن عليه شكد قاسي وماعندك رحمة
بعد ايام راحت ياسمين لعنوان بيت خالة ريم دكت الباب وشافت خالتها سلمت عليها خالة ريم اسمها(حنان)
ياسمين:خاله ابو يزن موجود
حنان:اي منو حضرتج
ياسمين:راح تعرفون منو اني بعدين اريد احجي وياه
حنان خافت ليكون هاي زوجته ومتزوج عليها شافتها حلوة وتذكرت هي شافتها ببيت اختها صديقتها لريم
حنان:اني شايفتج ببيت ريم
ياسمين:اي خالة اني صديقتها رجاءا اريد احجي ويةابو يزن
حنان دخلت ياسمين للاستقبال وظلت كاعدة تنتظر كانت منتظره هاللحظة حست بخوف من هذا اللقاء
اجه ابو يزن وية حنان شافها وعرفها بس سكت شافها شكد كبرت وصارت حلوة
ياسمين:شلونك بابا ولو حرام عليك هالكلمة
ابو يزن ساكت كان متوقع يجي هاليوم ويشوف بنته
حنان متفاجآه ياسمين تكون بنته ليش كان متزوج هو!! ليش مكلي ليش ضم عليه