سحر الياسمين

مرض

ياسمين ساقت بسرعه جنونية وتعيط جتي سيارة من غير طريق وفجآة رادت تنصدم بيها بس سائق السيارة الثانية لحك يتجنب سيارتها ،ياسمين وقفت سيارتها وظلت تستوعب الي صار رادت تموت لو مو الي ديسوق انتبه مسحت دموعها وساقت بهدوء للبيت .

دخلت لغرفتها وهي بس تفكر بآلي صار ليش رحتله وحجيت هيج مراح يتغير هو اني الي راح اتآذه وانقهر كامت تبجي وراحت تاخذ دوش يريحها بعد هاليوم المتعب.

حنان راحت على ابو ياسمين (محمد)
حنان بطبيعتها هادئه متحب الصوت العالي والمشاكل عدها كولشي بالتفاهم طيبة وحنونه كولش.
حنان:محمد ليش مكتلي قبل كنت متزوج وعندك بنية
محمد :مكدرت اكول كنت خايف عليج وعلى بنتي
حنان:من شنو كنت خايف
محمد:مااكدر احجي خلي ياسمين تبجي وتنقهر بس ع اقل تكون بآمان ومحد يوصللها
حنان بدت تحس بخوف وقلق:شنومحد يوصللها محمد شكو احجي خوفتني
محمد:موهسه احجي بعدين
وعافها وراح طلع .
حنان ظلت محتارة شنو تسوي شنو يقصد بكلامه تكون بآمان معقوله اكوشي صاير!! ياسمين بعد الي صار وية ابوها من شافته صارت متكآبه وبس تبجي تطلع قليل والدوام تروح بالكوة يوم عن يوم حالتها تسوء مكامت تهتم بنفسها مثل قبل وجهه ذبل تحت عيونها سواد .

مر اسبوع ومفكر يتصل بيه ولاحتى يسآل صوجي رحتله اني غبيه شمنتظره من شخص عافني والمفروض يكون جنبي واكوله بابا .

بالشركه اجه واحد موظف انطاها اوراق وملفات توديها للمدير وراح ياسمين دكت الباب ودخلت شافها ايمن حالتها موطبيعيه مبين عليها تعبانة مومثل قبل اخاف مريضه حتى مدتخابر ريم او تجي يمهامثل قبل خايف عليها وهي وحدها بالبيت

ياسمين بتعب واضح عليها وعلى صوتها :استاذ هاي اوراق وملفات جابها احمــ..
مكملت كلامها اله وهي وكعت بالكع واغمى عليها من تعب

ايمن انصدم وراح عليها بسرعه حاول يصحيها حط راسها على حضنه وبده يضرب خدها ع الخفيف شاف حرارتها مرتفعه كولش حاول يكعدها بدون فائدة راح لمكتبه واخذ مي واخذ عطر حتى يكعدها
مسح بآيده على وجها بالمي وحط العطر يم انفها حتى تشمه وتكعد بدت تفتح عيونها بصعوبة
ايمن ارتاح شوية لان كعدت بس بعده خايف عليها حرارتها مرتفعه وتعبانة
ياسمين فتحت عيونها كانت دايخة وبدت تستوعب المكان وشافت نفسها نايمه بحضن ايمن فزت بسرعه وبعدت نفسها عنه
ايمن عرف هي انحرجت بس هالشي مومهم المهم عنده يطمن عليها
ايمن كام من الكع وياسمين كامت بس كانت دايخة بعدها رادت توكع بس ايمن لزمها من خصرها وجرها اله صارت عيونهم بعيون بعض سكتوا ثنينهم وتركو الكلام للعيون.

ايمن غرق بعيون ياسمين الرمادية كانت بيها لمعه حلوة وغريبة بنفس الوقت تآمل وجها الابيض صافي انفها الصغير شفايفها الصغار شعرها بي خصل مثل العسل كولشي بيها حلو ومثالي .
ياسمين تخدرت من الموقف مومستوعبه الي صار شافت عيونه رموشه لحيته المهملة بس بطريقة انيقة اول مرة تتآمله بهالطريقة بس حست ع نفسها وبعدت عنه بسرعه.
ايمن تمنه هاللحظة متخلص ويظل يتآملها ويتآمل هاللعيون ويقره الكلام الي بيها بس ادارك هالموضوع .

ايمن: آآ آآ شلون صرتي بعدج دايخة
ياسمين وهي منحرجة كولش من الي صار :اي استاذ وراحت بس وكفها كلام ايمن
ايمن :حرارتج مرتفعه روحي للطبيب
ياسمين:اوك
وطلعت كعدت ع الكرسي وتلمس وجها حرارته عاليه وشافت وجها بالمرايه احمر
هاي شصار بيه من وراه تذكرت عيونه وابتسمت وكملت شغل عيونه نستها التعب الي كانت تحسه .