المـطـلـقـة

11

غزل / كعدت شفت ازاد ماكو كمت غسلت وبدلت لبست حجابي ونزلت شفته كاعد يم الحجيه صبحت عليهم ورحت لبنين شفتها كاعده تنظف بالغرفه ...

غزل/ خالد طالع
بنين / يي تعاي

غزل/ شلونه خالد وياج
بنين  / زين والله مرتاحة وياه الله ساعدني وخلصني من ابوي
غزل/ الله يحفظكم

بنين/ اكول نزلتي
غزل- يي ستوني صعدت
بنين/ حتى انه نزلت من خالد طلع ضبحت ع الحجيه وصعدت

هيام / هايييي
بنين  / هلا

غزل/ هـٰايات
هيام / احممم سمعتن بالخبر 
غزل/ شنوو
هيام / اجو خطابه ع بسمه
بنين  / الله يسعدها تستاهل
غزل/ فرحتلها تستاهل

بنين/ يلاا بعدين الدور لهيام
هيام / نجبن اصلن مااتزوج انتن تردن تخلصن مني
غزل/ ههههه لاا ضلي انتي بالآخر معنسه

كوثر : عالاقل تعنس ولا نتطلك
غزل/ انتي شجابج
كوثر / ولله عندج مانع
بنين. طلعي من غرفتي

كوثر / شكري ربج عندج غرفه جنتي تنامين ع الارض
بنين / اكول انتي  ليـشہ حاطه روحج ويانا

كوثر / والله من تمشن عدل اسكت عليجن
غزل/ وانتي تعلمينه شلون نمشي روحي روحي
هيام / كوثر روحي احسلج

هبه / شبيجن تتعاركن
كوثر / عمه همزين اجيتي لو تشوفين شلون يعاركني و يراددن
هبه / ولجن انتن الخوات أخذته راحتجن واعتبرتن البيت بيتجن وبكيفجن تمشن

غزل/ عمه هيه اجت تعارك
كوثر / جذابه اجيت اريد اسولف وياهن وطردني
هبه / غزل انتي  ليـشہ لسانج طويل انا عبالي بنيه زينه وعاقله طلعتي من جوه ليجوه

غزل/ عمه انتي ماشفتي كوثر حتى هيج تحجين عليه
هبه . نجبي صوتج مااسمعه

ازاد / شنووو شبيجن صوتجن واصل ليجوه ماتكولن اكو مريض هاا( بصياح

هبه /والله اجيت شوف مرتك لسانها شطوله وترادد
ازاد / عمه هسه شسوت مرتي
هبه / والله أسئلتها علمها عدل وربيها من جديد شلون تربايه طبعاً تربايه ابوها السكط

غزل:والله  انتي اذا ماعاجبتج ترابايتي لاتحجين وياي
ازاد / غزللل روحي للغرفه ( بصياح

—-
هبه / شوف مرتك عدل
ازاد / انشالله

——

ازاد / انتي شبيج تخبلتي لوو شنوو
غزل/ انته ماشوف عمتك و زوجة اخوك يدورن مشاكل
ازاد / سمعي غزل اذا ماتمشين عدل والله امشي وياج غير طريقه

غزل/ ييي طبعاً تدافعلهن اوكييي خلي يفدنك
ازاد / وين رايحه
غزل/ مايدخلك
ازاد / غزلللل

غزل/ وشنوو تريد من غزل
ازاد /والله اذا تطلعين يصير شي ميعجبج
غزل/ لو اكلك انته تصرفاتك كلها متعجبني
ازاد / لج انطيتج مجال هااا ( بصياح

غزل- ييي هواييي
ازاد - لج غزل لا تخبليني

غزل/ عفته ورحت بغرفه البنات شفتهن يلعبن  ضليت احوس بالغرفه وانا افكر يالله صبرني ع هذني خلصت من ابوي  يطلعن هذن نمت كعدت ثاني يوم غسلت ولبست حجابي وطلعت دخلت للغرفه شفته ماهووو بدلت ونزلت مااهتميتلهن حضرنه الغده مر اليوم بسرعه وانا ازاد مانحجي سوه اتجاهلته وهو متجاهلني صعدت سبحت وبدلت لبست حجابي اريد اطلع وصاح ...

ازاد / وين رايحه
غزل/ يم البنات
ازاد / مو ترحين تسوين مشاكل
غزل/والله اذا تريد هسه اسوي مشكله وياك
ازاد / غزل احجي عدل شنوو هالتصرفات
غزل/ شنووو ماعاجبك
ازاد / لج لسانج طولان لان انطيتج مجال

غزل/ عفته وطلعت رحت نزلت كعدت يم هيام وبسمه بنين فوك يم خالد ...

هيام / شنوو متعاركين
غزل/ اخوج مدري شبي تخبل
بسمه / نجبي انتي متـ؏ـرفين تتصرفين وياه
غزل/والله ست بسمه تعاي علميني
بسمه / وثول خلي اكوم احسلي
غزل/ يااا هاي شبيها
هيام / ههههه مخبلات واللله

غزل/ وانتي الثانيه شبيج
هيام / اكول غزل تره انتي متغيره
غزل/ شلون
هيام : يعني تصرفاتج كلامج متغيره
غزل/ بسبب عمتج ومرت اخوج طلعلي گرون
هيام / هههههه
غزل/ واللله كل يوم عرگه انا و ازاد بسببهن
هيام / اتجاهليهن
غزل/ انشالله

——-
يتبع