المـطـلـقـة

13

غزل/ الله يساعدك

غزل/ راح سبح انطيته ملابسه شفته تمدد ونام مبين تعبان حتى ولا كلمه حچه وياي خلصت الملابس لبست حجابي ونزلت شفت خاله تگح و مبينه مريضه ركضت الها ...

غزل- خاله شبيج
شذى / ااا راسي يوجعني
غزل/ خاله انتي مصخنه
شذى / لا مابيه شي
غزل/ خاله كعدي خلي أصيح ازاد ياخذج
شذى / لا تصيحيه خطيه تعبان روحي لخالد
غزل/ حاضر

غزل- ركضت دكيت الباب طلعت بنين ...

غزل/ بنين كولي لخالد يجي ياخد خالتي للطبيب كلش مريضه
خالد / شبيها امي
غزل/ مااعرف بس حرارتها مرتفعه
خالد : دقايق ابدل واجي

غزل/ رحت لخالتي نزل خالد لبستها عبايتها و حجابها وراحت صعدت البنات يلعبن يالله ساعدها ماتستاهل نزلت وشفت الحجيه و العمه ...

هبه / خوب من اجيتن البيت بس مشاكل
هبه/ يي سكتن انتن مسويات سحوره لولد اخوي

غزل/ عمه شهالكلام
هبه/ اشش صوتج مااسمعه
غزل/ انا محترمتج لان عمة ازاد
هبه : لج لا اكوم اسحلج

الحجيه/ كافي سكتن
هبه/ يمه شوفي لسانها
الحجيه/ غزل عيب ترفعين صوتج
غزل/ حجيه يمته رفعت صوتي هيه تعارك

كوثر / يمه كلش انتي البريئه
غزل/ انتي لا تتدخلين
الحجيه/ ولجن سكتن رجولتجن مايعرفون يلزموجن
كوثر/ انتي سكتي
الحجيه/ ولج كويثر ترفعين صوتج
كوثر / اهووو خلي اروح احسلي

الحجيه/ انا اعلمج صبرليلي ماتحترمين

—

الحجيه/ انتن الاثنين روحن للمطبخ سون عشه بسرعه
—

غزل/ رحنه انا وبنين استغفرالله لازم نتحمل بدينا نسوي معكرونه و شعريه و كبة ..

بنين / لو بيدي جان موتتها لهاي كوثر وحتى عمته
غزل/ بنين سكتي نوب لا ترجعين لبيت ابوي
بنين / افف لمتى أتحمل حتى من احجي ويه خالد يكول اهلي تتحمليهم

غزل- حتى انه بعد شنسوي
بنين / تره انا مااتحمل وانتي تعرفين
غزل/ بنين لازم نتحمل شنو تردين ترجعين لمرت ابوي تموتج
بنين/ اففف

—
ملك / ماما بابا يصيحلج
غزل/ هسه جايه

غزل/ صعدت فوك شفته يدور الملابس وذابهن استغفرالله قبل شوي عدلتهن ...

غزل/ ليش هيج
ازاد / الستره مالتي وين
غزل/ يعني ليش هيج ذبيت الملابس مو عدلتهن استغفرالله
ازاد / تعاي طلعيها
غزل/ جان صحتلي من البدايه
ازاد / بلا صوت يلا

غزل/ خالتي بالمستشفى
ازاد / انتي شجاي تحجين
غزل/ اليوم مريضه ودها خالد
ازاد / وليش ما كعدتيني
غزل/ هيه مارضت

ازاد / بسرعه طلعي الستره
غزل/ هاهيه

غزل/ شفته بدلت بسرعه وطلع انا لميت الملابس ونزلت مر ساعات واجو كلهم رحت لخالتي خطيه وجها اصفر ودوها للغرفه ازاد صعد وخالد هم رحت لخالتي ...

غزل/ ياعمري ماتستاهلين
شذى / حبيبتي
بنين / خاله تردين شي اسويلج شي
شذى / لا بنيتي مااريد شي
بنين / ليش ماجوعانه
شذى / مااشتهي

غزل/ خاله اكلي شوي

شذى / لا مااريد
غزل: على راحتج

غزل / عفتها نايمه حطينا العشه والكل نزل ياكل وشلنا المواعين وبدت بنين و هيام يغسلن وانا كنست المطبخ طبعاً كوثر كلشي ماكو ....

يتبع ...