غزل / مر اسبوع وأزاد متغير عليه بـسہ رسميات يحجي سكتت عنه بـسہ طكت روحي يعني ميصير هيج حتى نوم ينام بره جنت كاعده اسبح سمعت صوت الباب عرفته اجه خلصت لبست البرنص طلعت من الحمام شفته مبدل ومتمدد يكلب بالتلفون رحت طلعت ملابس رجعت للحمام بدلت وطلعت كعدت امشط شعري حطيت حمره ومسكارا شوي سويت شعري كعكه رحت تمددت شفته عاف التلفون ونام دار وجه للجهه الثانيه ...
غزل/ ازاد
ازاد / أمم ...
غزل- اكول انته وين تنام بالليل
ازاد / وانتي شنوو يدخلج
غزل/لااا واللله غير انا زوجتك
ازاد / سكتي اريد انام
غزل/ مثلاً نايم يم وحده
ازاد / غزللل ( بصياح
غزل / وليش صيحت
ازاد / ييي نايم يم وحده عندج مانع
غزل/والله تسويها انتو الشباب كلشي نتوقع منكم
ازاد / غزل وصلت لهنا كلمه وحده اكوم اسوي شي ميعجبج
غزل/ تعرف شنوو انا الثوله جايه اسولف وياك وافتح موضوع انته مدري ليشش هيج متغير ضَل هيج ع راحتك
غزل/ كمت طلعت من الغرفه رحت يم هيام ...
هيام/ شكو منو وياج
غزل/ اكو غير اخوج
هيام / غزل شبيكم تتعاركون چنكم جهال
غزل - غير اخوج مدري شبيه
هيام / شكو شبيكم بـسہ تتعاركون
غزل- مدري شبي متغير
هيام / غزل تره ازاد يحبج وماحب بنيه غيرج وصح بالبدايه جان معارض فكره انو يتزوج بس هسه هو يموت عليج لا تخسريه
غزل/ تره هو بتصرفاته رح يخسرني يعني شنو اسوي
هيام /. سمعي لاتحجين شي ماحلو احجي كلام حلو هما هيج الشباب اذا حجيتي شي حلو يمشون وراج
غزل/ هههه واللله جايه وحده اصغر مني ومامتزوجه وعقلها شكبره وكاعده تعلمني
هيام / ههههه شعبالج
غزل- مر اليوم دخلت للغرفه شفته نايم رحت تمددت ونمت كعدت ثاني يوم مالكيته عادي تعودت عليه بس لازم أكسبه مره ثانيه كمت ذبيت ع روحي ماي وبدلت لبست حجابي ونزلت ...
غزل/ صباح الخير
شذى / صباح النور بنيتي
هبه/ بعد وكت رجلج كعد حتى اكل خطيه مااكل شنو ماتكولين عندي رجال اكوم اشوفه
غزل/ خذتني النومه ماحسيت بي
هبه. نوب دربالج تاخذج النومه يمكن يصير اشياء وانتي ماخذتج النومه
غزل/ انتي شنو تقصدين
شذى / غزل بنيتي روحي للمطبخ
غزل/ حاضر خاله
——
شذى / هبه شبيج على البنيه
هبه/ تستاهل لسانها اطول مني
شذى / مااسمحلج تحجين عليها وانتي ماتعرفين تتصرفين وياها
هبه /انتي طبعاً تدافعين ع بت اختج
الحجيه/ كافي سكتن ماتشوفني مريضه وانتن تتعاركن
شذى / اعتذر عمه
هبه/ يمه امشي اخذج للغرفه
——
غزل- ساعدت البنات مدينه السفره واجو الكل بس ازاد مااجه اتصلت عليه مايرد اخر مره اتصلت يلا رد ....
ازاد / شكووو شبيج
غزل/ شبيك ازاد
ازاد / عندي شغل وانتي تتصلين
غزل/ شبيج معصب جاي اكلك تجي ع الغده
ازاد / مااريد يلا باي
غزل/ على راحتك
غزل/ اففف شكد عصبي كمت رحت مااشتهي اتغده حتى نفسي انسدت مدري شبي متغير عليه صعدت فوك سبحت وبدلت سويت شعري وحطيت حمره وشوي مسكارا وتنت(احمر خدود) حطيت مرطب للايديه رحت اعدل بملابس ازاد مر ساعتين وانا اعدل الغرفه شوي ودخل ....
يتبع
YOU ARE READING
المـطـلـقـة
Mystery / Thrillerفتاة مطلقة تعيش مع بناتها وتعيش بظلم و إهانة من عائلتها صدفة تلتقي بشخص يغير حياتها وتبدا تحبه فهل سيعيشون بسلام ام القدر يلعب لعبته ويفترقون تابعووو القصة ؟! 💗🔥 الكاتبه : زاي (اللهجة العراقيه )
