لقلبك جزاء وأنانيتي نصيب "مكتملة"

لقلبك جزاء وأنانيتي نصيب

الفصل الثاني

علت صرخاتها في المستشفى وهي تنام علي الترولي لتجده بجانبها يمسك يدها والرعب يسيطر علي قلبه ثم انحنى يقبل جبينها

سليم : هدخل معاكي العمليات مش هسيبك متخافيش

هتفت وسط أنفاسها المتعبه : أنت اللي خايف

سليم : خايف عليكي يا تولين

أشاحت وجهها عنه تمنع دموعها بينما هو امتغض وجهه بحزن ونظر حوله لم يجد أحد من أهله ليدخل معها العمليات وبعد صرخات متتالية أتى ولي العهد كم يُقال ليحمله بين يديه ويقبل جبينه

آذن الآذان في أذن الصغير ثم ضمه لقلبه هاتفا : أهلا بعوض ربنا ليا وسندي في الدنيا معاذ سليم الشاذلي .. أنت اللي هتحب أبوك صح

قهر داخلي تولد بداخله أمل جديد مع ظهور شخص جديد في حياته

انتقلت تولين لغرفة عادية وبجانبها سليم يحمل ابنها ويحتويها بين ذراعيه .. جميل هذا المشهد لو كانت تحبه كما يحبها أجل أحبها فهي حلاله

فتحت عيناها ونظرت حولها لم تجد سواه وابنها لتهتف ببرود : مبروك عليك ولي العهد

سليم بهدوء : دا مش ولي العهد دا ابني ابن سليم

تولين بسخرية : قولتلي فين عيلتك اللي فرحانة ليك

سليم : أنتِ ومعاذ عيلتي .. أنا يا توته عايز منك عيال كتيرة تمام وهجيب ليكم قصر جديد وكبير ونبنيه أيه رأيك

تولين ببرود : دا لو كنا بنحب بعض يا سليم إنما أنا لا بحبك ولا بحب غيرك تمام .. جبتلك اللي يعلي من شأنك قدام عيلتك أكتر من أخوك اللي واكل كل حاجة مش أكتر

لتكمل بما كسر جزء من رجولته : ودا مش حبا فيك أبدا

دفعها وابتعد عنها قائلا بما كسر جزء من أنوثتها : أنتِ معملتيش اللي مفيش حد يقدر عليه فاهمة لو جبت واحده من الشارع وقولتلها تبقى أم لابني هتتمنى

تولين بغيظ : بدل ما تتشطر عليا بالكلام روح أتشطر علي أهلك اللي واكلينك

حرقته الجملة من الداخل ليخرج بابنه ويشكي له من أفعال والدته وعائلته يعطيه جزء من حمله الذي ثقل علي قلبه

أما تولين تذكرت ذات مرة حين كانت حامل في شهرها الرابع

شيري بضيق : دا طلع حمل بجد وأنا اللي فكرتك بتلفتي الأنتباه أنتِ وجوزك

تولين بقوة : مش سليم اللي يلفت الأنتباه لأنه كدة كدة كل الكاميرات عليه

شيري بخبث : يا روحي سليم مش أكتر من شغال عند العيلة هو الماكنة اللي بتجيب فلوس للكل .. مش واخده بالك أني في لبسي والميك أب والاكسسورات كل ده أكتر منك بكتير مع أن جوزي حيالله ظابط وجوزك رجل أعمال تؤ اكبر رجال الأعمال .. أحب أقولك كله من تعب جوزك