لقلبك جزاء وأنانيتي نصيب "مكتملة"

لقلبك جزاء وأنانيتي نصيب

الفصل الخامس عشر

ضحكت بسخرية وهي تشير له على التاب : دا السر الكبير اللي مخبيه

لم يجب ليجدها تكمل ببرود : أنت كدبت طب منا كدبت بس تعرف أنا فيا أنانية مش في أهلك كلهم عشان كدة طلقني

لم يفهم حديثها وتحدث بهدوء : نجمة أهدي

نجمة : بقولك طلقني

صخر : أنا مش هرد عليكي دلوقتي عشان لو رديت هتغابي ومش هقولك أفهمي لأن لو مكدبتش صدقيني هخسرك أكتر

وأتى يتركها عاد واتجه للباب أغلقه بالمفتاح وأخذ المفتاح ودخل لتنظر خلفه بغصة قوية وهي تحاول الثبات سرعان ما سقطت جالسة تبكي والتقطت الفون ترن على أحدهم

نجمة ببكاء : ردي أبوس إيدك ردي

ظلت لوقت ثم سمعت صوت نسخة طبق الأصل لصوتها لكن يظهر عليه الإرهاق : نجمة

نجمة : سماوات أنا ...

سمعت صوت شبيه للثلاثة حاد : بتكلمي مين يا سماوات عمار بينادي عليكي عشان تتوضي

سماوات بتوتر : ح.حاضر

وصمتت لوقت فقط تسمع صوت خطوات ثم تحدثت : معاكي يا حبيبتي في أيه

نجمة ببكاء مكبوت : مفيش بس حسيت أني عايزة أسمع صوتك

سماوات : لا مش مفيش في حاجة قولي في أيه

نجمة بغضب : يا سماوات مفيش قولت مفيش الله

سماوات بعناد : لا في

نجمة بعصبية : أنتِ غبية في في في قولت مفيش بتفهمي منين ولا هو عناد وخلاص هتفضلي لأمته زنانه وتندميني أني رنيت عليكي تخلف

سماوات بهدوء : خلاص كدة زمانك هديتي استفزتك لأن حسيتك محتاجه تطلعي عصبيتك في حد .. سلام

وأغلقت السكة لتجد أمامها أختها التي أخبرتها منذ قليل عن الوضوء

شمس بغضب : كنتِ بتكلمي مين ؟! أكيد نجمة وأمها ما أنتِ القلب الحنين واللهِ لعرف عمار وأخليه يتصرف معاكي فاهمة

سماوات بخوف : شمس استني والنبي

شمس : لا أنتِ مش بتوبي ولازم ليكي حد

واتجهت لزوج توأمها تنادي عليه : عمار .. عماار

خرج عمار وهو يشمر ساعديه ويتناثر منهما الماء ليجد سماوات خائفة الملامح وهذا يغضبه حقا فهو لا يريدها هشة فهي زوجته زوجة أكبر شاب في العائلة

عمار : نعم

شمس بغضب : رجعت تكلم نجمة تاني أنا بعرفك

تركتهما وغادرت بينما عادت سماوات خطوة للخلف ليقترب منها بخطوات مدروسة ووقف أمامها مباشر

عمار : أنا قولت أيه .. ولا دي أخرة إني مسكتك فون

سماوات بتوتر : أنا مش عايزة أخسر حد من اللي حوليا