💥التربية ولا التعليم ؟!
💥الدين والمبادئ ولا الشهادة ؟!
إيه الأهم بالنسبة لينا ؟! 🤔
⚡️أولادنا ياخدوا الشهادة ولا نزرع فيهم القيم ؟
⚡️المهم يعدوا السنة ولو بالغش ؟ ولا مجهودهم وقدرتهم مهما كانت ؟
خلونا نكون صريحين مع نفسنا
كام مرة دورنا لأولادنا أيام الامتحانات على مدرس معرفة علشان يغششهم ! 😞
ولو الحمد لله ربنا نجانا من الموضوع ده وحبيبتي تنصحي حد بيعمل كده
يقولك بعصبية انت مش حاسة بينا وبالفلوس اللي دفعناها في الدروس المهم ينجح وتعدي السنة 😡
ونشوف ناس ناجحة ووصلت الصف الخامس والسادس الابتدائي وهي مش بتعرف تقرأ حتى 😫 .. وكله بالغش 😤
ذاكروا يا أولاد ؟
وليه أتعب نفسي والإجابات هتيجي لحد عندي ؟ 😈
وبنتي بتمتحن اللي جنبها في اللجنة بتسألها هو عندنا امتحان إيه النهاردة ؟
مش عارفة حتى الجدول !!! 😱
هتعرفه ليه وورقة الإجابة هاتجيلها لحد عندها 😠
🔥 تاخد حق غيرها وتعبهم مش مشكلة
ولسان حال أهلهم
المهم أولادي ينجحوا !!! 😈
يخسروا أخلاقهم وضميرهم ودينهم مش مشكلة ! 🙃
الأب والأم بنفسهم يحثوا ولادهم يعرفوا اجابات الأسئلة من مواقع تسريب الامتحانات 😏
الأب والأم يبقوا مبسوطين وفخورين بابنهم وهو بيحكي ازاي غش وجاوب الامتحانات 💪
وبعد كده بنستغرب لما نسمع عن دكتور فاشل ولا مهندس جاهل 😖
أخدوا مكان متفوق كان أحق بالمكان ده وسرقوا مكانه بالغش 😳
❌يعني لا حصلوا تعليم ولا تربية !!!
هتستفيدي إيه لما إبنك يكون ناجح في شهادة الدنيا راسب في شهادة الآخرة ؟! 😢
👈وانت كمان راسبة معاه !!
🎗اهم من التعليم التربية
🎗أهم من الشهادة القيم
🎗أهم من امتحان الدنيا امتحان الآخرة
⚠️متعودوش ولادكم إنهم يستسهلوا المعاصي
💥ابني جه حزين من الامتحان وبيقول بيسرقوا مجهودي بالغش
أنا أسهر وأتعب وأذاكر
وناس مفتحوش كتاب ينجحوا ويجيبوا درجات عالية بالغش وياخدوا ترتيب أنا أحق بيه 😢
👈 قلتله خليهم ينجحوا بالغش دي درجات امتحانات بسيطة لسه درجات الامتحان الكبير واللي ينجح فيه هو النجاح الحقيقي
⚡️هل انت مسامحهم ؟
قالي لأه 😡
قلتله خلاص حقك هيجيلك 💪
خليهم يفرحوا بالكام درجة دول في الدنيا
ويوم القيامة نشوف هيعرفوا ينجحوا هناك بالغش ازاي ؟ 😏
📌هي دي الحقيقة بكل بساطة👇
نجاحهم بالغش مش نهاية المطاف🛣
لسه فيه حقوق وقصاص مستنيهم يوم القيامة
لسه في حساب هيقفوا فيه
لسه فيه عقاب في الدنيا كمان لأن ما يصيبنا من بلاء يكون بما كسبت أيدينا.
📢 اغرسوا في أولادكم حب العلم
وإن تعبهم في المذاكرة لو احتسبوه عند الله هياخدوا عليه أجر
📢وإن الأمة بحاجة لدكتور شاطر و مهندس مبدع مش مجرد اسم وخلاص
ومش هتوصل لده الا بمجهود.
〰🌸🍃〰🌸🍃〰
🌷همسات الاوابين
أنت تقرأ
🌸 السابقات الى الجنة 🌸..(الجزء 2)
Randomومَا رضيـتُ من الأثْـوابِ عَاريَّها ، ولستُ ألبسُ شيـئاً يُلفـت النظَرَ إنّ العَفيْـفةَ لا تُبـدي مَفـاتنَـها ذاتَ الحيَاءِ تغضُّ الطرفَ والبصَرَ ❤️🤍🖤 ان ارتدائي لـ النقاب سيظل اعظم انتصاراتي😍💜 وقـل للنقاب أنـني أحـبـه وانـه لـقـلبي أعلي مـ...
