رد أ سارة عبد الله 💕
استشاري تربية جنسية
ومدربة تربية إيجابية معتمدة
السلام عليكم ورحمة الله وبركاته
ربنا يحفظ شباب وبنات المسلمين
مشاهدة الفاحشة مش أمر هين
و إدمانها محتاج مساعدة من الخارج
زائد الجزء الشرعي هو اللي بينجح الامر
واكتر من حد تعافي وكان محركه الله وحبه لعدم غضب الله عليه
أولا سحب كل الأجهزة ونفهم البنت أو الولد إن ده مش عقاب
دي فترة لحد اما يتعافوا وبعد كده ممكن يستعملوا الموبايلات بقواعد للبيت كله
زي الشاشات في الصالة فقط
او عدد ساعات معين للشاشات
ومناقشة المسموح وغير المسموح من المواقع
...............
الأمر هيبقي بينك وبينه /بينها فقط
ثانيا هتقعدوا فى جلسة هادية مع الولد او البنت
انا عايزه اساعدك
انا مش حابه اشوفك في صراع كده
في الجلسة هنشرح كذا نقطة
اولا هنبدأ الحديث بشرح
ان الجسد ممكن يثار بأشياء العقل مش موافق عليها
زي مثلا لو حد حكالك قصة حزينة ايه اللي هيحصل هتزعل وممكن كمان تدمع،،، انت مش فى الموقف بس جسمك تأثر ومشاعرك كمان
طيب لو بعض الاشخاص شاهدوا فيديوهات فيها مشاهد مش كويسه (إباحيات) هيحصلهم ايه
الجسد هيتأثر ويثار رغم ان العقل والضمير رافض ده النتيجة هيبقى الشخص في صراع
(أنا مش حابه أشوفك كده انك في صراع)
ثانيا
فيه ماده في الجسم اسمها دوبامين المادة دي مسئولة عن الإنتباه والإثارة وإدراك مشاعر الألم والسعادة
يعني لو الجسم شاف حاجة خليته مثار المادة دي بتتفرز
طيب كتر الفيديوهات دي بيخلي المادة تتفرز بنسبة كبيرة مرة واحدة
وخلال فترة قصيرة الشعور يتبلد ويفقد الإثارة وده بيقلل من كمية مستقبلات الدوبامين في الدماغ
وبكده هتحتاج لفيديوهات اكتر علشان يحصل الإشباع وده هو الإدمان
وهيبقى ساعتها العلاج أصعب
.................
معظم اللي بيشاهدوا الفاحشة
بيبقي عندهم حساسية عالية ليها،، يعني اية ؟؟
كان فيه عالم إسمة بافلوف
عمل تجربة علي الكلاب
كل شوية يديهم أكل وفي نفس الوقت يرن جرس
في النهاية الكلاب مجرد سماعهم للجرس يسيل لعابهم حتي بعدم وجود أكل
مشاهدة الفاحشة بتعمل نفس الحركة
مجرد ما تشوف سيدة أو رجل بتتذكر كل ما شاهده
وتبتدي تعمل تخيلات جنسية في دماغك او علشان تهدأ هتروح تتفرج علي الفاحشة وهتبقى في دايرة مغلقة
..................
نقص الدوبامين كمان ممكن يسبب مرض الاكتئاب زائد الشعور بالسعادة في الأمور العادية هيقل لأن المخ ارتبط عنده الشعور بالسعادة أثناء مشاهدة الفاحشة فقط
ثالثا
ثأثير الإدمان ده علي حياتك الشخصية هتخليك علطول منطوي وهتفقد الثقة في نفسك لانك علطول عارف انك بتعمل حاجة غلط وعلطول في قلق وخايف
وعموما تأثير مشاهدة الإباحية للكبار علي المستوي المجتمعي
رفع معدلات الطلاق
ورفع معدلات الاغتصاب والعنف الاسري بين الأزواج
في الاخر خالص
هتقوليله الإباحية دي ما هي الا business
الناس اللي بتحط الفيديوهات دي مش بيهمها اي حاجة غير الفلوس
لان كل ما المشاهدات بتزيد الفلوس بتزيد غير انها بتشارك في فضح اجساد الناس
واحنا مسلمين مش بنشارك معاهم
لان ربنا كرم جسمنا وجعل الزواج هو المتنفس الوحيد الحلال لينا وكمان هناخد عليه حسنات مش سيئات وتدمر جسمنا زي ما الفيديوهات دي بتعمل
في جزء شرعي مهم
هتشرحي ليه مفهوم زنا العين وده بيأثر سلبا علي القلب وعلاقتك مع الله
هتتدبروا مع بعض سورة النور ويعني اية غض بصر
ممكن كمان تتفرجوا علي فيديوهات لتشريح العين وتخليه يتأمل قدرة الله في عينه فقط وازاي يشكر النعمة
ممكن تعملوا جدول مع بعض وتصاحبيه الجدول هيقوية ادام نفسه،، اد ايه هو صبر ومشافش حاجة
الجدول مهم جدا جدا يتعمل
لأنه هيثبت لنفسه /نفسها ان عنده إرادة
ولو حصل إنتكاس، لأنه بيحصل في بعض الأحيان
يستعين بالله ويكمل تاني لحد أما يتعافي
غالبا في معظم الأحيان
ان مشاهدة الاباحيات بتكون مصاحبة للإستمناء
هتتكلمى معاه مباشرة فى أضرار الاستمناء
وتفتحوا كتاب فقهي مع بعض وتقوليله حكم الإستمناء في الإسلام
وهتشرحي ليه الافرازات سواء مذى او مني ضروري علشان الصلاة والاغتسال
حتي لا يبتلي بأثمين
أثم المشاهدة، وأثم ضياع الصلاة والصيام
في كام نقطة للأمهات
١-زيادة التشجيع العام ليه/ليها في الحياة اليومية علشان ميبصش لنفسه انو فاشل ووحش ويجلد ذاته اكتر
٣-هتعوديه ينام علي الشق الايمن مع قراءة القرآن قبل النوم
٤-الاستئذان قبل الدخول عليه وده للرفق بيه والرفق بيها
٥-جدول هتعملوه مع بعض
٦-عادات إستبدال للوقت، إشتراك في نادي او رياضة
أو التميز في هواية هو /هي بيحبها
٧-قراءة القرآن وياحبذا لو حفظ كمان مع معلم أو معلمة للبنت
٨-تدوين مع بعضكم كل يوم نعمة من نعم الله
وتدارس أسماء الله الحسنى زي الرقيب والستير
٩ - الإشتراك في كورسات للعقيدة للولد والبنت
ربنا يصلح حال بنات وشباب المسلمين ويحفظهم من كل سوء
أنت تقرأ
🌸 السابقات الى الجنة 🌸..(الجزء 2)
Randomومَا رضيـتُ من الأثْـوابِ عَاريَّها ، ولستُ ألبسُ شيـئاً يُلفـت النظَرَ إنّ العَفيْـفةَ لا تُبـدي مَفـاتنَـها ذاتَ الحيَاءِ تغضُّ الطرفَ والبصَرَ ❤️🤍🖤 ان ارتدائي لـ النقاب سيظل اعظم انتصاراتي😍💜 وقـل للنقاب أنـني أحـبـه وانـه لـقـلبي أعلي مـ...
