تسريع للاحداث ..
الهنوف ركبت مع الدريول وراحت بيت عمها بو خليفة..
وصلت دقت الباب فتحتلها الشغالة وشافت ام الريم فالصالة مع هنوده وعليا خوات الريم سلمت وركبت بتسير فوق وقبل لا توصل حجرة الريم حد سحبها من ايدها ودخلها غرفة... خليفة: نورتي حجرتي
الهنوف: خلوف لاتصير قليل ادب دزته بس ماقدرت كان شاد عليها ..
خليفة: وين تبين صغيرتي؟
الهنوف: انت شارب شي؟
خليفة: هي شاربنج انتي
الهنوف: قسم بالله ... وقطع عليها خليفة وهو يحط صبعه ع ثمها.. احمرت الهنوف من المستحى : خلاص خلني اسير
خليفة: بشرط
الهنوف: شووو
خليفة رفع راسها واشر ع خده : بوسيني هني
الهنوووف : اووووف بلا مصاخه عاد .. خليفة ابتسم ورفع راسه : يلا ..
الهووف بسرعه ركضت فجت الباب وطلعت .. خليفة طاح ع الارض ميت ضحك ع ردة فعلها " اخخخخخخخخخخ عسسل "
دخلت الهنوف غرفة الريم وسكرت الباب بسرعه.. الريم انصدمت: بسم الله عليج اللي يشوفج يقول كنتي تركضين في مارثون بلاه ويهج محمر وشوي وتعرقين ..الهنوف: يييييوه سكتي عني .. انا يايتنج عشان اعطيج حايه موصايه عليها ..
الريم: اوووف لايكون من اللي في بالي
الهنوف: هي اللي في بالج
الريم : طيحت عمرها عالشبرية وهي تتخيل ملامحه وتبتسم
الهنوف: حوه وين رحتي عالاقل سويلي روز مب سافهتني وتفكرين فيه
الريم: صخي صخي تخربين ابو الجو
الهنوف: هاج الكيس .. الريم سحبت الكيس بسرعه وراحت حطته فالكبت
الهنوف: ليش خشيتيه فتحيه الحين
الريم: لا احلفي انتي؟ هاي خصوصيات بين ريال وحرمته انتي شلج
الهنوف: يالله كرييييههه
الريم : كيفييي
تسريع للاحداث عالساعه 8 فليل طلعت الهنوف وركبت مع الدريول وردت البيت ..
دخلت وهي تشوف الجو متكهرب والكل معتفس .. حست فيه شي مستوي
دخلت البيت ..
لقت امها تصيح..
وابوها عمرها ما شافته بهالحزن ..
نهيان وذياب يالسين بصمت ..
الهنوف: ابوي .. بلاكم جي شو مستوي ..
نهيان: سكت شوي بعدين تكلم وبصعوبة .. حمدان ..
الهنوف خافت : شو فيه حمداان تكلمم
نهيان: عطاج عمره.. الهنوف من الصدمة طاحت .. ذياب بسرعه شلها ووداها الحجرة ..
عقب سنتين ..
الهنوف .. ثالث سنة جامعة تخصص هندسة .. الريم.. ماعادت الريم الأولية صارت وردة ذبلانه، من عقب حمدان خطبها واحد من عقب ماتوفى حمدان ب سنه ورفضت .. وحاليا تكمل جامعه مع الهنوف تخصص اغذية..
لطيفة؟ دخلت الكلية وباقلها شهرين وتتخرج .. خطبوها ثلاثة ورفضتهم وحرمت عنفسها تتزوج ..
حصة؟ تدرس في امريكا تخصص طب .. بين فترة وفترة ترجع الامارات ..
الشباب؟ هم مثل ماهم بس احمد صارله اربع شهور مختفي ومحد لاقنه ..
عند الهنوف .. نزلت تحت وسارت لغرفة الضيوف عند ابوها لانه من توفى حمدان وهو طايح عليهم ومرتفع عنده السكري والضغط صار ماعنده طاقة يروح ويرد .. دخلت وسلمت عليه .. : ابويه طلبتك ولاتردني
ابوها: امري حبيبتي وان شاءالله ماردج ..
الهنوف: ابغي اتعلم السواقة .. كل اللي في عمري الحين يسوقون ..
ابوها: امره لاتشاورين سيري وتعلمي ..
الهنوف استانست وركضت عند ابوها وحضنته : يعلني ما اخلا منك فديتك .. وانت بعد ارجعلنا شرات قبل تروح وترد مب الا داخل الحجرة .. ابوها: يابنتي خلاص صرنا شياب وين نقدرر نتحرك ونروح شرات قبل .. الهنوف: افا؟ منو الشيبة؟ انت ؟ تخسيي انت اصلا شيخ الشباب .. شوف شحلاتك وشزينك البنات يتراكضن من يشوفنك تطيح الطير من السما .. امها: لاوالله؟ شوقلتي ماسمعت .. الهنوف وابوها ضحكو ..
الهنوف راحت حجرتها تلبست وكشخت بتمر عليها ربيعتها عفرا وبيروحن دبي .. وهي نازله شافت نهيان توه راد من الدوام .... طبعا نهيان وذياب تخرجو من سنه الحين .. : ع وين اشوفج كاشخه الحلوة .. الهنوف قربت وخاشمته .. ماشي بس الحين بتمر علي ربيعتيه بنسير دبي .. ذياب توه داخل: اسمع دبي .. الهنوف : خشمك خشمك الذيب وتخاشمو .. بسير دبي .. نهيان: انتبهي ععمرج وحركات مني مناك طلعه من هالباب ماشي .. الهنوف: من عيونيه .. ذياب: دامج بتسيرين دبي اباج تمرين عمحل عطور في دبي مول اتييبلي اياه .. الهنوف: تامر امر كم ذياب عندي .. وسلمت وطلعت
يوم يت بتركب .. الا سيارة خليفة داخلة .. جان تركض بسرعه وتفج الباب وتقول: بسرعه عفاري روحيي مافينييي .. وتحركت عفرا وظهرت ومسكو خط دبي العين.. خليفة توه نازل من السيارة ومعاه ابوه .. استغرب منوه السيارة اللي ظهرت .. ودخلو البيت لقو نهيان وذياب ..خليفة: منو السيارة اللي طلعت؟
نهيان: هاي ربيعة الهنوف .. خليفه: هيي زين ووينها الهنوف عيل؟
ذياب: انت مافهمت؟ خليفة: افهم شو؟ صبرو صبرو بسلم ععمي وبردلكم ..
نهيان وذياب ماتو ضحك ..
خليفة رجع : شالسالفة تضحكون حووه فالتوه جدامكم؟
نهيان وهو يحاول يمسك ضحكته .. لانهم شافو الهنوف وهي تربع تركب تقول باتمان وفهمو عليها ..: هاي .. ورجع يضحك .. ذياب: اخخ مااقدر امسك عمري .. بطنيي .. الله يسلمك هاي الهنوف ركبت توها ورايحين دبي هي وربيعتها ..
خليفة: لاوالله؟ احلف بس انته وياه؟ وهاي الحيوانه تروح بدون ماتشاور ..
نهيان: لاشاورتنا وضحكو
خليفة: انتو غير وانا غير انا اراويها وطلع بسرعه ركب سيارته وراح وراهم ..
نهيان وذياب.. ماتوو ضحك لانه مب اول مره تصير هالمواقف ..
ذياب: تلقاه الحين بيروح بيوقف جدامهم وبينزلها ..
نهيان: والله يسويها ها .. ودخلو عند ابوهم وعمهم ..
____________________
أهلاً شحالكم؟ اتمنى عيبكم البارت ، وصدقوني البارتات الياية كلها حماس🔥🔥🔥
ومباركن عيدكم وعسى أيامكم كلها فرح🤍🤍
إلى اللقاء في بارت ثاني👋🏻
YOU ARE READING
أمنية مستحيلة
Romanceاذا كنتو من محبين قصص الحب؟اذا كنتو من محبين الكوميديا؟واذا كنتو من محبين الاكشن؟ فـ هذي الرواية تجمع مابين هذي الثلاث تصنيفات مهما كنت انت او منو هذي الرواية بتجمعنا .. تنتظركم احداث وضحك ودموع في هذي الرواية .. باللهجة الإماراتية💛.
