أمنية مستحيلة

الجزء الثالث

‎ونزل تحت .. الا يظهرون جدامهم نهيان وذياب .. الهنوف : ياربيي خلصنا من واحد يونا دبل .. ذياب : بلاج بلاج اختي حبيبتي شيخة الشيوخ .. ترا سمعتج مساعه تقولين لي صرصور .. انا صرصور يالسبالة .. يا بيضربها .. انخشت ورا الريمم .. ها خفتي الحين ها .. انا اعلمج عقب .. نهيان:خلصتو؟ .. حشموو البنيه ع الاقل .. وانت لاتغدي ياهل .. وانتيي ام البلا تعلمي من البنيه مالت علييج ... وخطف وخطف وراه ذياب وهو يقزز فالهنوف ويحرك ايده ع لحيته بمعنى براويج عقب .. وشاف الريم وضحك ضحكه تسليك لها.. واحد ماتقولين عمره 24 واثنين تقولين اعمارهم 5 مب 20 .. الريم قالت : اقول صخي تراج الا وياهم .. دشن الحجرة .. قعدن يسولفن ..

‎فالحجرة عند الهنوف وهن يسولفن دشت امها الحجره : واابويي شو تسون انتن هنا والعرب كلهم تحت قومن يلا وانتي الهنوف تعالي ساعديني .. الهنوف : ان شاءالله اميه ..وصلن وسلمن والريم سارت صوب البنات و الهنوف شلت دلة القهوة وبدت تقهوي الكل ويوم خلصت سارت قعدت عندهم .. هاا بنات شو قلتو عني شو حشيتو شو طافنيي حصة رمست من بين البنات .. الناس تقول السلام عليكم اول .. مب شو طافني وشو حشيتو .. الهنوف : انتي سكتي العيوز ..حصة: احسن عنج العيوز انزين .. الهنوف : انزين انزين انتي اصلا كل شي صح .. اقولكم بنات الحين نحن خلصنا ثانوية صح انتي وين حطيتي اي جامعه , حصة : انا وحده بدرس برع وانتو كيفكم .. البنات .. : خفي علينا بس ,.. وانتي الريم : انا يعني الا وياج جامعة الامارات .., الهنوف :هيي زيين وطبعا انتن الباقيات كوجي كوجي بعدكن مطولات

‎عقب الغدا .. عالساعه 5 جي .. ظهرن الهنوف والريم وحصة .. اقول شرايكم نسير الدكان .. محد بيدريبنا بسير اييب سويج سيارة حمدان مابيعرف , الريم: هيهي يلا قومي خل نسير وفبال الريم شي تبا تسويه .. حصة: وانتي تعرفين تسوقين ومب ماخذة الليسن ولو حد شافنا؟ .. الهنوف ماعليج محد بيشوف يلا قومن, سارت تربع الهنوف اتييب السويج .. والريم وحصة برع عند السيارة .. وكانت سيارة سالم ولد عمهم الثاني .. عدالهم .. وهو ياي يبا يروح شافهن

‎ويا صوبهن .. :ها وين الهنوف عنكن عيل انتو لصق ماتخوزون من بعض .. الهنوف ياية وتقول يبت السويجج بصوت شوي عالي وماانتبهت لسالم مغطيتنه الشيرة .. يوم وصلت .. سالم : اسمع سويج شو السالفة .. الهنوف : مايخصك .. سالم: انتي كل مااشوفج مااقول كلمة تردين بعشره؟ قولي شو سالفة السويج .. الهنوف عادي تعطيني عرض اكتافك بس وسير من وين ييت,, وهم يرمسون شافهم خليفة ..ويا صوبهم .. من شافته الهنوف .. تاففت بصوت عالي : ياربي انتو شو سالفتكم اليوم كل واحد يطلع من صوب .., خليفة:خير شو السالفة ,, الهنوف :الخير بويهك بس عادي تشل ربيعك سالم وتتيسرون ؟.. , سالم : انتي اذا ماتعدلتي ب اسلوبج ها ترا بخبر اخوج حمدان .. يلا قولن شو بتسون بالسويج .. حصة قرصت الهنوف من ورا .. صرخت الهنوف اااااي يعل ايدج القصص .., وطالعتها بنظره .. انه اذا تكلمتي بهفج بكف .. حصة تحمحمت .. وقالت : سالم ماعليك منها بس كنا بنسير الدكان .. وشافت الهنوف .. اتطالعها معصبه .. والريم ساكته بس .., سالم : وشو سالفة الدكان فالسويج ارمسي حصة ماعليج من هالعوفة العودة .. الهنوف انا العوفة العودة !! .. حصة: بس كنا نبا ناخذ فلوس من السيارة .. الريم : حشا مب دكان سويتها سالفة اطول عن حياتي .. سالم : انزين انزين وسار ركب سيارته ومشا .
انتهى