أمنية مستحيلة

الجزء الخامس عشر

‎خليفة يسوق بسرعه ويشوف السيايير يدور عليهم..
‎الهنوف وعفاري مشغلات الاغاني وطربانات .. خليفة لحق عليهم وشافهم لصق وراهم وهو يهرن ..
‎الهنوف.. منو ها التيس اللي يهرن الحين ومخرب علينا ابو الجو .. لفت ورا الا تشوف سيارة خليفة .. يووووه لاحوول احين بتستوي قصة ..
‎عفاري .. حوه مب ها خليفة خطيبج؟
‎الهنوف: هي بس سويله طاف ماعليج منه
‎عفاري: لاوالله عيب نخلي الريال جي وفضيحه السيايير الثانية تطالعنا .. عطت اشاره ووقفت في الشيشة ..
‎خليفة نزل بسرعه وراح لباب الهنوف ودق الدريشة.. الهنوف تتافف وقفلت الدريشة وسوت نفسها ماتسمع ولاتشوف .. عفاري: اييه مخليه الريال فالحر جي منطعتنه وقامت فتحت الدريشة ..
‎خليفة: السموحه اختي بس بشل حرمتي تبين تسيرين دبي الروحج كيفج بس حرمتي مابتسير .. الهنوف: لاوالله؟ مب كيفك قم يلا ..
‎خليفة: وتطولين لسانج بعد؟ قام دخل ايده وفتح الباب وسحبها لين السيارة وركبها من باب السايق وياه وحطها في حضنه وقفل الباب ..
‎خليفة: مليووووون مره قتلج ماتشبرين شبر الا وقايلتلي مخلتني مضحكه جدام الكل .. خيييييير؟؟؟
‎الهنوف سافهتنه وتلعب بشيلتها ..
‎خليفة وهو ثاير: تراني اكلمجج .. الهنوف: استغفرالله ..
‎خليفةا استغفري لين باجر .. الهنوف تبا تعفد الكرسي الثاني .. سحبها وردها
‎خليفة: اي حركة تسوينها تستاذنين .. الهنوف: ياخي خلوف خلاص ..خليفة : مب خلاص ..الهنوف دق قلبها ووويها احمرر .. وهي واثقة من شي واحد الحين انها تحب خليفة بس ماتبا تعترف.. خليفة يهمس في اذنها وبهدوء: اخر مرة تسوين هالحركة ممكن؟ .الهنوف هزت راسها وعينها منزله تحت ووداها الكرسي الثاني وبدا يسوق وشغل اغنية عيضة وقال: هاي اهداء مني لج .. وعلا عالصوت ..
‎ياشين وُقّتِي دَوَّنَكَ يا سَوَّدَها الأَيامَى عَسَى عَسَى يَفْدُونَكَ حاسِدكِ و اللوامي
‎قَلْبَيْ يُمَوِّت بِدُونِكِ وَتَوَقَّفَ الأنسامي أُرَحِّم تَرَى مضنونك متشفق وَلَكِ ضامِّي
‎مُتَفَرِّد فِيَّ كَوْنكَ سامِيّ وَقِدَركَ سامِيّ فِيَّ عَوْنكَ وَفِيَّ لَوْنكَ قايد عَلَى الآرامِيّ
‎غمازتك وعيونك وثغرك علاج الضامي وليل يلف متونك يسقى بعطر الشامي

‎فالسيارة..
‎الهنوف: خليفة..
‎خليفة: عيون خليفة..
‎الهنوف: ماتفتقد حمدان؟
‎خليفة سكت وبدت الذكريات تشتب عنده ..
‎الهنوف: مادري ليش احس انه حمدان بعده موجود ما مات ..ومستحيل اصدق انه مات .. انا اعيش ه الايام ع فكرة انه حمدان مسافر وبيرجعلنا .. وبدت دموعها تنزل ..
‎خليفة: الهنوف ترا كلنا فالنهاية بنموت وهو عند رب العالمين المفروض تدعيله بالخير ..وتترحميله
‎الهنوف: الله يرحمك
‎خليفة: وتراه حي في قلوبنا .. ع الاقل انتي احسن بواييد من الي عدنا فالبيت .. من ترجع من الجامعه حاجره عمرها فالحجره وبالغصب تاكل.. الله يعين بس
‎الهنوف: خليفة لاتروح بيتنا سير بيتكم
‎خليفة غمزلها: ليش تبين اتمين عندي؟ يلبييه
‎الهنوف: طالعت بنظره .. مسخفكك
‎خليفة وقف ومسك ويها ورص عليه منو السخيف؟
‎الهنوف: انا انا السخيفة .. بعدين شياك وقفت .. لفت الا هي في بيتهم
‎خليفة: زيين وفج عنها
‎الهنوف راحت داخل سلمت وراحت حجرة الريم
‎خليفة: حاولي .. ماتطيع اتدخل حد وروح عنها
‎الهنوف دقت الباب مره ثانيه وثالثه ورابعه .. لين ياها صوتها : قتلكم مابا اكل شي خلاااص
‎الهنوف يلست ورا الباب وحطت راسها عالباب .. : الرييم عادي ماباج تفتحيلي بس سمعيني .. ترا اللي تسوينه غلط .. لو الحين حمدان هني وشافج جي تتحرينه بيرضا؟باللي تسوينه في عمرج؟وترا الدنيا فان .. واذا ماكنتو ويا بعض فالدنيا فالاخره ان شاءالله مع بعض .. وتذكرت كلام خليفة .. وبعديين حمدان حي في قلوبنا .. مامات .. وسكتت شوي الا تسمع قفل الباب ينفتح والباب الا الهنوف اتطيح ع ظهرها والريم تحظنها ..
‎الهنوف: ااخ ظهريي عالاقل قولي انج بتفتحين الباب
‎الريم: كانت تصيح بقوو : ليش ليييشش رااح ليششش
‎خليفة كان يراقبهم .. وابتسم ودخل الغرفة
‎الهنوف قامت والريم في حظنها سكرت الباب وراحن فوق الشبرية ..
‎الهنوف: حبيبتي مب زين تسوين جي في عمرج ..
‎الريم: الهنووف حطي نفسج مكاني تخيلي انه اللي قظيتي كل عمرج تحبينه وانتي وياه مع بعض من انتو صغار يفارقج .. في لحظة يختفي عن حياتج ؟ شو بيكون شعورج؟
‎الهنوف: حبيبي لازم تدعين له الحين بسج صياح عاد .. الريم: تصيح بخفيف
‎الهنوف: خلاص قلنا؟ وحضنتها