الحلقة 25
🍂فــي حضن متديـــــن🍂
تتمة
ليلى تحكي:
واحد..؟نهار كيف...ديما...موالفة...نطلع وننزل في الفايس...والانستا...ومن فيديو لبوسط...ندور...تصادفت مع واحد الفيديو...تع خليجي يحط...خواطر...سمعت عليه نص..ونص اهر...تعديت عليه مرور...الكرام...ولكن توا...فهمت كل حرف منو...وحسيت بيه... احيانا يقول انو...المصايب لا تاتي فردا وفكثير من الاحيان...تحس...بالي مشاكل غير...امتحان ليك...واش راح تصبر...ولا راح تأفف وضيق بيك...دنيا...
كنت واحد....بنت عايشة مع امها...متقاتلين...مع زمان...كان كل همي اني...نقرى...ونوصل...الام كانت كل مرة..تشقى في بلاصة....قهوة...دار...مناسبات...الى جا بالسم لله...لاكن تاتي الرياح بما لا تشتهي السفن... ختارت... تعبت... من جري ورا لقمة العيش.. وشافت... اون زواج هوا الاصلح بيها... على اساس انو... يكون عندنا سند... ماتسمعش...كلمة...هجالةة....ومايستشفاو فيها...(بح صوتها...تتخنق من البكية...الى شادتها )
بعذر...انو مكانش لفلوش...ومابقاتش قادرة تتحمل المسؤولية...وحدها...
كيف اي...بنت فرحت...حيث راح يكون عندها اب...كيف كامل لبنات... تزوجو ولينا.... عيلة.. لحد. لهنا.... والامور كل ماشية في السليم.... تنهدت....هزات كاس ماء وشرباتو...دفعة وحدة...اما...هوا غير...ساكت ويشوف معاها...ماهوش حاب يقاطعها..خلاها على راحتها...تفرغ.واش كاين في قلبها...امرها...حيرو...
كملت...تحكي....حتى جاء... نهار الى قسم ليا ضهري.... اغلى ماعندي في هذي دنيا... مرضات ليا... وشدت الفرش... كثر الحمل عليا... لقيت... روحي غرقت اكثر في لكريدي... ههه ضحكت في عز... وجيعتها... راح تقول فين... زوجها المصون... هاو جايك... لحديث...
كان كل همو...لفلوس...واحد سكايري...من قرعة...ماينوضش...وقت كنا حبين...سند...زدنا على رواحنا...عالة...كنت وقت...نجيب لفلوس...يرحب...بيا في...دارو...وقت مكانش...بح...نبات لبرا...في عز لبرد...كنت نتلاوح...مابين...ديور...كلشي يهون على خاطرها...خدمة ليل مع نهار...عمري...تشكيت... ولا راح يجي.. نهار نتشكى... من الى تعدى...وصلت بيه...يجيب سكايرية...معاه وسط...دار...وانا الى...نصاوبلو...لقراعي...وقت كانو يخزرو معايا...يحبو...ياكلوني بالعينيهم...لاكن ربي لطف بيا...كان حنانة...نلقاها ديما...واقفة...معايا...ودافع عليا... زادت عندي اخت...مع الوقت...كبرت كان كل شيء...تطلبو...يجي...ليديها...صحيح...كان سكايري...اما كان يحن...فيها...عكسي...وقت نحكي...ناكل لعصى...فاض كاس بيا...وخرجت...نتلاوح في زنق...في وقت كنت هاربة ...من لحرام...لقيت روحي في...وسطو...وسط لخمج...ايوا...حتى واحد نهار...بسباب لحرايمي...الى كنت هاربة منوو....لقيتو في وجهي...من اول وجديد...وقت شفتو...قدامي معرفتش واش صارلي....المهم نتفك منو...هزيت يدي...وضربتو...بالقرعة على وسط...راسو...ماعرفتو حي....ولا ميت...هربت...في هذاك.الوقت ربي...طيحني بين...يديك...والباقي تعرفو...
زين:ياله نمشيو....
ليلى: تنهدت....لحد الان عطيتك غير المقدمة...مزال مادخلتش في صلب الموضوع...
زين:احيانا المقدمة...تكون اختصار للموضوع...
ليلى: غالبا...الموضوع يكون فيه...مفاجاة...غفل عليها الكاتب...في المقدمة...غمضت عينيها...وكبست...على يديها..(مسحت بيديها...على وجها تنفسها غير منتظم...شادتها...خنقة وصدرها...ضيق عليها تقول راح تعدي امتحان...هو يشوف فيها ساكت ماحبش...يهدر...يزيد يوترها..كثر مخليها...على راحتها...خذات نفس عميق وزفرت)المهم انا حبيت نقول ليك هذي الهدرة...غير باش ماتاخدش عليا نظرة خايبة...ماشي باش تشفق عليا...وتخليني عندك...حيث حبيت...تسمع مني قبل غيري....ونطقتها مرة وحدة
ليلى:امي...مزالت حيةة...ماشي..ميتة...🔥🔥يتبع
YOU ARE READING
#في حضن متدين#مكتملة#
Short Story#ياحواء اختاري رجلا حين تسندين على كتفه تشعرين ان لاشيء في هذه الدنيا قادر على ايذائك ... تشعرين انك رميتي همك...وارحتي قلبك بمجرد اقترابه منك اختاري رجلا يبكي عليك ولا يبكيك... ويراك الاجمل حتى تكونين في اسوأ حلاتك... اختاري رجلا لايقدر على رؤيتك ت...
