الحلقة 60
🍂فــي حضن متديـــــن 🍂
تتمة
بين ليلة ونهار... تغيرت حالها... كانت تقول... عمر الفرحة يدق بابها... ولا ضحكة تعرف ليها طريق... ولبسمة تنور ليها ذاتها.... قساة وعانات... وربي بيه تجازات... يقولو صدفة خير من الف ميعاد... ربي جابو لطريقها... غريب رجع قريب... و حبيبة قلبو رسمها... ولقب مراتو... كانت من الفايزات... ملكة تربعت على عرش حياتو...
حطت اخر لمسات تشوف في لمرايا... حداها امل... وصفاء ومروى... دايرين بيها... شافت فيها. وعينيها مدمعين
صفاء: بليز متبديش... الميك آب امسخوطة..
ليلى: تمروح على عينيها.. باش مايخسرش مكياج... بغصة في حلقها.. راه وحدهم... ينزلو...
مروى: عرفتي... رانا كل دايرين بيك... مانبغوش نشوفو دموعك... سيغتو هذا النهار... بلاش دموع اختي
ليلى دموعها نزلو : والله ماقدرت... راح نتوحشكم بزاف...
امل:حطت يديها على كتافها....الله يرضى عليك...راهم غير هنا...ماهمش في المريخ...يلا امسحي دموعك...وفرحي...لفرحتك...
مسحت دموعها لي مرة...على مرة تخونها دمعة وتنزل...امة صفاء..مقابلة معاها رجعت تعدل ليها رتوش خفاف من الميك آب...خرجت لابسة بلوز هابكة من لكتاف...فالازرق الملكي مطروز بالذهبي....دايرة مشطة خفيفة...مخلية شعرها...مجموع من قدام...ومطلوق من لور...مع ميك آب خفيف...محدد ملامحها زوينة...وبارز جمالها الهادئ...مع حلي خفيف...دبليج مذهب فيدها...وحلقات مرصعين بالحجر الازرق...وسنسلة طويلة مذهبة...بمعنى عروس انيقة...محتاجتش لتبرهيج..باش تبرز جمالها...
صفاؤ مرة على مرة...تعدل ليها في لبلوز من لكتاف...وتسمي الله وتقرا عليها في المعوذتين
طلعوها فالسطح...فين كانو دايرين قاعة متنقلة...نساء مجمعين...وديسك مطلوقة...مزهينها بالغناء..وصلاة والسلام على نبي...غير شافوها داخلة...وقفو...هذي تصفق..وهذي لتصلي على نبي... وكاين لي ترش عليها في ماءالورد...خداوها لبلاصتها... وجلست فرحانة... تشوف في ناس من عايلتها... وناس من عايلة زين... وشي جارات وصحبات الحاجة... سكتو ديسك... وهزو لبنادر واقفين زوج فقيرات... شي مقابل شيء... محمين طرح بالغاني عراسي... وحدة تقول واخرين من وراها... ويشطحو... مساميين (واقفين جنب بعض) مع بعضهم يشميو... ويجو حتى يوصلو في نقطة وحدة... ويرجعو للخلف... وهكذا طول الاغنية.. اما هيا نقاشة تحني ليها... وسط غنيات من ثرات... عليها... على لالة لعروسة... الحاجة مرة على مرة تجي تشوفها... واش مرتاحة في جلستها... ولا لا... اهتمامها خلاها تحس بلي امها هيا لي واقفة معاها... نسات كل لي تعدى عليها... وتعيش فرحة لي ياما تخرمت منها... واخيرا ربي جمع شملها.. وقدرت تصلح الامور بين عايلتها... وفكات صداع من الاخير... وهيا تتفرج في نسا... ناشطين... ونقاشة ملهية مع يديها ورجليها سهات في شنوا وقع يومين قبل العرس
فلاش🔙
كانت يالاه رجعت من عند لكوافيرة... دايرة فيزاج لوجها احمر يبري...عاملة ضفارها... وصابغة ليملش في شعرها... خصلات خفاف.... جالسين دايرين براد اتاي... مجموعين عليه.. مقصرين.. حتى يسمعو صونات في لباب... ناضت مروى... فتحت لباب... رحبت بيهم... وطلعتهم لفوق وين جالسين... دخلو سلمو تقدمو معاهم... تجمعو على براد هدرو على كلشي الا الموضوع المهم حتى جا... وقت لعشاء... دراتو صفاء... وستناو حتى رجع زين... عاد تعشو مجموعين... تعدى لعشاء... ودارو براد اتاي وطلعو لسطح يتبردو شويا...تجنعو نساء كامل ومعاهم زين... بقاو يهدرو حتى نطقت
كلثوم ياسيدي ملي كلنا مجموعين... بغيت نهدر معاكم...(شافت في ليلى) اجي ابنتي جلسي حدايا اجي
ليلى شافت في زين مطلعة حاجب ومهبطة حاجب...... دار ليها حركة بعينيه باش تنوض ... ناضت ساكتة وجلست حداها
كلثوم: يقولو لعقل عند لكبير... وانا قدام بنتي رجعت بز... عرفت بلي جبت وربيت... وانا حدى ناس هذو كاملين (باست ليها راسها خلتها فاتحة عينيها ماحملتش راسها كيفاش امها لي جابتها... وتعبت عليها تطلب من سماح) سمحيلي ابنتي هبطت ليلى تبوس ليها يديها... وحبات ليها على راسها...
ليلى: حاشا اماما... نتي لي سمحيلي... انا لي غالطة وخليتك من ورايا... انا سمحت ليكم من زمان... شافت في امل... دم عمرو يرجع ماء...ودم غالي وعزيز على مولاه... الا خسرو
وكان بوحدو يموت وماينفعو حد... شحال من واحد تغرب على اهلو يعيش وحداني حتى ويمون وسط مليون واحد
امل:(شافت فيها الي كانت مراقبة الوضع ودموعها على خدها... من نهار حمى معاها زين بهذيك طريقة... كانو عطها كف فيقها على وضعها... وراجعت حسابها) مكذبتيش الواحد مايدوملو... غير لي ليه... ولحم الا خنز مايهزوه غير ماليه... ولا لا اختي
ليلى: ساعة شيطان حضرت...(فتحت ليها يديها... وعملتلها حركة براسها باس تجي عندها.... حضنو بعضاهم ودموعهم.. على خديهم... من كان فرح.. قلبوه قرح بندابهم)
طول اديك الاثناء زين وعايلتو... اكتفاو غير يشوفو... حتا حد منهم... ماهدر خلاو الكلام بين معنين فالامر.. يكفي انو كل واحد اعترف بالخطأ تاعو... وتصفاو لقلوب
🔚
YOU ARE READING
#في حضن متدين#مكتملة#
Short Story#ياحواء اختاري رجلا حين تسندين على كتفه تشعرين ان لاشيء في هذه الدنيا قادر على ايذائك ... تشعرين انك رميتي همك...وارحتي قلبك بمجرد اقترابه منك اختاري رجلا يبكي عليك ولا يبكيك... ويراك الاجمل حتى تكونين في اسوأ حلاتك... اختاري رجلا لايقدر على رؤيتك ت...
