الحلقة 48
🍂فــي حضن متديـــــن🍂
تتمة
من بعد.اسبوعين...اليوم عقد.القران...واخيرا...راح.ترجع حلالو...مصبحة متوترة...معرفة لا تقدم ولا تاخر...وصفاء شادة فيها شد لعمى...
صفء: هاي هاي...وانا نقول قنطها زغب وباغي غير وقتاش تنتفيه ...قوليلي كنتي توجدي باه تدخلي للملعب...
ليلى: انت ماتحشميش ...حبيتو يسمعك...ولا تسمعك الحاحة...تنقي ليك ودنيك
صفاء:هزت كتافها...علاش نحشم...
راهي حلوة في الحلال...ماشي حرام ابب كاين فرق
ماحبتش تزيد معاها...هيا خلعة شادتها...راح تسخفلها راه غير عقد...هذا...ولاكن يشكل فرق مابقاش ديال راسها...راح يتقرن اسمها مع اسمو...وترجع رسميا...تحت رعايتو...ومسؤوليتو...ويخصها من درك لفوق...تكون قد المسؤولية...معاه...كيف ماهو مداير اكثر مافي جهدو باش يبرهن ليها بلي شاريها بالغالي...
انسان...لي تخلق من عدم في طريقها...الانسان الى عندو في رقبتها...دين كبير...تعيا تخلص...وماتوفيش...بالنسبة ليها...هوا هذاك طوق النجاة...لي رسلو ليها...الله في اوج الغرق تاعها...فمتاهة الحياة...
حطت اخر...لمسات...رتوش خفيف لشفافها...شافت فالمرايا...وصفاء،ومروى جنبها....كانت لابسة قفطان في غوز كلاغ...عصري...مطرز كامل...دايرة شال ابيض...على راسها...لحظة... سهات وجات بين عينيها... صورة ماماها...تغرغرو عينيها بالدموع....وتمنات تكون جنبها...وتفرح كيف تمنات تكون جنبها...وتفرح كيف كانت تحلم...ديما تشوفها عروسة....حست بيد...تحطات...على كتفها فيقتها...من سهوتها...كانت مروى...لي عرفتها فاش تفكر...
مروى:اليوم فرح...خلي دموع بعيدة...على عينيك هيا ديما معاك...ديما في قلبك...كوني اكيدة راح تجي وتشوفيها ليوم...وراح تجبد ليك...وذنيك هذو...
ليلى ضحكت في غمرت دموعها: هههه ان شاء الله بالصح توحشتها...غلبو عليها شهقاتها...عنقوها...لبنات...وصفاء لي غير على سبة تسيب دموعها...تبدى تبكي وتشهق.....شافو فيها مستغربين...
مروى: اويلي وانت مالكي
صفاء:مالي انا يميل حالي...منخليهاش تبكي وحدها...شافو في بعضاهم وقلبوها ضحك...حتا يسمعو الحاجة..تغوت على صفاء...نزبت لقات بالي عايلة ليلى وصلو...امها وامل ...الى جات بزز عليها...مغزلة وحدها...دور في راسها... على دار.... تتحسر على عريس غفلة طار من بين يديها (والله لا كان ليك الشارفة هارة)
رحبت بيهم وتعرفت عليهم...ماكرهتش تحكم اختها...تنتفها من شعرها...ولكن ماعندها كيف دير...الحكومة مراقباها...
كيف جرات العادة...نساء بوحدهم ورجال وحدهم...مكانتش غير حفلة...عقد قران بل خطوبة وعقد قران... تحت طلب سيد العريس...يتبع
YOU ARE READING
#في حضن متدين#مكتملة#
Short Story#ياحواء اختاري رجلا حين تسندين على كتفه تشعرين ان لاشيء في هذه الدنيا قادر على ايذائك ... تشعرين انك رميتي همك...وارحتي قلبك بمجرد اقترابه منك اختاري رجلا يبكي عليك ولا يبكيك... ويراك الاجمل حتى تكونين في اسوأ حلاتك... اختاري رجلا لايقدر على رؤيتك ت...
