اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
( جرائم في قصر إدريس🔥)
الحلقه 8
الكاتبه : taqwa
__________
منار "خشت دارها وصرفقت الباب وراها
تغلي من دااخل غلي🔥🔥🔥 بعد الخبر لي سمعاته
جبدت فونها واتصلت برقم بسرعه " : رد هياا ردد
.....ايوااا .. بالله شنوو لي درررته يامؤيد حراام عليك .....يلي ندير فييه
ف اي لحظه ممكن يوديني ف هلااااك وانت مش مسااعدني
وييينك عليييه رااا التهمه جت ف حدد تاااني بكككل
عاصم "فتح الباب بهدوء برم بعيونه الدار لين لقاها واقفه جيهة الروشن"
منار "رعشت وسكرت الخط بلقطه سريعه ودارت نفسها طبيعيه
تلفتت بهدوء امخبيه ملاامح الحقدد والغضب و الناااار لي والعه فيعا داااخل"
عاصم"شافلها فتره وكانت نظراته فيها بمعنى شن فيك
سكر الباب وقدم شورها": شنو لي درتيه تحت؟؟
منار "خدت نفس وغيرت من نبره صوتها لي كان عاالي قبل شوي": انفعلت شوي بدون قصد
عاصم "عاقد حواجبه ومش فاهم تصرفاتها الغريبه
خدي نفس عميق و ارمي مفاتيحه عالمكتب
قعمز ع سرير اشرلها براسه تجي تقعمز": زودي فهميني شنو لي صاايرلك حتى الخدمه بنفوتهاا
منار "قامت عينها فيه بخوف تبلع ف ريقها ....وتكلمت": مفي شي خيررك عاصم
عاصم "قام راسه وشافلها بغضب وبنبره عاليه": لااا فيييه مش عااجبتيني نهاائي الاياام اهياااا
ويااسرك كذذب ووهم منصف مليشي دخل باش تركبي فيه التهمه
تي مفيش أصلا شي يدل ع كلااامك شن علااقتك بيه منصف ؟ نبي نفهم
منار " بدون شعور قدمت تحكي بحقد انفعلت معاه": محدش عاارف بلي نعررفه...
منصف واااحد واااطي وحقيير وحتى لو مش هوو لي مرتكبهااا يستااهل ينحبس ظلم
نفس ما"سكتت بعد فطنت ع نفسها"
عاصم " وقف بعصبيه": وشنوو السببب ....تكلمي؟؟؟
مش قلتي شفته بعيوني آهو طلع كلااامك كذذذذب يامناااار متنفخييش راااسي
شن نظااامك انتي؟؟؟
شن قصتك مع منصف فيه شي احكي الززززح متنرفزيش امي
عالصببببح
منار " ركبها الذعر من نظراته وصراخه خدت نفس هدت بيه نفسها وقدمت فاتت من جنبه جت مقعمزه
برم هواا مستغرب بالبروود لي عندها
قامت عيونها فيه لقاته نفس الوضعيه يستنى ف جواب
شافتله برفعه حاجب ونظرات تلقيح": حسب رايك كمال لي مرتكبهاا؟
عاصم"يتكلم ب إيده اليمين بعصبيه" : كماال ولااا غيره ملياااش دخل بيهم القصص اهيااا
مداام المحااامي عاارف شغله ومداير لي عليه
منار "بضحكه ع جنب": كمال مظلوم أكيد
عاصم : شن عررفك بييهم المواضيع اهياا انتي من الاساس
منار"كملت تحكي " : مظلوم لان انت لي قااتل بوووك
عاصم"قام عينه فيهاا بسرعه": نعم!؟
منار : انت المجرررم ايه ..اني محكيتش هكي وخلاص
عاصم"ساكت يشوفلها بنظرات ادل ان متفاجأ بكلامها"
منار : السوريه لي لبستها ليله فرح بنت خوك شفتها بعيوني وقت بنلم الغسيل
ملطخه بالددم جيهة الكم هاادا أكبببر دليل قاادر يخلييك تتعفن ف السجن
عاصم "قام إيده يمسح ع لحيته وضحك بهزوه": واعي ع شنتقولي انتي ؟؟
منار " تشوفله كيف قدم جبد كرسي المكتب وجابه مقابلها وقعمز شبك إيديه ف بعض متكي بيهم ع رجليه يشوفلها بتركيز
منار "بلعت ريقها بخوف من نظراته لي تركب الرعب": ايه واعيه.. متحاولش تكذب لان شفت بعيوني رغم هكي سكتت مبيتش نحكي بشي
عاصم "مكمل يشوفلها وسااكت..لحظات و طلع نفسه مسح ع شعره بتوتر"
منار "تشوفله تستنى فيه يفسر "
عاصم"تبدلو نظراته عن امبكري وبنبره هاديه " : متحطيش تخيلاات ف رااسك مفيش منهااا
لي شفتيه شي تااني مدخلااش بموت بوي
صح كل شي تتوقعيه يصيير اهني بس استحاله نقتل بوي بإيدي منغدرش بحد ديري باالك
منار"بعدم اقتناع" : و شن قصة الدم لي شفته
عاصم : قتلك شي تااني مليااكش دخل بيه "طبطب ع خدها وبنظرات حاده" ادّاله فوتهالك لان مزال مش واخدين ع بعض ومتعرفنيش كويس
ف الجديد التعامل حيختلف
منار "وخرت إيده بقرف ": شن قصددك؟؟؟
عاصم "تبادلو النظراات ف بعض هواا نظراته فيها مش مفهوومه أبداا بس فيها الحده
وهي التسائل والخوف ف عيونها
لحظات ع الوضع اهوا وناض عاصم طلع وخلاها ف حييره "
