اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(جرائم في قصر إدريس🔥)
الحلقه 11
الكاتبه :taqwa
لايك قبل تقري
وقراءه ممتعه حبايبي💕
__________
رائد "طلع من المربوعه بعد سمع الهرجه ووراه جلال"
جلال "ركز ف الشرطه واقفه قدام الباب": شن صاير؟
رائد "برم يشوف لجلال بملامح مستغربه وفات بخطوات سريعه
يتبع ف صوت عيااط عمته
خله جلال وراه يتكلم مع الشرطه وأحمد اللي جي من سيارته "
جهاد"يلود ف الغرفه وعيونه حمرر
كاان داااهش والخوف مسيطر عليه ..تكلم والرجفه ف صوته ملحوظه " : منبيش ننحبس ياام ورااسك متخليهم ...وديني مااهو بالقصد
مريم "تخبط ف روحها وتندب وتعيط ": لييييه عليييك ليييه
ليييه تجييب لروووحك المصااايب الله لاااتربحك وقفتلي قلبي الله لاتربحك ياجهااد"قعمز وايدها ع قلبهاا لي تتوجع منه"
جهاد " شاف لامه حس بالذنب مسح وجه لي متعرق وطاح مقعمز لوطه مش قادر يصبي من رعشه رجليه."
حكيم " تبع الصوت وفتح الباب بقوه وخش ركز ف مريم لي وجها احمر ودموع ف عيونها تتنفس بسرعه ": شن صاير؟
جهاد "زااد خوفه وين شااف العيله كلها قدام الدار ..وقف بسرعه ماشيله": دير حل يااخالي متخليهمش يااخدوني تربح ...وربي غفله مش قااصد بيهاا
حكيم"عيط" : تكللم شن فيييه
جهاد"مش قادر يحكي من رعشته" : مش قاااصد ورب العبااد ماقاصد ياخالي
جمال "لاحظ خوفه قدم مسكه من كتوفه ": هدي متخاافش رااجل بطولك وعرضك هكي يصير فيك ..قول شن مداير..ضارب حد ؟
سناء "خشت تجري بطاسه الميه لمريم اللي فشلت ومش قادره تتحرك
ملاامح الخوف كانو عالكل مستغربين ف جهااد لأول مره يكون هكي
لدرجه مش قادر ياخد نفسه
خش رائد ووراه عاصم ...صااارت شوشره وعيااط وتهزيب "
رائد : اني معااك ياجهاد غير اطلع ياراجل متكبرهااش
منصف : انطق به وين مخليها سياارتك
مجدولين "معش قدرت تتحمل الفضول بياكلها
طلعت من غرفتها بعد حاولت تمسك نفسها ومتدخلش
ومشت تشوف شن فيه لقتهم قدام غرفه جهاد
قربت من بنات عمها" : خيركم شن صااير
حنان "تلفتت بعد سمعت صوتها شافتلها من فوق للوطه ": وانتي شن ليك دخل منكش من العيله بطلي ادكي خشمك فينا حشريه زي امك...استغفر الله يربي
مجدولين " شافتلها بدون اي ملامح سكتت ووخرت "
وسن "ركزت ف الموقف ومشتلها ": داعم حد بسيارته بدون قصد والشرطه
لوطه بتاخده للتحقيق
مجدولين "حطت ايدها ع فمها بصدمه": يانااري عليه
أسيل"تشوف لجهاد وواجعها حاله" : والله ميستاهل
وسن : مفيش ليله تمشي هكي ضروري من مصيبه تصير عليك جو
منال "امها": امشي ارقدي انتي مدخلكش ورااك كليه.. وين ريهام؟
وسن : مطيوحه السعد بنتك بتتاخد عليها ضره وهي ولا ع بالها
راجلها جابلها ولدها قبل شوي
منال : عليوه؟ امتى جابه
