Oops! This image does not follow our content guidelines. To continue publishing, please remove it or upload a different image.
تنسيش تصوتي وقراءه ممتعه حبايبي❤️
________
كنان "تنهد بعمق وقام عينه فوق لما سمع صوت باب وحده من البلكونات الغرفه انفتحت لمعو عيونه وين لقاها هيا وابتسم ابتسامه خفييفه وين شاف عيونهاا كانت طالعه ب روب النوم والريح بعثرت شعرهاا بقوه غافله تمام ان فيه حد لوطه مراقبهاا "
مجدولين" حاولت نرقد ومقدرتش بالي مشغول ف شي ليا سنين نخططله واليوم وصلت لاول خطوه نبيها🔥 ضروري ف اقرب وقت نكشف كل شي .. القصر معروف بالظلم وخويا الكبير واختي كانو من الضحايا مستحيل نسكت ع يلي صارلهم ولو كان ع قص رقبتي مسحت دمعتي لي نزلت بدون مانشعر بيها خديت نفس عميق ولميت شعري لي بهدلاته الريح.. لحظات تفكير و غيرت نظري لتحت وبسرعه ماتوسعو عيوني وين شفته يراقب فياا!!؟ هادا علاش ملاحقني ف كل مكان!!
________
ريهام : ضرروي توا اي رائد "برم شاف لكوثر لي ناضت من نومها ع صوتهم ورد شافلها": الوقت متأخر من عقلك انتي؟ ريهام : عارفه متأخر ..بالله عليك رائد رائد : خيرك انتي ؟؟ مهددك الوسخ بشي ولا شن وضعك ريهام : لا مفي شي رائد : وديني يااريهام يطلع ولد الحراام اهواا مخوفك ولا مهددك بشي مش حيصير خير ريهام : لا قتلك مدخلاش حمزه " هادا علااش كنت نخبي ديمه ع خوي لان نعرفه لو يعلم بلي صااير بياا ومعامله حمزه معاي حيقتله وانا عارفاته متهور ويديرها" رائد "يشوف لعيون اخته وهو عارف كويس انها مخبيه عليه شي": سخني السياره دقايق ونازل "برم جبد مفاتيحه رماهلها " ريهام "تشوف لكوثر": اسفه ازعجتكم رائد : لا ازعاج لاشي تأمري ف اي وقت انتي ريهام "ابتسمت ف وسط ضيقها سكرت الباب ونزلت"
" ريهام كانت القريبه لخوها رائد ورائد ميرضى فيها شي يعرف اخته قلبها ضعيف وحظها ف الدنياا مش تمام الوحييد لي حاس بيهاا وعارف بشن لي تمر بيه الايام اهيا" كوثر "تحك ف عيونها مش مستوعبه": اختك فيها شي؟ رائد : ردي ارقدي دقايق نوصلها وجاي كوثر "راقباته كيف يلبس وردت غطت روحها بعد تذكرت ان ريهام مروحه عشان شاكه ف حمزه وداويتلها القصه كلها " _________
ريهام : عليوه غطي روحك كويس ياماما عليوه"ولدها يثاوب": منبيش نروح نبي نرقد ريهام : بكرا عندك مدرسه ضروري تحضر يااسر ديمه غايب وسن " تأففت بانزعاج وحطت البطانيه فوقها من الضي": بنرقد الهم سكريه ريهام : هي شوي بس عليوه"خدي شنطه امه وطلع للسياره " ريهام "سكرت الضي وطلعت قابلت رائد لي نازل من ادروج" رائد : عليوه وين؟ ريهام : اهو توا طلع " طلعت ماشيه للسياره حسيت بحد مقعمز ف اجنان لقيته كنان يتأمل بروحه" رائد "ماشي لكنان " : كملي شوي وجايكم ريهام "هزت راسها بتمام وطلعت" رائد " وقف قدامه": ناقص عقل مقعمز ف الجمود؟ كنان "قام عينه فيه بهدوء" رائد : بكرا دورني مع الساعه عشره الصبح المحامي أحمد عنده موضوع كنان : يصير خير رائد " حاط ايديه ف جيوبه سكت يشوف لشنطه كنان محطوطه ع جنب": شني بكرا ماشي انت؟ كنان"ناض وقف" : المره اهيا امعطل غادي ..عيونك ف أسيل يارائد حال القصر معش يطمن رائد : مدور شي ياطيب كنان "ربت ع كتفه": منورها ديمه رائد"لحظات هدوء وتكلم" : شهاده من دينك مفكرتش تسيب النم وترد كيف ماانت قبل؟؟ كنان " شبحله بملامحه الحاده والهاديه ومردش غير نظره لشي تاني يفكر بعمق" رائد : لامتى عالحال اهوا تستنى ف الموت ؟! كنان"رد شبحله " : صعب....خشته مش كيف طلعته رائد : متريح هكي انت؟ ..بعيد ع اهلك وعيشتك مفسدها بإيدك ...البنت تحت التراب شن ينفع لي دير فيه .. القصه ليها ثمان سنين اصحى ع روحك ياا كنان بالتريس ياصاحبي لي ادير فيه ميخشش الرااس بدل البنت تلقى الف وحده خير منهاا كنان "بنبره هاديه": فيه حد قالك مش متريح؟ رائد : عارف لو بنقعد معاك دقيقه تانيه بتريس بترقيلي ضغطي باارد للنم .. تبي حاجه بنطلع اني كنان"ابتسم "
