[Unicode]
နှစ်ယောက်သား ပြိုင်တူကြည့်ကြည့်လိုက်သောအခါ၊ ယောကျာ်းနှစ်ယောက် လမ်းကြားအဝ၌ပေါ်လာသည်ကို တွေ့လိုက်ရသည်။ ၄င်းတို့ထဲမှ အရပ်မြင့်သည့်ထိုလူမှာ၊ သူတို့ CCTV မှမြင်ခဲ့ရသည့် ဟူဒီခေါင်းစွပ်နှင့်လူ၏ကိုယ်ဟန်အနေအထားနှင့်ဆင်ပေသည်။
ချိုက်ခြံ၏အသံသည် ဝေါ်ကီတော်ကီမှထွက်လာခဲ့သည် ：
" ငါ-ိုး၊ ငါထွက်သွားတာမှ နှစ်မိနစ်ပဲရှိသေးတယ်။ "
ကုံးရင့်ရှန်က ပြောသည် ：
" သူတို့ လမ်းဘေးကအမှိုက်ပုံးနားရောက်သွားတာကို စောင့်ပြီး၊ ကျွန်တော်တို့ အရှေ့နဲ့အနောက်ကနေပြီးတော့ ညှပ်တိုက်မယ်။ အတတ်နိုင်ဆုံး အနှောင့်အယှက်မဖြစ်စေကြနဲ့။ ချိုက်ခြံ၊ ခင်ဗျားက သူတို့ငှားထားတဲ့အခန်းကို တိုက်ရိုက်သွားပြီးတော့၊ ဝရမ်းပြေးရှိမရှိကိုကြည့်ကြည့်လိုက်။ "
သူပြောရင်းဖြင့်၊ တံခါးဖွင့်ပြီးကားပေါ်မှဆင်းလေသည်။
ရန်ရိလည်း လိုက်ပြီးကားတံခါးဖွင့်လိုက်သောအခါ၊ ကုံးရင့်ရှန်သည် ကားတံခါးအား လက်ပြန်နှင့်ခပ်ပြင်းပြင်းပိတ်ပစ်လိုက်သည် ：
" မင်းက ကားထဲမှာစောင့်နေ။ "
ရန်ရိတစ်ယောက် အလွန်မကျေနပ်စွာဖြင့်၊ ကားမှန်ချပြီး ပြောလေသည် ：
" ပြီးခဲ့တဲ့အခေါက်တုန်းက ငါ မင်းကို ငါ့ရဲ့အလုပ်မှာ ပါဝင်ခွင့်ပေးခဲ့တယ်လေ။ "
" အဲ့တာက မင်း ငါ့ကိုလာဖို့ခေါ်တာလေ၊ အခု ငါ မင်းကို ကားထဲမှာနေဖို့ တောင်းဆိုတယ်။ "
ကုံးရင့်ရှန်၏အမူအရာသည် အလွန်ခိုင်မာနေခဲ့ပြီး၊
" ဆင်းခွင့်မပြုဘူး။ "
ရန်ရိတစ်ယောက် နှုတ်ခမ်းကိုမဲ့လိုက်သည်။
ကုံးရင့်ရှန်သည် နက်ခ်တိုင်ကို ပြင်လိုက်ပြီး၊ ကိုယ်ကိုလှည့်ကာ သံသယလူဆီသို့ သွားလေသည်။
Van ကားပေါ်မှဆင်းလာသည့် အရပ်ဝတ်နှင့်လူနှစ်ယောက်သည် တခြားတစ်ဖက်မှနေပြီး ချဥ်းကပ်ခဲ့ကြသည်။
YOU ARE READING
Fight The Fire 《火焰戎装》Myanmar Translation
General FictionOriginal Author : 水千丞 (Shui Qian Cheng) Myanmar Translation of Fight the Fire 《火焰戎装》 196 Chapters + 4 Extras Disclaimer : I don't own this story and any picture that I used in this story. All credits go to author 水千丞 and original artists. I transla...
