Fight The Fire 《火焰戎装》Myanmar Translation

Chapter 116

[Unicode]

ရန်ရိတစ်​ယောက် စိတ်ပူသွားရပြီး၊ ဆဲကာ​ပြော​တော့သည် ：

" ​ရေပိုက်ကို မလွှတ်နဲ့လို့ မင်းအ​ဖေငါ ​ပြောခဲ့တယ်မလား၊ ​ရေပိုက်ကို မလွှတ်နဲ့လို့ ！​​ေ-ာက်လုပ်မလုပ်ချင်ကြ​တော့ဘူးလား ？！"

စွန်းတင့်ယိက ​မေးလိုက်သည် ：

" သူ အကူအညီ​တောင်းပြီလား၊ ​ပျောက်​နေတာ ဘယ်​လောက်ကြာပြီလဲ ？！"

" မ​တောင်းဘူး။ နှစ်မိနစ်မရှိ​သေးဘူး။ 

" နှစ်​ယောက်တစ်ဖွဲ့ ကြိုးချည်ပြီး​တော့ သွားရှာကြ။ ငါ​ နောက်တစ်​ခေါက်ထပ်​ပြောမယ်၊ တစ်​ယောက်ထဲလှုပ်ရှားခွင့်မပြုဘူး။ တစ်​ယောက်ထဲထပ်လှုပ်ရှားလို့က​တော့ အထုပ်သိမ်းပြီး အိမ်ပြန်မောင်းထုတ်ခံရမယ်မှတ်  ！"

မိမိ၏​အောက်ဆီဂျင်ပမာဏကို ရန်ရိ တစ်ချက်ကြည့်ကြည့်လိုက်သည်။

" ကိုယ့်အောက်ဆီဂျင်ဘူးရဲ့ကျန်တဲ့ပမာဏကို အားလုံး သတိထားကြမယ်။ 10% ပဲကျန်​တော့တဲ့အချိန်ကျရင် လာခဲ့တဲ့အတိုင်းပြန်သွားပြီး​တော့ ဘူးကိုသွားလဲမယ်။ ဒီ​နေရာရဲ့မြေအ​နေထားက ရှုပ်​တော့ အချိန်လုံလုံ​လောက်​လောက်ချန်ထားမှဖြစ်မယ်။ "

" ဟုတ် ！"

" စွန်းတင့်ယိ၊ မင်း သူတို့​လေး​ယောက်ကို ​ခေါ်သွားပြီး​တော့ အားဝန်ကို သွားရှာ။ ​ရေပိုက်အတိုင်းစမ်းပြီး​တော့ အ​နောက်ကိုပြန်ဆုတ်သွား။ သတင်းရတာနဲ့ ချက်ချင်းအ​သိ​ပေး။ တခြားလူသုံး​ယောက်က ငါနဲ့​ရှေ့ဆက်သွားမယ်။ "

" ဟုတ် ！"

ကံဆိုးမှုထဲက ကံ​ကောင်းမှုမှာ ဤတစ်​ခေါက်တွင် သူတို့သည် လမ်းမ​ပျောက်​တော့​ဘဲ၊ ​​မြောက်ဘက်ဂိတ် 1 ကို ရှာ​တွေ့သွား​တော့သည်။ သို့သော် သူတို့သည် ပြတင်း​ပေါက်အပြင်ဘက်ကမြင်ကွင်းနှင့် ပထမထပ်၏ရှု့​ထောင့်တို့အရ ဆုံးဖြတ်ခဲ့ကြခြင်းသည်။ တကယ်တမ်း​တော့ မြောက်ဘက်ဂိတ် 1 သည် မီး၏အ​နောက်ဘက်တွင် ကွယ်​နေ​သေး​ပြီး၊ သာမန်မျက်လုံးနှင့်မြင်ရန် ခက်​​ပေသည်။

လီဆာ့က ​အသက်ပြင်းပြင်းရှူရင်း​ပြောလာသည် ：

" ကျွန်မတို့မှာ မီးသတ်ပိုက်တစ်​​ချောင်းပဲရှိတော့ ဖြတ်သွားလို့မရမှာကို စိုးမိတယ်။ "