Unicode :
" စစ်သူကြီးဂျွန်....မင်ငယ်လေးဆီသွားမလို့လားဗျ "
ဒီနေ့ဟာအားလပ်ရက်ဖြစ်သည်မို့ ရိုးရိုးအဝတ်အစားတွေပဲဆင်မြန်းထားပြီး မင်ငယ်နဲ့တွေ့ရင်ပေးဖို့ရာ ပန်းလှလှတွေလည်းခူးကိုင်ထားသေးသည်။
" ဒါပေါ့ဗျာ တွေ့စရာ ဒါလေးပဲရှိတာကို "
အသိဦးလေးကြီးကလည်း ခပ်ပြုံးပြုံးနဲ့အလိုရှိရာဆီကိုသာထွက်သွားတော့သည်။ သူသည်လည်း မင်ငယ်ရှိနေမည့် ပတ်အိမ်တော်ဆီသို့သာ ဆက်လက်၍ခြေဆန့်လာခဲ့သည်။
" စစ်သူကြီးဂျွန်ရောက်နေပါသည် သခင်လေး "
မင်ငယ်သည် ဖတ်လက်စစာအုပ်တွေကိုတောင်ပစ်ချခဲ့ရင်း အိပ်ဆောင်ထဲကနေဝတ်ရုံကြီးကို မ ရင်း အပြေးထွက်လာခဲ့သည်။ ပန်းဥယျာဉ်ဘက်ကိုပြေးထွက်လာခဲ့တော့ တစ်ဦးတည်းသော၏အရိပ်လေးကိုမြင်လိုက်ရပြီမို့ မင်ငယ်အကျေနပ်ကြီးကျေနပ်ပြီး ထိုအရိပ်ရှိရာသို့သာ ဆက်လက်ပြေးထွက်ခဲ့သည်။
" လူကြီးဂျွန် !! "
မင်ငယ်သည် သူ့ကိုတွေ့တွေ့ချင်းတရှိန်ထိုးပြေးဝင်လာပြီး သူ့ပေါ်သို့ခုန်အုပ်သည်မို့ သူသည်လည်း မင်ငယ့်ခါးသိမ်လေးအား အချိန်ကိုက်ဖက်တွယ်ဖမ်းထားလိုက်ပြီး မင်ငယ်ကလည်း သူ့လည်တိုင်နဲ့ ခါးသို့ လက်သေးသေးလေးတွေ ခြေထောက်လေးတွေနဲ့ရစ်ပတ်ဖက်တွယ်လာတော့သည်။
" မင်ငယ် စာဖတ်နေတာမဟုတ်ဘူးလား "
နှုတ်ခမ်းဖူးဖူးလေးအား မြတ်နိုးစွာအကြင်နာပေးရင်းမေးလိုက်တော့ မင်ငယ်သည် ရှက်ပြုံးလေးပြုံးသည်။
" လူကြီးဂျွန်လာတယ်ဆိုလို့ ပစ်ချထားခဲ့တာ ဟီး "
" အော် မင်ငယ်ရယ် ဖြစ်ရမယ် "
ဂျွန်တစ်ယောက် ပုခုံးတွေလှုပ်ခတ်သွားသည်ထိရယ်လေတော့ မင်ငယ်ကလည်းမျက်လုံးလေးများမှိတ်သွားရသည်အထိ ရယ်နေပြန်သည်။
" လူကြီးဂျွန်ကို လွမ်းနေလို့ပါနော် "
မင်ငယ်က မျက်စောင်းသေးသေးလေးနှင့်ပြောလေတော့ လူကြီးဂျွန်၏သန်မာလှသောခြေထောက်တွေမှာလည်း ချက်ချင်းပင်ခွေကျတော့မလို။ မင်ငယ်သည် သူ့အားထိုသို့အထိ ပြုစားနိုင်သူလေး။
YOU ARE READING
𝐖𝐢𝐬𝐡𝐢𝐧𝐠 𝐎𝐧 𝐃𝐚𝐧𝐝𝐞𝐥𝐢𝐨𝐧𝐬 || KOOKMIN ( Completed )
RomanceUnicode : " Dandelion ရဲ့အစေ့အဖြူလေးတွေကို လေထဲသို့ မှုတ်ထုတ်လိုက်မယ်ဆိုရင် Dandelion ပန်းလေးတွေက သင့်ရဲ့တောင်းဆုတစ်ခုကို ဖြည့်ဆည်းပေးလိမ့်မယ်တဲ့ " Zawgyi : " Dandelion ရဲ႕အေစ့အျဖဴေလးေတြကို ေလထဲသို႔ မႈတ္ထုတ္လိုက္မယ္ဆိုရင္ Dandelion ပန္းေလးေတြက သင့္ရ...