حال مغيم و الشتا يطيح قاوي مجمعة مقابلة للتاقة راڥدة روايتها فيدها تقرأ و تتمعن فالكلمات و طريقة السرد تاعها و راڥدة الشوپ تع القهوة فاليد لخرى حتى دخلت عليها امها
ناريمان:يا ربي الصبر و لطف يا ربيييي ماشي ڨتلك ماشي وقت القهوة هذا فيها الكافيين و رح يطيرلك النعاس و غدوة لازم تبكري
مرام:ماما حمبوك ياخي عادة و ما نجمتش نبطلها شعال لازم نڨولهالكم من خطرة
ناريمان:ديجا قومي للرڨاد راح الحال و غدوة تقري
مرام:نكمل قهوتي و نطير لپلاصتي
ناريمان:راني نهدر مع حيط ديرو واش تحبو خلاص ماغاديش نزيد نهدر😑😑
مرام:ما فهمتش و علاش تتقلقي على حاجة هاك صيبون هاني نضت مليحة هاك
ناريمان:شاطرة😊وجدتي صوالحك تع غدوة
مرام:🤦🏻♀️وجدت ماما روحي ترڨدي خلاص هاهو پاپا رآه يعيطلك و ماتنسايش لباب وراك
ناريمان:🙁🙁طرشة انا يعني ماراحش نسمعو كي يعيط
مرام:حاشا ماما ماشي قصدي لمهم أنا نرڨد بونوي لعزيزة 😘
----الغدوة على الساعة 6:30-----
ناضت بكل هدوء راحت غسلت وجهها لبست قشها و هودت دارت قهوتها كانت 7:30 حتى دخلت عليها ناريمان الكوزينة
مرام:صباح الخير الوالدة😊
ناريمان:صباح نور واش رؤى ما فطنتش
مرام:نظن تا واحد ما ناض آپار أنا 🤔
ناريمان:كاش نهار تكتلني شيرا هادي حتى لوقتاش نڨعد نجري موراها تحسب فعمرها 10سنين
مرام:دك بشوية تولي تنوض وحدها لمهم انا راح عليا الحال نروح و ماتزڨوش على صباح ربي راها غي هنا توصل بالخف
ناريمان:روحي روحي ربي يسهلك أن شاء الله
مرام:😘
-على لسان مرام-
خرجت مالدار رايحة نعيط لياقوت و نروحو كيف كيف لليسي رانا روطار ليوم بحكم الليسي بعيد شوية وصلت عند بالهم عيطلتها
مرام:وينك أ زمر راح لحال علينا
ياقوت:صباح الخير 🙂
مرام:مش وقت صباحك راني عند الباب فيدك زوج دقايق تكوني عندي😌
ياقوت:راني هابطة خلاص 😒
مرام:شطورة (و كوپيت)
___نعرفكم بنفسي___
انا مرام طفلة جزائرية من عائلة متوسطة يعني أحوالنا لمادية الحمدلله لي نڨولو عليها تكون ڨدامنا ما خصنا والو عائشة فوسط خاوتي ثلاثة يونس لكبير فعمرو 28 سنة و خويا لؤي فعمرو 25 سنة و أنا 17سنة عامي سنة الباك و ختي رؤى الصغيرة فعمرها 14 سنة ماما ناريمان فعمرها 50 سنة و پاپا رمزي فعمرو 55 سنة پاپا شغلو محامي و ماما متقاعدة كانت تخدم محاسبة (كونطابل) و الباقي تع عائلتي رح تتعرفو عليهم مع الوقت يعني عائلتي مش من هاداك نوع المشدد و مش من نوع لي يخليك دير واش تحبي يعني فحدود المعقول لمهم موصفاتي أنا طفلة كيما كامل طفلات ماراحش نقول زلة و شابة بزاف أما راضية بخلق ربي و الحمدلله طفلة بلوندة متحجبة لاطاي تاعي أغلبية لبنات يتمنوها عريضة وين يلزم و رفيقة وين يلزم و بسبة لاطاي تاعي صراولي بزاف مشاكل لي أدى بيا باش نلبس الحجاب فرضا شعري شاتان طويل عينيا مارون كبار و شواربي موردين وصغار عندي شفار طوال بلا ما نستحق نديرلهم أي حاجة صح عمري صغير مي جاوني بزاف عروض زواج و بحكم قرايتي مازال ما نكملها رفضتهم كلهم + مازلت صغيرة و مازال الحال و عندي أحلام نحققهم الحلم تاعي نولي طبيبة الكل ڨالو مش رح نقدر نحقو ماعلاباليش علاه أما أنا قررت نبينلهم العكس و الحمدلله راني جايبتها مليحة فقرايتي و ان شاء الله نحقق حلمي
-------------
خرجت لعندي ياقوت و رحنا كيف كيف لليسي لقينا العساس رح يغلق الباب قلعنا نجرو ليه نطلبو و نحلو باش ندخلو يعني ماكانش خصنا هدرا المراقب على صباح ربي أما بلا جدوى غلقو فوجهنا عادي😒😒
مرام:واش بيه ناسف وجهو على عباد ربي صباح الله
ياقوت:زعما ماعلابالكش و علاش يديرلنا هاك🙂
مرام:زمر ياخي ندي واش نحب ولا نسمطها أمشي أمشي عقلية الزمر هادي مابغاوش يحبسوها
ياقوت:لوين
مرام:رح نديرو كيما العادة يعني
ياقوت:غادي نعاودو نقزو تاني مالحيط😒😒
مرام:واش باغية لالا مالا تولي للدار و تجيبي پاپاك يدخلك نظن ماشي كل خطرة يليقلي نفكرك فواش ڨالك المرة تالية
ياقوت:اففف أجري أجري
مرام:بالاكي تطرطڨي علينا😂
ياقوت:وقت ضحك يعني
مرام:نبكي واقيلا لمهم هيا
رحنا و تحولنا من بنات إلى القردة رحنا للحيط لقصير و كنا رح نقزو حتى سمعنا صوت طفل من ورانا
أيمن: نتوما تاني باغيين تنقزو أما صراحة أول مرة نشوف زوج طفلات ينقزو مالحيط باش ما يسمعوش الهدرة😂😂😂
ياقوت:يب و نتا واش جابك لهنا🤔
أيمن:نفس النسبة تاعكم 😊
مرام:يعني تقرأ هنا أما أنا جامي شفتك
أيمن:جديد هنا
مرام:لمهم ياقوت أنا راني لاپسة jupe يا خي يعني أحم عاونيني انا نقز لولة و تبعيني نتي
ياقوت:والله غير هادي لي ما تصراش الخطرة لي فاتت نتي نقزتي لولة هاد المرة دالتي
مرام:ياقوت يهديك ربي راني لاپسة jupe و نتي لاپسة سروال
أيمن:نقدر نعاونكم انا لا حبيتو يعني راح الحال و لازم ندخلو
مرام: ماشي من عادتي أما لازم نقبل مرسي 😊😊
عاونا طفل هاداك جامي شفتو يعني 🤔🤔 أما ڨال جديد واش دخلني يعني لمهم بعد المساعدة تاعو دخلنا رحنا نجرو مخلوفي و ما يسبقناش دوك دخلنا جمعنا بعد ما سمعنا ساعة تع محاضرة تع الپروف ديما روطار و هاكات ماراحش توصلو البعيد لازم نخرجكم أما بحكم طيبة ڨلبي راح نخليكم 🤦🏻♀️🤦🏻♀️🤦🏻♀️هدرة ما تخلاصش كملنا الساعة لولة بالبسيف و دروك عندنا ساعة مع وحد الپروف ڨالولنا رح يجي جديد كنا مجمعين كل واحد واش يدير أنا كنت دايرة كيتمان فودني و ياقوت رايحة تبحث على الپروف الجديد من وين و كيفاش شكلو حتى يدخل و وقت دخل صدمة😯😯😯
_________________
نهاية البارت
