كملنا الحصص تع العلوم لي كانو عندنا و صونا للحصة الثالثة لي هي علوم شرعية
أيمن:سلام أنا أيمن
مرام:مرام
أيمن:متشرفين
مرام:شرف ليا مغسي على صباح
أيمن:ماشي حاجة يا قردة 😂
مرام:زعما نتا ماشي قرد منهارك لول تنقز 😐😂
ياقوت:أخاه دارين ڨصرة بلا بيا يا شوومي عليكم
أيمن:خصارة عليك شريكي -و مدلها يدو خمسها معاها-
مرام:كونتو صداقة صيبون
ياقوت:السرعة شريكي🙂
مرام:انا نوض أيا ممبعد
أيمن: وين بيها
محمد:هادي هيا مرام ما تحبش الجمايع مع الناس لي ما تعرفهمش
ياقوت:راك هنا محمد صفا شوية
أيمن:امممم
محمد:صافا حمدالله شريك و نتا
ياقوت: الحمدلله 😊
أيمن:تسما الپلاصة لي حدايا دوك فارغة ولا غادي تولي مرام
ياقوت:مرام دوك بلاصتها حدا محمد تسما يس پلاصة حداك خاوية
أيمن:تولي پلاصتك شريك😉
ياقوت:نجيب صوالحي و نجي
------على لسان ياقوت----
يعني بعد ما تفكرت العبد هداك رحت نحوس عليه درت لاكور كامل غير باش نلقاه و المكبوتة تع مرام ما بغاتش تجي معايا يعني هيا عندها الحق بسكو كل يوم عندي نحوس على عبد كنت ندور على سعدي حتى لقيتو واڨف مع مراد (بنادم نعرفو مالليسي )
ياقوت:بس بسسسست
مراد:. أنا؟؟🙂
ياقوت:😑لي راهو معاك
مراد:أيمن!؟
ياقوت:واه أيمن يعني وسمو أيمن لمهم هو هو
أيمن:أووو قردة الصباح 😂
ياقوت:ها هي السماطة عاونا خطرة شدهالنا العمر 😒
مراد:أيمن أنا نروح المدام راهي تعيطلي😏طشاو
ياقوت: روح روح ذر 😒
أيمن:واش بيك نتي وياه كي الڨط و الفار😂
ياقوت:حكاية طويلة لمهم أحم مداصرة قصدي شكرا على صباح🙂
أيمن:ماشي حاجة أما مش عفسة سلكتلكم و رحتو و خليتوني كي البهيم
ياقوت:يا ولدي كانت عندنا ساعة تع مات و سامطة و تهدر بزاف يعني و
أيمن:زعما نتي ماتهدريش بزاف سنفورة😂
ياقوت:كيشغل لمهم شكرا عفوا أنا نروح 👋🏻👋🏻
أيمن:ماشي عدل تعرفي إسمي و أنا منعرفش
ياقوت:ياقوت قردة البراري اتهنا 🙂
أيمن:يوالمك 😂
ياقوت:طشاو أنا نروح عندي علوم و ماخصنيش هدرتو 👋🏻👋🏻
أيمن:ممبعد👋🏻
ما هدرتش بزاف معاه و رحت للكلاصة ديراكت علابالي مرام توجور پلاصتها تم زدمت زدمت كلاب لقيتها تهدر مع أستاذ واو أول مرة مرام تهدر مع أستاذ و راجل عادي🙂يعني مرام ما تهدرش مع لي پروف خاصة الرجال بحكم لي صرالها هي و مها كي كانت طفلة رجعت تخاف منهم و بعد ما ديت تبهديلايشن من عند الأستاذ قليلة الحياء توجور نحط روحي فمواقف بايخخخخة🙂دخلنا قرينا حتى واااااااااو جا عندنا إيلاڥ جديد و ما الذي تراه عيناي داك البهيمة جا أما صح فرحت يعني كاين واحد مهبول كيفي على الأقل و هادرة معاه يقرا معايا مرام وقت القراية ما تزعقش كل أما فالدار إنسانة وحداخرا و هذا لي مصبرني عليها🙂جاز نهار عادي كيما كامل يامات قرينا و شورنا فالطريق
مرام:ياقوت حابة نحكي معاك فحاجة
ياقوت:لي هي !؟
مرام:ماعلاباليش كيفاش نبداهالك مش عادتي نهدر هاكا أما حسيت هاد المرة لازم
------من جيهة وحداخرا ---------
ناض صباح عادي دوش لبس لبس لبستو و قلع لليسي ليوم نهارو الاول فالليسي هاداك و نڨولو سمانتو لولة فالولاية هادي👋🏻دخل للكلاصة لقا كل واحد و وين واڨف ولي شاد تيليفونو و لي ياكل حمحم عليهم و ڨالهم كل واحد يعدل روحو و بدأ يپريزونتي فروحو قراهم عادي كيما العباد فالحشية مجمع فالبيرو تاعو حتى دخلت طفلة و فنفس الوقت كان يشوف فالنقاط تع تلاميذ فالمادة تاعو باش يعرف شكون خصهم تركيز كثر و شد انتباهو نقاط مرام فالمادة جامي لا طاحت على 17 و هذا الشي على حساب لي قرأ قليل وين يلقاه لي خلاه يسقسيها على حلمها بحكم معدلها دخلو الظن أنو حلمها الطب تردد باش يسقسيها ماشي من طبايعو يداصر التلاميذ تاوعو و يتدخل فالخصوصيات تاوعهم و كيما كان الأحوال سقساها و خرج شكو فمحلو بعد ما صونا دخلو غيرلهم الأماكن تاوعهم و كان مخطط أنو يخلي پلاصة لي حدا مرام خاوية باش يزيد تركيزها فقرايتها ماعلابالوش علاش أما قرر يدير هاكا حس لازم جهدها ما يضيعش كيما صرالو هو و هذا لي زاد دفعو باش يخليها وحدها زادولو فالكلاصة إيلاڥ جديد مالقالوش پلاصة غير أنو يجمعو حداها و كيما كان الحال جمعو حداها و هو متردد كمل قراهم و كل خطرة يخزر فياقوت لي دايتها ضحك فالكلاصة و كل خطرة ينبهها يعاود يخزر فمرام لي مركزة طول معاه و هو يشرح و أيمن يسيي يجبد فالهدرة معاها ماعجبوش الحال لأنو كان يشتت فإنتباهها مي مابينش خاف يروح ظنهم لحاجة بعيدة كمل حصص تاوعو فالكلاصة تاعهم و خرج قرا الحصة لي وراها كي صونا كان فايت على كلاصت مرام و ياقوت شاف ...... و بعد ما شاف هذا الشي ريح شوية
تعريف :
يوسف 26 سنة أستاذ علوم عازب بوه مريض مايقدرش يتمشى و أمو فيها الحلوة و لاطونسيون كل خطرة طيحلهم فراش مالتعب بسكو هيا لي حاملة شغل دار كل بحكم ما عندهاش بنتها لي تعاونها يوسف هو زاوج فخاوتو عندو خوه كبير فعمرو 30 سنة أيوب متزوج مرتو هدى ساكنة وحدها فدارها هي و راجلها فعمرها 25 سنة و خوه صغير عليه عبد الرؤوف فعمرو 22 سنة عازب يخدم مترجم فالشركة يوسف حامل كل شقا تع دارهم هو و عبد الرؤوف أما أيوب لاهي فدارو و قليل وين يجي عندهم ، يوسف شير عادي كيما كل شاشرا طويل و سمر كور و ديكور يعني زل صراحة أسمر و عينيه خضورا عندو لحية خفيفة يعني بأتم معنى الكلمة بقلاوة
_______________________
واش رأيكم ندير تصاور شخصيات ولا نخلي في الوصف!؟
