---على لسان مرام---
دخل علينا پروف و وقت دخل صراحة كامل نخلعنا يعني أحم (نظن كامل حسبتوه أيمن أما غلط)دخل علينا وحد الزين يا خويا و يا خويا أنا لي خاطيني التكحال و عجبني كنت نشوف هذا الزين غير فالمسلسلات بعد مدة تكحال فطنت على روحي وقت بدأ الهدرة
يوسف:احم السلام و عليكم بون الكل لبلايصكم -ستنا وقت حتى الكل رجع فبلاصتو و عاود كمل هدرتو-- معاكم أستاذ العلوم للعام تاعكم هذا يعني أستاذ إستخلاف بحكم أستاذتكم اللولة راهي فوقت الزيادة و ندعولها كامل بالتسهيل ان شاء الله المهم معاكم يوسف فعمري 26 سنة ان شاء الله نتوافقو مع بعض نظن راكم كبار على الهدرة الزايدة و على الهدرة لي تبينلكم بلي لازم السنة تزيرو على رواحكم و تتلهاو فقرايتكم و تبعدو أتم البعد على صوالح لي يلهوكم على القراية و دروك نجمو نبدو الدرس تاعنا بسكو الفروض ما بقاش عليهم بزاف
ياقوت:ياخويا زل يا خويا بصح ما ڨالناش عرفوني بروحكم دخلهالنا على طول قراية😐
---كانت ياقوت تهدر عليه حتى سمعنا صوت ورانا--
يوسف:آنسة ياقوت أول حاجة ماراناش فالبداية تع السنة باش نضيع حصة فالتعرف عليكم الحاجة الثانية ماغاديش نجي نقري بلا ما نحوس على كلايصي و ندخل كي البهيم الحاجة ثالثة تبعي فقرايتك و ما تحوسيش لا لي يقريك زل ولا جرانة و نظن مادامني زل تسما تركيزك معايا يزيد و شكرا
مرام:الله عليه سمعك انا دروك نتمنى فبلاصتك باش تنشق الأرض و تبلعك 🤭🤭
يوسف:آنسة مرام ممنوع الضحك وقت الحصة
مرام:اوكي أستاذ سامحني ما تتعاودش😊
ياقوت:انا نسكت دروك داير كي الخرا هذا واش بيه حاسب روحو بصح زل يعني😐😐
فاتت الحصة على خير و اخيرا و كملو الحصص تع نص نهار خرجنا على 12 و رحنا نتغدو
----على لسان ياقوت---
أول حاجة نعرفكم بروحي 😊
انا ياقوت 17 سنة عامي سنة الباك يعني كيفي كيف مرام أنا طفلة يعني طوايشية نوعا ما عايشة فوسط عائلة جزائرية بطبيعة الحال أحوالنا المادية يعني متدهورة شوية أما مش بزاف الحمدلله عندنا قيسنا قيس رواحنا پاپا عندو حانوت تع قش تع بنات و ماما ربة بيت خويا لكبيرة آدم فعمرو 29 سنة متزوج ماشي عايش معانا عايش ففرانسا أما يهود مرة على مرة و يعاون عائلتنا بلي يقدر عليه ماعنديش خواتاتي عندي غير مرام دايرتها ختي و صحبتي أنا طفلة بلوندة متوسطة القامة و مكورة شوية يعني سمينة شوية أما ماشي حتا لتم يعني قزة برك عادية شعري نواغ طويل و عينيا ماغون فمي صغيرون مورد لاباس عليا و الحمدلله راضية على روحي عائلتي متشددة شوية نوعا ما أما ماشي بزاف كيما أغلبية العوائل الجزائرية
دخلنا انا و مرام نقرو و بعد ما ديت ديك التبهديلة يعني حسيتو باتمان حتى لقيتو ورايا بعد المحاضرة كملنا الدرس عادي شرحو مليح بزاف يعني أنا لي ما نفهمش و فهمت شوية قزة يعني😂😂 كملنا نص نهار تع القراية و خرجنا بحكم ديارنا بعاد رحنا لريسطورون قريب مالليسي طلبنا واش حابين ناكلو شبعنا كرشنا و خرجنا كانت 1:00 مازال باقي نص ساعة على الوقت رحنا لجاردان قريب من تم و جمعنا فوق الجعلولة و بدينا نلعبو لي يشوفنا يقول علينا دراري صغار 😁لعبنا شوية و دروك جا وقت لقراية الله الحصة لولة عندنا عند ميسيو شنوفة و عندنا معاه زوج سوايع زادة اللللله 😭😭 يعني رح ندي ذنوب من جيهة التكحال و من جيهة السب الداخلي😐😐رحنا دخلنا كيما لعباد بلا ما نقزو حقا تفكرت داك طفل لي عاونا صباح دينا مصلحتنا منو و رحنا نجرو خليناه ورانا🤦🏻♀️🤦🏻♀️حيوانات مش عباد
ياقوت:مرام جا فراصي عبد نروح نحوس وينو و نجي يعني حابة نتأكد من وحد الحاجة تروحي معايا!؟
مرام:شكون؟!
ياقوت:يا بنتي عبد دوك تشوفي شكون تجي
مرام:لالا عيانة روحي برك نتلاقو فالكلاصة
ياقوت:اوكي
رحت على سعدي نحوس على الفارس لي أنقذنا صباح باش نشكرو بحكم ما شكرناهش صباح
----على لسان مرام----
راحت ياقوت تحوس على كاش عبد العام كل و هي تحوس على لعباد الليسي كامل تعرفه رحت للكلاصة نجمع لقيت أستاذ تع العلوم تما مجمع فالبيرو و ڨدامو الپيسي و بعض الوراق سهيت فيه للحظة بعدما فقت واش راني ندير هبطت عينيا تمتم قليلة حياء🤦🏻♀️😂
مرام: السلام و عليكم😊
يوسف:و عليكم السلام ورحمه الله وبركاته 😊واش ديري هنا آسنة مرام
مرام:والو أستاذ برك جاية نجمع فالكلاصة ديزولي لا درتلك إزعاج فخدمتك نخرج عادي
يوسف:لالا تفضلي ديجا دك يصوني و يجو الكل😊
مرام:مرسي أستاذ 😊
يوسف:ولو😊
جمعنا شوية هو فالبيرو تاعو يخدم فخدمتو و أنا فپلاصتي دايرة كيتمان أما دايرة غير جيهة خفت كاش ما يحكي معايا و ما نسمعوش ماجاياش و الحمدلله لي كنت دايرة غير جيهة
يوسف:آنسة مرام أحم يعني مش تدخل فيك بصح فضول جذب انتباهي حاجة برك ولا كانت حاجة خصوصية قادرة ما تجاوبينيش عادي
مرام:تفضل أستاذ
يوسف:واش هو حلمك
مرام:الطب
يوسف:نظن تقدريلو بسكو شفت بلي علاماتك فالعلوم جامي طاحت على 17 و هذا الشي نادر وين تلقايه فبلادنا 😊
مرام:نحب العلوم علابيها نقراها
يوسف:هه نظن ماكيش كيما صحبتك تقرأ على حساب الزين تع الپروف
مرام:نظن زين الأستاذ ماغاديش ينفعني فالباك تاعي ولا يسلكني 😊و بخصوص صحبتي كانت تزعق ڨبيلا برك حتا هيا مليحة فقرايتها برك خصها تزيد شوية فالعلوم
كان غادي يكمل هدتو حتى زدمت ياقوت
ياقوت:يا لحمار لقيت لي عاونا صباح هداك الجديد ياخي عقلتيلو
يوسف:أحم
ياقوت:آه أستاذ راك هنا سامحني والله مش موالفين أستاذ فالكلاصة فهذا الوقت آسفة
يوسف:😑😐😐
مرام:أخرجي أخرجي بهدلتي بينا
و وقت كنا رح نخرجو سمعناه صونا يعني تبهديلة مش رح تتنسا و زيد غادي نزيدو نڨابلوه🤦🏻♀️🤦🏻♀️🤦🏻♀️ولينا و راسنا تحت فالأرض دخلنا ڨعدنا و زدم الشعب تاعنا كل واحد فپلاصتو
يوسف:بون علابالي راكم كبار أما لازم نغير بعض الأماكن منكم
كامل سكتنا مالقيناش واش نڨولو بسكو هيبته فالهدرة تخليك توافق إجباري
يوسف:نعتبر سكوتكم علامة رضاكم ....آنسة ياقوت نوضي من تم (و بدأ يبدلنا فالپلايص واحد مور خوه بقات البلاصة لي حدايا خاوية و بلاصة ياقوت فالطابلة لي مقابلتني فالصف لي حدايا)
و كملنا نقرو عادي كيما كل الأيام تع القراية حتى دخل علينا طفل ولاو بنات الكلاصة كامل يتغمزو عليه مالڨري ماشي زل حتى لهاديك الدرجة عادي🤔
ياقوت:(تهمسلي)هذا هو ياك مي واش جابو هذا لهنا واقيلا جا يقرا معانا😐😐😐
مرام:و وين علابالي أنا مثلا باش راكي تسقسي فيا
يوسف:هدوء
أيمن: السلام أستاذ
يوسف:و عليكم السلام واش تستحق هنا!؟
المدير:سامحنا أستاذ على مقاطعة الدرس
يوسف:عادي شيخ أما واش كاين نقلولو القسم!؟
المدير:هذا تلميذ جديد هنا و يعني غيرنالو القسم لي كان فيه ان شاء الله ما يكونش إزعاج ليكم تفضل أيمن انا تخليك تكمل حصتك أستاذ_و راح_
يوسف:تفضل جمع هنا (و شرلو فالبلاصة لي حدايا😒)
كملنا الساعتين تاعو و صونا
______________ نهاية البارت الثاني♥️
