أحببت روحك

البارت الأول

أحببت روحك 💞

فاطمة العامري ✍️
________

هل للحب كرامه؟ سألت قلبي مرارا وتكرارا
ويلات تعذب روحي بين أسطر حبي آهات وويلات تعصر قلبي وتصرخ بين نسيانه وبين  قربه لتخبط بين لهيب القلب وكلام العقل تارتا  يجرني عقلي ويقنعنني بأن كرامتك اغله من هواكي واقتنع وأجر نفسي واقول نعم كبريائي وعزه نفسي هيه حياتي
وسرعان ماتتلاشى وتهرب من قيود عقلي بمجرد دخول اهوائك روحي وقلبي واجد نفسي مجروره لحبال قلبي من جديد
بأول حرف من اسمه او ذكره او صوته
ارجع وأرى نفسي مازلت مقيده بسلاسل القلبي التي لا تدع لعقلي تفكر   وكرامتي من نصيب في هذه الحرب النفسيه المدمره داخل احشائي

قصتي تبدئ بربيع طفولتي السابع من عمري سأسترسلها لكم بكل تفاصيلها من أعماق فؤادي لتصل لعمقكم وصميم فوادكم ونصفوني بها

هذه كلمات بطلتننا نور بكل تفاصيلها ولسان حالها قرأءه ممتعه للكاتبه فاطمه العامري

نور

احله اوقات من اروح بيت جدي والعب ويه بنات عمتي وعمامي بحديقتهم الجبيره نلعب بيت ابو بيوت وننكل شكو شغله عالكدنه من المطبخ ونسوي غرف صغيره وبيه قلاقيل وكلمن تكول هذا بيتي ونحط على راسنه حجاب  واحذيه كعب  وعود احنه كبار عشتو  مستعجلين على القهر ههههههه
وجنه قمت السعاده وكأنو منعول نكبر ونعيش الدور ولو ندري بالدنيا شضامتنلنه جان متمنينه نكبر بسرعه
نبسط بالمنور الي يم الحديقه والولد كالبين الحديقه  بلعبهم ومسوين كوال بالنعوله كل كول بي تحديد العارضه تك نعال ههههههه
وكابه عيطتتهم واحنه مندمجين الي تطبخ عود والي شايله لعابتهه ترضعه ومستحيه ولي تخلي مكياج هاي عدنه رند بت عمتي نهاد،  مغروره حته بلعبهه تسوي طقوس مال دلال وشايله خشمهه علينه لان حلوه وشعره اشكر وعيونه ملونه جنه شهبه
وريم  اختهه زينه اشوه منهه اصغر منهه بسنه هم حليوه طالعات على اهل ابوهن
وسما وسهى  بنتات عمتي سعاد رابع وثالث
ورند ثالث ابتدائي وريم ثاني
واختي سرور  اصغر مني  

كلسى نفز على عيطت الولد من يصير كول عفيه لعبه كلسى يكولون والمنتخب والبطولات تخلص المباراه لو هدف لو هدفين وذوله تخلص اللعبه النتيجه ثنين وعشرين كول على خمسطعش هههههههه وتخلص بعركه وزعله وأولهم الكولجي السمين لان ميكدر يركض يبسطوا ويصيح بطلت وين نعالي
وكلها تعيط كلسى ناخذ صفنه عليهم ونرجع نكمل لعبنه اوووف والله ايام
اهلي عايشين يم بيت جدي بنفس الشارع ابويه اموت عليه اشوفه احله واحد بالعالم واغار عليه من الكل حته من اختي وامي وبنات عمي وعمتي وهو مامقصر ويانه بشي
ماما تحب بابا من هيه صغيره بت جيرانهم وصارت قسمتهم ولحد الان هم عشاق جنت انتبه على ماما شلون تباوع لبابه  من يبدل ويكشخ ويحط العطر وعينهه تلمع بحب وتحضرله اكله وملابسه وشلون تنتظره من يجي من الشغل ومتلهفه عليه وكنو كان مسافر
بابه مدرس  وقت الغده ننجمع سوه مرات ماما تصبنه وتنتظره اذا تاخر متاكل اله يجي صح حالتنه متوسطه بس كله دفو وحب وحنان، بيت جدي حالتهم زينه جدي عنده املاك ابنه الجبير عمو حيدر يشتغل ويا بالعقارات عنده ولد ثنين مهند ومؤيد وبنيه وحده هديل عايشين بيت كبالهم
مهند اكبر مني بسبع سنين ومؤيد اربع وهديل بكدي
عمو الثاني علي عده ثنين ولد عادل وعدي وعايش وياهم بيت جدي يعني
عادل اصغر من مهند بسنه وعدي اصغرر مني بسنه