سلام الله عليكم 💞
كضينه يومين بيت جدي ويه خالتي وخوالي وبناتهم ولدهم صغار رحنه للمول سوكنه وطلعنه للألعاب تونسنه ورجعنه الليل دك سوالف وخالين حب عين الشمس وكاعين يم الصوبه وماخلينه نكته تعتب علينه وبس نضحك وكلسى تجينه عيطه لو من مامه لو خالوا ومن جلب الضحكه حته عالحزوره نكوم نضحك بت خالتي مخطوبه طالب وياهه بالجامعه وتسولفنه شلون تعرفت عليه وشلون اجه خطبهه وأهله ماقبلوا بالبدايه بس هو أصر وضل يدز ناس إلى ان قبلوا
وراح يزوجون بالعطلة
وضلينه نحجي شراح نلبس بالعرس وشنسوي وشنحط نفكر بالحفله قبل اشهر والله سوالف البنات تضحك حقهم الولد يضحكون على سوالفنه
مامه كالت كوموا ناموا باجر ابوكم يجي ياخذنه الصبح وثاني يوم رجعنه لبيتنه تنظيف وشغل وبقه اسبوع لدوام
واجتي هديل يمنه وكعدنه نسولف
وكالت باجر تعالي يمنه مسوين عزيمه
حته ساعديني وعماتي يجن ومهند وعادل راح ينزلون اجازه
كتله انت تصحيلي بس عالشغل مااجي اني حالي حال الباقين اجي عالغده
اييباخ حالج حالهم تجين وغصبن عليج ماعدنه جنه تتبطر وتنهزم من الشغل
انت جلبتيلي بهاي السالفه صدك ازعل إذا حجيتي بعد
يعني متردين وتغمزلي
اهوو شو كومي روحي البيتكم كومي ادفع بيهه وهيه تضحك وتذبلي حجي
ثاتي يوم رحت قبل اهلي الصبح لازم اروح اشتغل شيخلصني من هديل لفينه دولمه جدرين و عمتي كالت كلي السمج واني اطبكه عالتمن وبقت بس المقبلات اجوي عماتي وبيبي هم اجتي وأهلي والكل نجمع صعدت يم هديل كتلهه نطيني اغير ثوبي صار بي ريحه اكل طبن البنات يمهه أخذت الثوب ورحت للحمام غسلت وبدلت صارت غرفته كبالي رحت عليهه كلبت بالكتب شفت شعر بورقه بالكتاب مكتوب
ياروح العسل سبحان المسويج
شيفسر جمالك وانت موسوعه
يارقه وترافه وي حلاة البيك
أخلاق وجمال وكلهه مجموعه
يالتفاح خدك والشفايف تين
فهميني يفلانه منين مصنوعه
ياأرقه أبتسام وضحكه مسموعه
أنه الماغازلت غيرك ولاحبيت
وأنه بغير حبك شجره مكطوعه
من يوم العرفتك كلي محتار
ويحتار الشعر لو صرت موضوعه
ياحلو الدلع مفصل الك تفصال
عمي يلوگلج لو صرتي دلوعه
اخذته وحس احله شعور
واحس كتبه الي سفطتته وخليته بصدري وطلعت للغرفه لبست حجابي مالكيت البنات كلهن نازلات
طلعت الورقه وكلسى اقراها صعدت سرور كالت وين جنتي دورت عليج كتلهه غسلت نترست ريحت زفر وبدلت ملابسي كالت اجوا الولد
ياصدك شوكت
قبل شويه
وهسه كلهم جوه كالت مهند صعد
يعني هسه هو فوك
اي يله مامه سألت عليج اني راح انزل وانت تعالي ورايه كتله ماشي
عدلت حجابي وأخذت نفس وطلعت من الغرفه شفت طلع من غرفته يريد يطب للحمام
اووف كلب طار بعده ملابسه العسكريه ومبين تعبان وشعره هوسه وخال المنشفه عالجتفه
باوع عليه كتله
الله يساعدك حمد الله على السلامة
YOU ARE READING
أحببت روحك
General Fictionما الحب؟ هل هو حب لذاتهه وتحب شخص لنفسك لتمتلكه وتشفي غليلك وروحك وحواسك لاسعد نفسك بيه ام هو اسعاد الشخص الذي تحبهه على حساب روحك وقلبك هل هو اكتفاء انهو بخير والنظر اليه ام هو خيال لروحك ونفسك وحزمك بأن يبقى لك وحدك ام هو كل هؤلاء هل هو انواع ودر...
