بين قضبان الجحيم
بقلمي عذراء الساعدي
توني سديت حلكي وسمعنه طبه من فوك
الحجيه حطت ايدهه على كلبهه وصاحت يمه ابني
ضليت اباوعلهه مخلوسه صاحت بيه كالت روحي شوفي
شكو ولج رجليه ميعينني حتى اوكف
كمت سويت الدرج شبخين والكاه طايح بالكاع ضال بالداخليات
الفالينه بيضه صايره حمره لطمت على وجهي
هذه مصوب شون نسيت ومن اصوب لهسه ما كعد يروح هيج
ويجي هيج ركضت عليه اضرب بوجهه اريد اصحيه ماكو
وامه جوه خبصتني بعياطهه وزادت خوفي وتوتري
لك وسام اكعد شنو ناوي ترملني من وكت والله حتى الله ميرضاهه
حطيت راسي على كلبه يدك جريت نفس براحه
ركضت جبت مي من الحمام ورشيت على وجهه ماكو ماكعد شممته
عطر شويه صحه بس بالكوه فتح عيونه
امه صعدت تلهث خطيه هيه شافته طايح ونسحنت روحهه
النوب حرت بينهم ساعتي السوده اي والله شنو هل
رجل الخضره العليه بعدني ما فتت عليهم كومتهم ثنينهم
تذكرت السايق نزلت ركض اخذت شالي لبسته وطلعت صحته
راح مدري منين جاب وياه ثنين ولد واجو فاتو شالو وسام
واني التهيت بأمه بالكوه صحت منا لحد ما جابوة
هيه تدك وتلطم خطيه غدت طماطه
جابوه بالليل ساندينه كعدوا عالكرويته وطلعو وركضتله امه
تبوس بيه وتسال عن حاله وهوه يجاوبهه مابيه شي مثل الحصان
منين مصوب ولك وشوكت شو اني ما ادري تريد تموتني انته
يمه فدوه لعينج لتسوين بروحج هيج طلعنه واجب وصار اشتباك
وتصوبت ووصيت حمزه ما يبلغج حتى لا تنهبطين
وشوفه عينج جان كلشي مابيه بس زلكت رجلي بالحمام
وانفتح الخياط
يا يمه لو ميت لو صايرلك شي منو الي كتلك عوف الجيش
صير دكتور محامي صخام جلبت اله بالشرطه
اعصابج حليمه كلمن بيومه يله جوعان اريد اكل من هل ادين الحلوات
دنك عليهن وباسهن شبعت بجي عليهم قشعر بدني على منضرهم
جنت دايما احلم اهلي عايشين وياي وهيج يهتمون بيه
أنت تقرأ
بين قضبان الجحيم
قصص عامةتوني سديت حلكي وطلع الضابط بوجهي باوعلنه مصدوم نوب باوع للضابط كله شنو عمر هاي تخصني وين ماخذهه لا بشرفك كالو رفضتك لذلك استعجلت قبل لا احد ياخذهه لا قبلت منو كلك رفضتني ليش اني انرفض اباوعلهم شون يحجون بيه هيج وكدامي وكانو اني لعبه تنباع وتنشره
