بين قضبان الجحيم

الخامس والثلاثون

بين قضبان الجحيم

بقلمي عذراء الساعدي

❤❤❤.

يالعب الطفوله ويا فرح صبيان يا ماي

نجفه وللجدح شيردك ❤

******************

حمزه اني كتلج تجين وياي وانتي تختارين تطبين لبيتي

كزوجة لو مربيه غير هل حجي

ماكو وإذا رفضتي ومحمد اسحلج واسلمج للمركز

والي يصير خل يصير

ميهمني شي بعد بزعت وطكت روحي

صار شكد افتر وراج واتوسل بيج حتى توافقين وانتي

ولا يمج السالفه تشوفيني

محترك احجي وياج وكلمه منج تطفيني

ومستكثرتهه عليه اصلا يمكن ما تشوفيني كدامج

بس شسوي لكلبي الكلب ابن الكلب

الحبج وما يريد غير خلقتج الزفره يالجلبه

نور ههههه دنعل ابو هيج غزل

عموما كتلك بعد وكت منا للسبعه الله كريم عود

هو منو ضامن روحه يعيش لباجر

حمزه اني معليه كتلج العدي إذا ضليتي عايشه تختارين وحده

منهن وإذا متي بعد هذه حد يومج وما

بيدي اسوي شي غير اجي ابجي على كبرج وارش عليه مي ورد

نور اسم الله بيش مفاولني عوذه خلصت اريد

أروح انخمد طاح حظ حظي والنبي

اريدج من تشوفين وليد بمكان تعوفين كلشي بيدج

وتطبين لغرفتج افتهمتي

هذه مو راحه وعيونه صلفه وابو نسوان

نور هاهيه امرك يله تصبح على خير

وانتي بخير يا وجهه الجير

نور ديله بله هسه اني المفروض شرد عليك

حمزه يطبج مرض دامج تتفيكين عليه هيج راح يكون

كلامي وياج شوكت ما تعقلين ذاك الوكت

اشبعج غزل

نور غزلك معوق ما اريده باي

عفته وطبيت جوه لكيت البنات كاعدات يسولفن

كتلهن راح انام تعبانه وفتت للغرفه

ضليت امخمخ بالسالفه لكيتهه احسن شي اسوي اشو

اني خسرانه خسرانه خل اجرب حضي هل مرة

أروح بس ما اقبل بالزواج بسرعة هسه يكول ما صدكت خطبتهه

وشمرت روحهه عليه