The Husband [ COMPLEDED ]

- Bonus -

( Unicode )

" ဘမ်ဘီ "

အိမ်ထဲကနေခြံအဝမှာရပ်နေတဲ့ ဘတ်ခ်ဟျွန်းဆီ ခြေလှမ်းကျဲကြီးများဖြင့်ပြေးလာတဲ့ချန်းယောလ်ကိုမြင်လိုက်ရသည်နှင့် ဘတ်ခ်ဟျွန်း ၏လက်တစ်ဖက်ကိုကမ်းပေးလိုက်သည်။

ကပွဲမှာဖိတ်ခေါ်ခံရတဲ့မင်းသမီးတစ်ပါးရဲ့လက်ကိုကိုင်သလိုပဲ ဘတ်ခ်ဟျွန်း၏လက်တစ်ဖက်ကို ချန်းယောလ်ကသူ၏လက်နှစ်ဖက်ဖြင့်ညင်သာစွာအုပ်ကိုင်လာပါ၏။

ချန်းယောလ်၏မျက်လုံးတွေဟာလည်း မထင်မှတ်ဘဲရောက်လာတဲ့ ဘတ်ခ်ဟျွန်းကြောင့် အံ့သြလွန်းလို့မယုံနိုင်သေးသည့်ပုံစံဖြစ်နေသေးသည်။

" အစ်ကိုလေးကို လွမ်းလို့ "

တိုးဖွဖွထွက်လာတဲ့ဘမ်ဘီ့၏စကားတစ်ခွန်းကြောင့် ချန်းယောလ်ရင်ထဲလှိုက်ကနဲဖြစ်ကာအချစ်ကိုစတင်ခံစားဖူးတဲ့ ဆယ်ကျော်သက်အရွယ်ကိုပြန်ရောက်သွားသလိုခံစားလိုက်ရ ၏။

မှိုင်းကျကာအားအင်ကုန်ခမ်းလုမတတ်ဖြစ်နေတဲ့အချိန်မှာ ဘမ်ဘီကနတ်ဆေးဆရာလေးလိုပဲ ချန်းယောလ်နားအချိန်မှီရောက်ရှိလာတဲ့အခါမှာတော့ ချန်းယောလ်ကကျားကိုးစီးစားမကုန်တဲ့အားတွေနှင့်တစ်ဖန်နလန်ပြန်ထူနိုင်ခဲ့ပြီ။

" ဘမ်ဘီ၊ မင်းဆေးလိပ်တွေသောက်ထားတာလား "

" ယောကျ်ားလေးနဲ့ ဆေးလိပ်မကင်းနိုင်ဘူးဆိုတာ အစ်က်ိုလေးလည်းသိရဲ့သားနဲ့ထူးဆန်းပြနေသေးတယ် "

ညချမ်းအချိန်ဖြစ်တာကြောင့် ရာသီဥတု၏ အေးစက်ခြင်းတွေကလည်း စကားတစ်ခွန်းဆိုလိုက်တိုင်း နှုတ်ဖျားကနေအငွေ့တ ထောင်းထောင်းထွက်စေ၏။

ထို့အတူ ဘမ်ဘီ့၏လက်တစ်ဖက်ကလည်း ချန်းယောလ်၏လက်ခုံနှစ်ဖက်ထဲတွင်နွေးထွေးစွာရှိနေပါ၏။

ခြံအပြင်ဖက်မှာထွန်းထားတဲ့ မိန်ပျပျဓါတ်မီးတိုင်၏အလင်းရောင်ကြောင့် ဘမ်ဘီ့ကိုမှုန်ရီဝါးစွာမြင်တွေ့နေရသော်လည်း ဘမ်ဘီ့ ၏ညို့ချက်ပြင်းတဲ့ဆွဲဆောင်မှုအလှတရားတွေက်ိုတော့ ချန်းယောလ်၏စိတ်နှလုံးသားထဲကနေမြင်နေရသည်။

" ယောလ် "

ထိုစဥ်မှာပဲ အိမ်ထဲက အယ်ရီကာသည်သူတို့ရှိရာကိုလာတော့မည့်အနေအထားအကြောင့် ဘမ်ဘီ့၏လက်ကိုသူဖွဖွလေးဖြေလွှတ်ပေး လိုက်မိတာ ဘာကြောင့်လဲဆိုတာ ဘမ်ဘီနား လည်ပေးနိုင်မည်ထင်ပါသည်။