[Unicode]
Mr.Gentle နှင့် ဒေါသအိုး မှင်စာလေး
သူရဲ့မန်နေဂျာက အပြင်းအထန် ကန့်ကွက်နေသော်လည်း ချိုးကျီယန်သည် နေ့လည်ခင်းတစ်ခုလုံး၏အချိန်ဇယားကို ရှင်းလိုက်ပြီး ထန်ရှောင်းယွီ နိုးလာဖို့ ၅နာရီလုံးလုံး ဘေးနားတွင် ထိုင်စောင့်ပေးနေခဲ့သည်။
"တောင်းပန်ပါတယ် "
ထန်ရှောင်းယွီ မျက်လုံးဖွင့်ဖွင့်ချင်း သူ့ဘေးနားတွင် ချိုးကျီယန်ကို တွေ့လိုက်သောအခါ ကို့ယို့ကားယားနဲ့ ထထိုင်ဖို့လုပ်ပြီး တောင်းပန်လိုက်သည်။
"ရပါတယ်!" ချိုးကျီယန် သူ့ကို ထထိုင်ဖို့ကူညီပေးလိုက်၏။
"ဗိုက်ဆာနေပြီလား? မိုင်ခယ့်က ညစာအတွက် သွားဝယ်နေတယ် သူ မကြာခင်ပြန်လာလိမ့်မယ်"
"ကျေးဇူးပြုပြီး ကျွန်တော်မိသားစုကို ဒီအကြောင်းတွေ ပြန်မပြောပါနဲ့" ထန်ရှောင်းယွီ သတိရှိရှိနဲ့ တောင်းဆိုလိုက်သည်။
"စိတ်မပူပါနဲ့ ငါ ဦးလေးထန်ကို အကြောင်းမကြားထားပါဘူး" ချိုးကျီယန် ထိုင်ရအဆင်ပြေအောင် သူ့အနောက်တွင် ခေါင်းအုံးတွေကို ပြန်စီပေးလိုက်ပြီး " ဒါပေမယ့် မင်း ဒီနေ့ဘာဖြစ်ခဲ့တယ်ဆိုတာကိုတော့ ငါ့ကိုပြောပြရမယ် "
"....ကျွန်တော် မသိဘူး " ထန်ရှောင်းယွီ ခေါင်းကိုခါယမ်းလိုက်ပြီး "ကျွန်တော်တစ်ခုခု၀ယ်ဖို့ စဥ်းစားနေတုန်းမှာ အနောက်ကနေ တစ်ယောက်ယောက်က တုတ်နဲ့ ရုတ်တရက် ရိုက်ချသွားတာပဲ သူခိုး ဒါမှမဟုတ်ရင် တစ်စုံတစ်ယောက် ဖြစ်နိုင်တယ် ”
ချိုးကျီယန် မျက်မှောင်ကြုတ်ပြီး "မင်း ငါ့ကို လိမ်ပြောဖို့ ခွင့်မပြုဘူးနော်"
"ကျွန်တော် မလိမ်ပါဘူး " ထန်ရှောင်းယွီရဲ့လေသံက နည်းနည်းတော့သဘာဝကျ မနေပေ!
"လမ်းမပေါ်မှာ စူပါမားကတ်တွေ၊ စျေးဆိုင်တွေအများကြီးရှိနေတာကို အဲဒီ့နောက်ဖေးလမ်းကြားထဲမှာ မင်းက ဘာဝယ်ချင်လို့လဲ? " ချိုးကျီယန် တစ်ဖက်လူရဲ့မျက်လုံးတွေကို စေ့စေ့ကြည့်လိုက်ပြီး
“သူခိုးက မင်းကို ဒီလိုတွေရိုက်သွားတဲ့အပြင် မင်းမျက်နှာကိုလည်း ဒီလိုပုံစံဖြစ်အောင်လုပ်သွားတယ် ပြီးတော့ မင်းပိုက်ဆံအိတ်ကလည်း မင်းအိတ်ကပ်ထဲမှာ အရာတောင်မယွင်းသွားဘူး "
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
