[Unicode]
အခန်း(၅၅):အချိန်ပေးမယ်နှင် ဥရောပရဲ့ မြို့ငယ်လေးများ
'သူ့ရဲ့ ရည်မွန်တဲ့ လူကြီးက ချိုးကျီယန်နဲ့ သူ့ကို သဝန်တိုတယ်'ဆိုတဲ့ အခြေအနေကြီးကြောင့် ဆုနိုသည် ကြောင်အသွားကာ မူးနောက်သွားရသည်။
"ကျွန်တော် သူ့ကို ကြိုက်တောင်မကြိုက်ပါဘူး!" ဆုနို ပြောစရာ စကားမဲ့သွားရသည်။
သူက ဘယ်လိုလုပ်ပြီး abs ရှိတဲ့ယောက်ျားတွေကို ကြိုက်မှာလဲ။ ဒါက Sci-fi (သိပ္ပံစိတ်ကူးယဥ်ဝတ္ထု) လိုပဲ စိတ်ကူးယဉ်ဆန်လွန်းတယ်! ကြောက်စရာကောင်းတဲ့ ဆယ့်ရှစ်နှစ်ထိ တားမြစ်ထားတဲ့ ထိတ်လန့်ဖွယ်ရုပ်ရှင်လိုပဲ! သန်းခေါင်ယံမှာ ထမြည်တဲ့ ထိတ်လန့်စရာခေါင်းလောင်းသံထက် ကြောက်စရာပိုကောင်းတယ်!
"မင်း သေချာစဉ်းစားဖို့လိုတဲ့ အရာတွေရှိတယ်" အိုးရန်လုံသည် သူ့ပါးလေးကို ညင်ညင်သာသာ ညစ်လိုက်သည်။ ထိတွေ့မှုက ရင်းနှီးနေဆဲဖြစ်သော်လည်း သူ့လက်ဖျားများက အနည်းငယ်အေးစက်လို့နေသည်။
အခုအခြေအနေကို စဥ်းစားဖို့အချိန်မလိုပါဘူး! ပြင်သစ်အနမ်းလေးပဲ နမ်းပေးဖို့လိုအပ်တာလေ!
ဆုနို မကြာခင်မှာပဲ ပြိုကွဲသွားတော့မယ်လို့ သူခံစားနေရသည်။ သူ့ရဲ့ ကြော့ရှင်းခန့်ညားသည့် လူကြီး၏ထင်မြင်ယူဆပုံက အလွန်ပင် ထူးဆန်းလွန်းသည်။ ဒါ သိပ္ပံနည်းမကျဘူး!
သူ မြန်မြန်ပြန်ဖြေလိုက်သည်။ "သူ့ပို့စ်တွေကို ကျွန်တော် ဂရုမစိုက်ခဲ့ပါဘူး!"
တစ်ခါတစ်လေကျရင် ဆက်ဆံရေးတစ်ခုမှာ အလိမ်လေးတွေက အရေးကြီးတယ်လေ! ရုပ်ရှင်တွေထဲမှာဆို အမြဲပါတယ်!
ဒါပေမယ့်လက်တွေ့က ရုပ်ရှင်တွေထက် ပိုကြမ်းတမ်းပါသည်။
အိုးရန်လုံက မဲ့ပြုံးဖြင့် သူ့ကိုကြည့်ပြီး "ကိုယ်... တောင်းပန်ပါတယ်။ နောက်ဆုံးအကြိမ် မင်း ကိုယ့်ကွန်ပျူတာကို သုံးတုန်းက မင်းရဲ့ login history အချို့ကို မင်းထားခဲ့တယ် ”
Shitttttttt!!ဆုနို ချက်ချင်းကြီး နိမိတ်မကောင်းသလို ခံစားလိုက်ရသည်။ "ဘာ login history လဲ?"
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
