[Unicode]
"ကိုယ်ပိုင် နည်းလမ်းဖြင့် ပူဖောင်းလေးများကို ပေါက်ကွဲစေမယ်"
နောက်တစ်ရက်သည် ပိတ်ရက်၏အစရက် ဖြစ်သောကြောင့် ဒီနေ့ညနေမှာတင် ညစာစားဖို့ လာရောက်ကြသည့် လူတွေနဲ့ ပြည့်နေသည်။ Meadow က ဒီဒေသရဲ့ ရှုခင်းအကောင်းဆုံး နေရာဖြစ်သည့်အတွက် ထိုင်ခုံတွေက အမြဲလိုလို ပြည့်နှက်နေတတ်သည်။"ကျွန်တော်တို့ရဲ့ နံပါတ်ကိုခေါ်ဖို့ စောင့်နေဖို့လိုသေးလား?" ဆုနိုရဲ့ခံစားချက်တွေက ရှုပ်ထွေးနေသော်လည်း အရည်အချင်းပြည့်ဝတဲ့အစားသမားလေး တစ်ယောက်ဖြစ်နေသည့်အတွက် သူ့အစာအိမ်သည် အချိန်မှန်စွာ မြည်လာတော့သည်။
"မလိုဘူး" အိုးရန်လုံ သူ့ကိုအနောက်တံခါးကနေ တဆင့်ဒုတိယထပ်သို့ တိုက်ရိုက်ခေါ်သွားလိုက်သည်။
စိမ်းစိုနေတဲ့ ဝါးလှေကားလေးသည် အပေါ်ကဖိအားကြောင့် လှမ်းလိုက်တိုင်း အောက်ကို အိ,ကျသွားသောကြောင့် ဒီလှေကားပေါ်ကို တက်ရတာ ပျော်စရာကောင်းနေပြီး အပေါ်ထပ်ရဲ့ လေထုကလည်း အရသာရှိမယ့် အစားအသောက်တွေရဲ့ ရနံ့တွေနဲ့
မွှေးကြိုင်နေသည်။ နောက်ဆုံးတော့ ဆုနိုရဲ့စိတ်အခြေအနေလေးက နည်းနည်းပြန်တက်လာပြီဟု ခံစားရသည်။"ကိုယ်နဲ့ ဒီနေရာပိုင်ရှင်နဲ့က တော်တော်လေးရင်းနှီးတယ်လေ ပြီးတော့ ဒီက အစားအစာတွေရဲ့အရသာကလည်း တကယ်ကောင်းတယ် " သူတို့ သီးသန့်အခန်းငယ်တစ်ခုမှာထိုင်ရင်း အိုးရန်လုံ သူ့အတွက်လက်ဖက်ရည်တစ်ခွက် ငှဲ့ပေးလိုက်၏။ " မြည်းကြည့်, pu-erh ကို နှပ်ထားတာ "
T/N: pu-erh=တရုတ်လက်ဖက်တစ်မျိုး
အဆက်အသွယ်တွေရှိလို့ရော ဘာဖြစ်လဲ?ဘယ်လောက် အရှက်မရှိလိုက်လဲ!
ဆုနို တိတ်တဆိတ်ပဲနေလိုက်ရန် ဆုံးဖြတ်လိုက်သည်။
သူလည်း စားသောက်ဆိုင်ပိုင်ရှင်နဲ့အရမ်းရင်းနှီးချင်တာပဲ!
"မင်းက လွန်ခဲ့တဲ့သုံးနှစ်လောက်ကတည်းက စပြီး ပွဲဦးထွက်ခဲ့တာမလား? " အိုးရန်လုံ လက်ဖက်ရည်သောက်နေရင်းဖြင့် အေးအေးဆေးဆေး စကားပြောနေသည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...