ذات العيون الناعسة

Part(2)

تكول حَسنة..
ما بچيت بـفركتـك لا مُستحيل
بيمن ابجـي وعندك انتَ عيونة
وياك راحت وي خُطوتك من مشيت..
وأنعم الله الوادم يگودوني
وداعت اُمي بـغيِبتك ما عندي حيل ..
كوة بأ اوقات الصلاة يشيلوني
وگوة ارد لو على الگاع نحنيت..
ومن ارد عالحايط يتچوني
كُل شي بية انهى. بـفراكـك  خويت
هلگد ما ايسو جبلوني ....   //للشاعر أثير التميمي//

مُشاهدة مُمتِعة يُمة.،
_____________

رديت للدار وإنة ارجف مثل السعفة ، اخافن من ابوي بعدين انة دمع عينة شلون اسوي بي هجّي ..
فتت للدار لكيت امي تغسل الحوش ..

صدت علي وكالت
وين صرتي يمة حَسنة ، كومت حواجبهة حول عيونها وكالت :
ولج حَسنة هاي شمسوية بوجهج ..

_ يُمة شمالج  دكيت رسمة بحنجي..

_ ولج اليوم ابيج يجنزنج ولج ، شني متزوجة انتِ وتسوين هيج ، مصيبة كرفتج ، انت ليش هجّي صلفة..

_شمالج يُمة هي دكة ، بعدين معليج بابوي انة اكلة..

_ ضلت تحجي علي عبن مايصير ،
اجى ابوي الضهر صلينة وكعدنة على الصينية ، كال سعد
:  ولج حَسنة هاي شني الي بوجهج..

_رحت دكيت رسمة عبن عاجبني..

_ابوي جان ياكل رُفع راسة وكال
:الله تخبلين بنيتي ، تعالي لعندي حتى ادحك عدل ..

_كيفت رحت لعندة جان يلزمني من اذيناتي ، ولواهة وكال:
ولج انتِ من شوكت طالعة عيوناتج هجّي صايرة صلفة يحسنة.. مرت الثانية اذا تسوين سوالف مو حلوة هجّي .. ازعل عليج يحسنة..

_ اخخخ ، اسفة يبوي بعد ما اعيدها وعلي هاي اخر مرة، بس بروح ابوك لاتزعل عليّ ، عبن انتَ غالي على كليبي..

ضحك وكال:
بعد قشمري علية بهاي سوالفج ، انة الشيخ هجّي تسوين بية ..

_ههههه ، چا غير احبنك..

_انة حَسنة بنت الشيخ مرزة وحيدة ابوي ، دللني بس ما طلع عيوناتي ، يحبني حيل ابوي يكلي انتِ دمع عيني كل بنات الديرة تزوجن بعمر صغير ما يتخطى ال١٢سنة ، هذي عادات وتقاليد ، الا انة شكِثُر يجن علي نسوان بس انة ما اقبل اهل السلف حسبالهم انة عاشكة لو شي ، طلع ابوي وسد شكو حلگ يحجي عليه عبن انة دمع عينة كُبرت وصرت احلى بعد ، كل بنات الديرة تغار مني عبن ياهو زلمة بالديرة يجي علية قبل ما يخطب شكو وحدة بيهن عسى ولعل اقبل ، لكن انة جنت خالة مواصفات الزلمة الاريدنة ،

اجى هالسطان اخذ قلبي ، عقلي ، كل حواسي ابن بغداد..
حبيته حب ما صاير هذا كلة بس اني احبة لحد ما يوم من الايام لكفني هو ، والحظ هوَ هم طلع يحبني ،
ضليت اطر البستان قليل ، واذا ردت اروحن الى وي امي لو صديقاتي لو وي اديبة مرت اخوي العوبة