ذات العيون الناعسة

Part(17)

الجـُزء السـابع عشر ...// بقلمي مــِريِـــمّ عـلاء //

🔗🔗🔗🔗🔗🔗🔗🔗🔗🔗🔗🔗🔗🔗🔗

_ جَنة: كمت بسرعة اشوف شبيهة.. كل ضني رضوان صار بي شي ..
توجهت للهول اشوف شبيهة..شفتهة واكفة والدمع بعيونها وكالت

: جدتج ماتت..

_ الصدمات كثرت ، سنة ٢٠١٤ من اتعس السنين بحياتي.. ما ادري كم صدمة بعد اتحمل..
رضوان .. جدتي.. عُمر .. اطياف

توجهنة لـبغداد، اول وحدة اجت على بالي عمة زينة.. كلش تحب جدتي بالاخص بالفترة الاخيرة ، لان بيبي صارت ما تتذكر الة هي صارت كبالي من فتت كاعدة وحدهة حال الضيم حالهة، عيونها مورمات من البجي..

راحت امي يمهة ، حضنتها وضلت تبجي وياها . الحزن تارس البيت اطياف تلطم وتصرخ منو الي بعدج بيبية.. وعمر يومين ميحجي كُلها تبجي صغار ، كبار..جدتي صلحت من حالها وتغيرت ومن ماتت..
نفسها طيبة رضت كُل البشر . ورضت ربهة.. سوت الي عليها وراحت.. تشوف ابوية الي انحرمت من شوفتة سنين ، الف هنيالج يـَبيبي ..

ثالث يوم طلعت لكيت عمة كاعدة على المرجوحة .. راسها بالسمة والدمع على خدها . الحزن مالي ملامحها . السواد خيم على كلبها وگلب كـل انسان يحبها..

توجهت يمهة اول ما كعدت كالت

: تدرين شنو جَنة، قبل ليلة نايمين بالغرفة اني وياها هي بجربايتهة واني بجربايتي ( سرير ) كعدت مخروعة كالت .. اجاني سُلطان زعلان عليه عبالة بعدني ما احجي وي حَسنة.. سودة عليه كال يُمة مشتاقتلج.. كعدت تبجي وتنحب وتكول ، ربي وليدي زعلان مني اخذ روحي يمة..
تُعرفين جَنة. ما عبالي دُعاء الام هيج مُستجاب.. كعدت ثاني يوم كالت .. اجة اخوج كال يُمة اني ما مرتاح اشم ريحتج يمي.. تعالي انتِ هم.
ما انكر واكلج ما خفت لا خفت بس مو بهالسرعة تروح .. نامت قبل متنام كالت يمة زينة تعالي نامي يمي اليوم مشتاگة اللعب بشعرج.. نمت يمهة وكعدت تسولف عن سلطان وابوية ، وصتني عليج وعلى رضوان .. وكالت ديري بالج على نفسج.. ثاني يوم كعدت اكلها يُمة كومي نصلي الصبح ما كعدت جَنة ما قبلت تكعد..

اثاريها راحت تشوف سلطان وعافتني..

_ جَنة: صارت عمة تشهك من البجي .. مادري شنو اسوي بس اخذتها لحضني وصرت اطبطب على ضهرها ، كُلنا على هذا الطريق .. اني اكثر انسانة احس بيج  ، بس عمة خيلها تروح تعلعلت بالدنيا..

_ ضليت اسبوع هناك ، رضوان كل شوي واكع مايقبل ياكل بس بچي ..
توجهت اسوي ريوك لعمة لكيت عُمر واكف يشرب مي من شافني حط كلاص المي على الكاونتر وتقرب باتجاهي.. لزم چفوف ايدي بايدة. رمقني بنظرة بعيوني .
وكال..

_ عُمر : شفتي جَنة ، هاي حوبتج بيه .. استاهل تدرين اني حقير ونذل.. نسيت انتِ مكانت دمعتج عند اللــه جبيرة اسف جنات .. اسف يا قطعة من روحي. يا سندي ويا عمود ظهري الي نكسر..