ذات العيون الناعسة

البارت الاخيررر (30)

البارت الثلاثون
بقلمـي مريم علاء ،..

* بأيدي التحاليل ، كاعد هو يطمن بيـة بس  ذاك وينـه الخوف بعيونة ..

صاحت السكرتيرة بإسمي ، دخلت للدكتورة  بالتحاليل .

فحصتني وكملت ، الحجي هذا طه برة ، اول ما خلصت كالت ..
تفضلي كُعـدي ..

وصاحت على السكرتيرة.،

_  صيحي زوج المراجعة ..

اجـة طه الوجه اصفر وملامح وجهة باهتة.. احس بي يعرف شي بس يريد يتأكد

كعد بالكرسي القريب علي وشبك ادية بأيدي..

_ قبل ما احجي ٲي شي ، الشـي الي بالمريضة صار الى فترة معُينة .. الاعراض الي طلعت عندج بصراحة اعراض سرطان الدم ( اللوكيميا) ..

بداية ماكى داعي للخوف اكو علاج كيماوي وعلاج اشعـاعي

انت نوع العلاج الي ترتاحين الـة
انت واصلة مرحلة كلش خطرة
المرض صار فترة بجسمج
الغريب ان الاعراض كلهة مبين عندج
وزنج ٤٥ ما انتبهتي لهذا الشي ؟

_ طه : عصرت ايدهة بأيدي قوي واردفت
دكتورة ، شنو سبب هذا المرض ، او العامل الاساسي ..

_ هذا المرض يعتمد بنسبة كبيرة على العامل الوراثي .
لكن اكو نسبة قليلة كلش تصبيهم بسبب تلوث الجو والاطمعة المُعلبة
كاللحوم الغذائية ، او ٲჂ̤ شي مُعلب
وحٰسب ما بين عندي بالتحليل هذا الشي الي عندج وراثي ..

لكن ماكو داعي ابدا للخوف ، نكدر من هذا الاسبوع نبلـش بالعلاج الكيماوي. بعدها نبلش بالعلاج الاشعاعي..

_ كلمات تنزل مثل الصاعقة على راسي ، يعني عندي سرطان ؟ ههههه منين اجـاج يـم حظ الحلو ..

_ طه : ان شاء الله دكتورة  ،

_ هذا العلاج يسكن من ألأم الجسم عندهة ، الم الصدر . وراح تصخن لان العلاج قـوي ..

_ طلعنة اجرت تكسي ، وهي ساكتة عيونهة بيهة هواي حچي ، شنو يصير بيـج بعد يا نور عيني .. شوكت اشوف عيونج فرحانة

وحالتيي اخخ من حالتي ابدا مو اقل من الي هي بي

اول ما وصلنة ، دخلت للغرفة وسدت الباب ، خليت الغـدة على الميز ودخلت اشوف شنو بيهة..اتوقعت راح الگاهة تبجي ..

بس جانت كاعدة على الجرباية وصافنة بالفراغ ..كعدت كبالهة ولزمت ايدهة ..

_ حبيبتي انتِ ماكو داعي للخوف ، اني يمج راح نتعالج ويرجع كل شي طبيعي ..

خلت راسهة على كتفي واردفت 
: طٰه اني ما اريد اتعالج ..

_شنووو ، هذا الكلام جَنة لا تحجين هيج ..

_ طه اريد اموت براسي شعر ، شكلي حلو عيوني الي تحبهة تضل حلوة ، ما اريد اخرب اخر ايامي الحلوة بهـاي السوالف .. اريد اموت بفراشي وبحضنك بدون وجع تفهمني طه ..