[Unicode]
ချာတူးလန်နေတဲ့ ဇာတ်ညွှန်းနှင့် သဝန်တိုနေသော ဥက္ကဌ
"မင်း အဆင်ပြေရဲ့လား?" ဆုနို အတော်လေးတော့ အရှက်ရသွားရသည်။ "ငါ ဒီလိုကူရှင်အဖြစ် သုံးလိုက်ဖို့ မရည်ရွယ်ပါဘူး "
"မစိုးရိမ်ပါနဲ့ " ဒါရိုက်တာကျုံး ထိုင်ခုံပေါ်မှာထိုင်ရင်း အသက်ကို ခက်ခက်ခဲခဲ ရှူဖို့ ကြိုးစားနေရသည်။
"သရုပ်ဆောင်တဲ့ နေရာမှာသာ အကောင်းဆုံးကြိုးစားပေးနေသရွေ့ ငါ့ကို ပြန်ပေးဆပ်လိုက်တာနဲ့ အတူတူပါပဲ"
ဒီအခြေအနေကိုရောက်ပြီဆိုမှတော့လည်း
ဆုနို သူ့ရဲ့ ရထားတွဲကြီးကို ဂရုတစိုက်မရင်း အပြင်ကို ထွက်သွားလိုက်တော့သည်။
အိုးရန်လုံ သူ့ကို အဝေးမှမြင်လိုက်ရသည်နှင့် သူ့မျက်လုံးများက ချက်ချင်းကို လက်သွားတော့သည်။
"မင်းရဲ့ အငမ်းမရဖြစ်နေတဲ့အကြည့်ကို ပြင်လိုက်စမ်းပါ !" မုချိုး သူ့ကို အထင်အမြင်သေးသည့် အမူအယာဖြင့် ကြည့်လိုက်သည်။
မစ္စတာဒါရိုက်တာက သူ့ကိုအာရုံထဲမထားဘဲ သူ့ဆီကိုသာ လျှောက်သွားလိုက်သည်။
သူ ဘာလို့ မသွားသေးတာလဲ?ဆုနို စိတ်ရှုပ်သွားရသည်။
အိုးရန်လုံ ရယ်ချင်နေတာကို ရပ်ဖို့ ကြိုးစားလိုက်ရင်း "ကြည့်လို့ အရမ်းကောင်းတယ်"
ခင်ဗျားနှမပဲ ကြည့်ကောင်းနေလိုက်!
ဆုနို မျက်ရည်တွေတောင် ကျချင်လာပြီ။ဒါတကယ်ကို ရှက်စရာကောင်းတယ်!
"ငါတို့ စကြမယ်!" ဒါရိုက်တာကျုံးက လေးလေးနက်နက်အမူအယာဖြင့် ရိုက်ကွင်းကို စတင်လိုက်သည်။
မုချိုး သူ့ဦးနှောက်ထဲမှာ မချီးကျူးပဲ မနေနိုင်တော့ပေ။ သူ့ပုံစံလေးက တအားကို ဆက်စီကျလွန်းတာပဲ!
ပထမအခန်းက ရွှမ်ယွမ်ဝူလဲ့ကို ဝူလင်းခေါင်းဆောင်က လိုက်ဖမ်းသည့် အခန်းဖြစ်သည်။
သူ ပြေးလွှားနေရင်းဖြင့် သတိမထားမိဘဲ သစ်သားအိမ်လေးထဲကို ဝင်မိသွားကာ မြေခွေးမိစ္ဆာနဲ့ ပညာရှိလူငယ်လေးတို့ရဲ့ ကြောင်အသွားစေမည့် အမှုကိစ္စကို ပြုလုပ်နေသည်ကို နှောင့်ယှက်မိသွားသည်။
YOU ARE READING
ဖက်ရှင်ကျသည့် မစ္စတာ ||မြန်မာဘာသာပြန်||
RomanceThis is just a fan translation.I don't own this novel.All Credit to Original Author & Eng Translator \^•^/ Title - Mr.Fashionable Original Author - Yu Xiao Lanshan Eng Translator - Exiled Rebels Scanlations Total - 97Episodes+13Extras(Complete) S...
