Secreen ပေါ်မှာ 5 minute Countdown ဆိုတဲ့စာသားကြီးထင်းနေအောင်ပေါ်လာတယ်။
ကျန်းစစ်လော့ ဒုတိယအကြိမ် လျို့ဝှက်ကုတ်ဒ်ဖြည့်နေကတည်းက ချင်းယီ တစ်ယောက် ကျန်းစစ်လော့ကို
လည်ပင်းညှစ်ပြီးသတ်ချင်နေပြီ။
//ထင်ရာမြင်ရာကို တဇွတ်ထိုးထလုပ်နေရအောင် ကျန်းစစ်လော့ဘာများဖြစ်နေတာလဲ?သူက ဒီလိုလူစားမျိုးမဟုတ်ပါဘူး//
သေရေးရှင်ရေး ဖြစ်နေတဲ့ အချိန်မှာ ဆွေးနွေးညှိနှိုင်းဖို့အချိန်မရှိဘူးလေ။မှင်တို့ပြီးပြီဆိုမှတော့ စာရေးတာဖြစ်ဖြစ်၊ပုံဆွဲတာဖြစ်ဖြစ် တစ်ခုခုတော့ လုပ်ရတော့မှာပဲ။ဒီလူတွေအကုန်လုံး ကို တောင်အောက်မှာ မြေမြှုပ်ပစ်မိမှာကိုသေလောက်အောင် ကြောက်နေတယ်။
"ငါအရင်တုန်းက ဒီလျို့ဝှက်ကုတ်ဒ်ကို ရှင်းရှင်းလင်းလင်း မြင်လိုက်တာပါ..."
အကုန်လုံး မျက်ကလူးဆန်ပြာဖြစ်နေချိန်မှာ ကျန်းစစ်လော့ တိုးတိုးလေးရေရွတ်လိုက်တဲ့ စကားသံကို လုဟန်ကတော့ ကြားဖြစ်အောင်ကြားလိုက်ပါတယ်။တခြားသူတွေက ဒါကို မသိလိုက်ပေမယ့် လုဟန်ကတော့ ဒီစကားကိုသေချာမှတ်ထားလိုက်တယ်။
//ဘာအချက်အလက်တွေကိုလျှောက်ပြောနေတာလဲ၊ဒါတွေအကုန်လုံးက ကျန်းစစ်လော့ ရဲ့လိမ်ဆင်ဇာတ်လမ်းကြီးပဲလေ//
ကျန်းစစ်လော့ အရင်ဘဝက ဒီနေရာကိုရောက်ခဲ့ဖူးတယ်။လျို့ဝှက်ကုတ်ဒ်ကို ရိုက်ထည့်ပြီး အထဲကပစ္စည်းတွေကို သယ်သွားကို သေသေချာချာ မြင်ခဲ့ဖူးတယ်။ဒါပေမယ့် ဘယ်နေရာမှာ မှားသွားမှန်း သူမသိဘူး။ဖန်ရုံရှီးပြောသလို ဒီသော့က လျို့ဝှက်ကုတ်ဒ်တစ်ခုရိုက်ထည့်ရသလောက် မလွယ်ကူဘူးနဲ့တူတယ်။
"ခေါင်းဆောင်ချင်း၊ဒီနေရာကနေ တပ်ခေါက်ပြန်ကြမလား?"
အဖွဲ့ထဲကတစ်ယောက်က ချင်းယီကိုမေးလိုက်တယ်။
"ဒီပေါက်ကွဲသံက မိုင်တစ်ရာပတ်လည်မှာရှိတဲ့ဖုတ်ကောင်တွေကို သတိပေးလိုက်သလိုဖြစ်သွားမှာကို ငါစိုးရိမ်နေတာ၊အဲ့လိုသာဆို ငါတို့ ပိတ်မိကုန်လိမ့်မယ်"
YOU ARE READING
How to die as heavy as mount Tai
Adventureဝိညာဉ်သန့်စင်ရေးရာဌာနရဲ့ အလုပ်သင်သစ်လေး Lu heng ရဲ့ တာဝန်ထမ်းဆောင်ခြင်းများ
